ევრა : “აქ გამარჯვებებისთვის მოვედი”

11:45  – პატრის ევრამ წარმატებით გაიარა სამედიცინო შემოწმების მეორე ნაწილიც, ახლა ფეხბურთელს ისღა დარჩენია, ბიანკონერების მთავარ ოფისში ოფიციალურად მოაწეროს კონტრაქტს ხელი.ვინოვოს პრეს-ცენტრში დაგეგმილი პრეზენტაციის შემდეგ ფრანგი მცველი ახალ გუნდთან ერთად პირველ ვარჯიშს ჩაატარებს და მასიმილიანო ალეგრის განკარგულებაში იქნება.

10:30 – ფორნაკას კლინიკაში ჩასატარებელი გამოკვლევები პატრის ევრამ წარმატებით გაიარა.ამ წუთებში ფრანგი მცველი სპორტის სამედიცინო ცენტრში მიემართება, სადაც სამედიცინო შემოწმების მეორე ნაწილს ჩაიტარებს.ოფიციალურად კონტრაქტის გაფორმების შემდეგ ადგილობრივი დროით 15:00 სთ – ზე ვინოვოს სამწვრთნელ ბაზაზე ფეხბურთელის პრეზენტაციაა დაგეგმილი.

გუშინ გვიან ღამით იტალიაში პატრის ევრა ჩაფრინდა, იქ, სადაც საფეხბურთო კარიერა 17 წლისამ დაიწყო.ფრანგი მცველი დღეს სამედიცინო შემოწმებას გაივლის, შემდეგ კი მისი პრეზენტაციაა დაგეგმილი.გთავაზობთ ინტერვიუს, რომელიც ევრას აეროპორტში ჩამოართვეს : “მოგესალმებით, 17 წლის ასაკში, ეს იყო ჩემი პირველი ნაბიჯები დიდ ფეხბურთში, ბედნიერი ვარ, ხვალიდან ახალ სამსახურს ვიწყებ.როცა “იუვედან” შემოთავაზება მივიღე, არც დავფიქრებულვარ, გადაწყვეტილების მიღება ძალიან გამიადვილდა.თავს ისე ვგრძნობ, როგორც ნამდვილი ახალწვეული, ყველაფერი თავიდან უნდა დაიწყოს.”იუნაიტედთან” ერთად თითქმის ყველაფერი მოვიგე, თუმცა ახლა ბიანკონერების ფეხბურთელი ვარ.მერე რა, რომ 33 წლის ვარ, ამ ასაკშიც შემიძლია ბევრის სწავლა.კლუბისთვის, გულშემატკივრებისთვის, მწვრთნელისთვის და თანაგუნდელებისთვის ყველაფერს გავიღებ, რაც მაქვს.დაპირებები ? – არ მიყვარს წინასწარ რაიმეს დაგეგმვა, თუმცა დარწმუნებული იყავით, რომ 100 პროცენტით დავიხარჯები.ტიფოზერიას მადლობას ჩემი თამაშით გადავუხდი იმ მხარდაჭერისთვის, რომელსაც ვგრძნობ.ფორცა იუვე ! აქ გამარჯვებებისთვის მოვედი.”

წყარო : Tuttojuve