ლიორენტე : “ჩემპიონთა ლიგაზე წარმატების გვჯერა”
ტურინის “იუვენტუსის” ბასკ ფორვარდს, ფერნანდო ლიორენტეს სჯერა, რომ უკეთესი სეზონის ჩატარება შეუძლია.შეგახსენებთ, რომ ესპანელმა იტალიაში გატარებულ პირველ წელს 18 გოლის გატანა მოახერხა, თუმცა იგი გაჩერებას არ აპირებს : “აპენინებზე თავს ბედნიერად ვგრძნობ, საბოლოო ჯამში ჩემპიონთა ლიგაზე და კალჩოში ერთად 18 გოლი დამიგროვდა, მშვენიერი მაჩვენებელია.ვთვლი, რომ ესპანეთის საზღვრებს გარეთ ჩატარებულ პირველ სეზონში ეს დამაკმაყოფილებელი სეზონია, მით უმეტეს, ტიტული მოვიგეთ.რაც შეეხება მოახლოვებულ სეზონს, გაცილებით უკეთესად უნდა ვიასპარეზო და გუნდს მეტი სარგებელი მოვუტანო.მოსვლის დღიდან გარკვეულ სირთულეებს გადავაწყდი, თუმცა გოლმა, რომელიც “ვერონას” კარში გავიტანე მთლიანად შემცვალა, დამაჯერებლობა შემმატა.ალეგრი ? – მაღალი დონის სპეციალისტია, მან სამი წლის განმავლობაში რამდენიმე ტიტული მოიგო “მილანთან” ერთად, გულშემატკივრები მას უნდა ენდონ.ჩვენ თითქმის იგივე შემადგენლობა გვყავს, რაც გასულ წელს, მაგრამ დაგვემატა რამდენიმე ძლიერი მოთამაშე, რამაც გუნდი კიდევ უფრო კონკურენტუნარიანი გახადა.”
ჩემპიონთა ლიგაზე, ალვარო მორატაზე, “ნაპოლი” – “ატლეტიკის” დაპირისპირებაზე : “ჩემპიონთა ლიგაზე წარმატებისთვის ყველაფერს გავიღებთ, ყველამ იცის, რომ ეს ურთულესი ტურნირია, მოულოდნელობებით სავსე.მაგალითად, წინა წელს არავინ ელოდა, რომ მადრიდის “ატლეტიკო” ფინალამდე მიაღწევდა, თუმცა სიმეონეს შეგირდებმა ეს შესძლეს.აუცილებელია თითოეულ მატჩში ბოლომდე დახარჯვა და ბრძოლა თითოეული ბურთისთვის.მორატა ? – მასთან კარგი ურთიერთობა მაქვს, რამდენჯერმე ვესაუბრე და ავუხსენი, რომ იდეალურ გარემოში მოხვდა.რაც შეეხება კონკურენციას, ვფიქრობ, ეს ყველასთვის სასარგებლო იქნება.ტურინში ერთმანეთს დავეხმარებით, ის ჩვეულებრივი ახალწვეული კი არა, ჩემი მეგობარია.იგი შესანიშნავი ფორვარდია და მოხარული ვარ, რომ ბებერმა ქალბატონმა არჩევანი სწორედ მასზე შეაჩერა.ბილბაო ნეაპოლელთა წინააღმდეგ ? – ფავორიტად იტალიელებს ჩავთვლიდი, თუმცა რა თქმა უნდა, “ატლეტიკს” ვუგულშემატკივრებ.ძველ თანაგუნდელთაგან რამდენიმეს უკვე ვესაუბრე და ბენიტესის შეგირდები მოკლედ დავუხასიათე.დიდი მნიშვნელობა აქვს სან პაოლოზე დაფიქსირებულ შედეგს, თუ ის დამაკმაყოფილებელი იქნება, ესპანელებს სერიოზული შანსი ექნებათ.”
დელ ბოსკემ მიქარა ლორენტე რომ არ ათამასა მუნდიალზე … რაი კოსტა – კი ძაან მხეცია მარა “ფურია როხა” მისთვის დიდი გაუგებრობა იყო
რატომღაც მგონია რომ ამ სეზონში ლორენტე უფრო გაიხსნება და ფორმის პიკს მიაღწევს, ასაკიც ისეთი აქვს და რავიცი მეიმედება ამ კაცის რააა
ეხა დაწერეს ვიდალს იმ შემთხვევაში გაუშვებთ თუ მარკო როისს ვიყიდითო
რა შუაშია ვიდალი როისთან – ეს ცენტრია ის შემტევი ? სად წერია ..? კაია თუ როისს შეიძენენ … გერმანელები ადრე მახსოვს იუვეში – საკაიფოდ უბერავდა ანდი მიოლერი