იოვეტიჩმა “ინტერს” “იუვენტუსი” ამჯობინა, ჯერი მაროტაზეა

მიუხედავად იმისა, რომ “იუვენტუსმა” მადრიდის “რეალიდან” ალვარო მორატა შეიძინა “ბებერი ქალბატონი” მაინც აპირებს შეტევის გაძლიერებას და შესაძლოა “იუვეს” მომდევნო შენაძენი “მანჩესტერ სიტის” მონტონეგროელი ფორვარდი სტევან იოვეტიჩი გახდეს. როგორც იცით, იოვეტიჩი “სიტიში” ერთი წლის წინ გადავიდა “ფიორენტინადან”, მაგრამ ტრავმებმა მას ხელი შეუშალა საკუთარი შესაძლებლობების სრულყოფილად გამოვლენაში. ამ ყველაფრის მიუხედავად იოვეტიჩის შეძენა ისეთ კლუბებს სურთ როგორებიცაა მილანის “ინტერი” და ტურინის “იუვენტუსი”. როგორც იტალიური პრესა იტყობინება თავად ფეხბურთელმა ევროპა ლიგაში მოასპარეზე “ინტერს”, ჩემპიონთა ლიგაში მოასპარეზე “იუვენტუსი” ამჯობინა და “ბიანკონერის” მწვანე შუქი აუნთო. ახლა ჯერი მაროტაზეა, რომელმაც “ქალაქელებთან” უნდა მოაგვაროს ტრანსფერის დეტალები. პრესაში ჯერჯერობით არ არის ინფორმაცია იმის თაობაზე თუ რამდენ მილიონიან შეთავაზებას გააკეტებსტურინული მხარე, მაგრამ ცნობილია ფეხბურთელის სავარაუდო ფასი რომელიც მაქსიმუმ 25 მილიონ ევროს შეადგენს.

წყარო:tuttojuve.com