ალეგრი : ” “იუვენტუსში” ერთიანობას ვგრძნობ “

ტურინის “იუვენტუსის” მთავარმა მწვრთნელმა, მასიმილიანო ალეგრიმ იტალიურ პრესას საკმაოდ დიდი ინტერვიუ მისცა, რომელშიც საუბარი იყო ტაქტიკურ მონახაზებზე, სატრანსფერო ფანჯარაზე, გუნდის მიზნებზე და რაც მთავარია, ანდრეა პირლოსთან ურთიერთობაზე.

“აზია-ავსტრალიური ტურნე გუნდისთვის ძალიან მნიშვნელოვანი იყო, გუნდმა ნაყოფიერი შეკრება გაიარა და დაიხვეწა როგორც ტაქტიკურად, ისე ფიზიკურად.არ დავივიწყეთ 3-5-2 სქემა, რომელზეც ფეხბურთელები შესანიშნავად იყვნენ ადაპტირებულნი, თუმცა პარალელურ რეჟიმში ვერთვებობით სხვადასხვა ტაქტიკებზეც, ეს იმიტომ, რომ სეზონის განმავლობაში ზოგჯერ მოედანზე სამი მცველი დამჭირდება, ზოგჯერ კი ოთხი.”

“ჯაკარტაში და სიდნეიში ტაქტიკამ, რომელშიც ოთხი მცველია გაამართლა, იგივე მოხდა სინგაპურშიც, კმაყოფილი დავრჩი, რადგან შედეგი გამოიღო იმან, რასაც ვარჯიშებზე ვასრულებთ.მუხლჩაუხრელად ვშრომობთ იმისთვის, რომ ნებისმიერ მომენტში მზად ვიყოთ გადავწყოთ სხვა სქემაზე, იქნება ეს მოულოდნელი თუ წინასწარ დაგეგმილი.4-3-1-2 ? – უფრო ხშირად ვამბობ მხოლოდ 4-3, რადგან წინახაზზე მუდმივად იცვლება სიტუაცია, გააჩნია ფეხბურთელებს.პლეიმეიკერის არ ყოფნა ? – გუნდში მყავს ისეთი ფეხბურთელები, რომლებიც ამ როლს იდეალურად მოირგებენ, მაგალითად პერეირა, თუმცა დასკვნით ფაზაში იგი უფრო ინერტულია.შემიძლია პოგბას, ან თუნდაც მარკიზიოს გამოყენებათ.ნახევარდაცვასა და წინახაზს შორის თამაში შეუძლია ტევესსაც, ამ შემთხვევაში სქემას სწორედ 4-3-1-2 დაერქმევა.როცა გუნდში ძალიან ბევრი უმაღლესი დონის მოთამაშე გყავს, ხელ-ფეხი გახსნილი გაქვს.4-3-3 ? – დიახ, ამ ტაქტიკით მოედანზე გასვლა გაგვიჭირდება, რადგან ერთადერთი გარემარბი პეპეა, დიახ, აქვეა კომანიც, თუმცა იგი ახალგაზრდაა და მოახლოვებული სეზონი კინგსლისთვის სადებიუტო იქნება.”

ანდრეა პირლოზე : “ფეხბურთი ზუსტი მეცნიერება არ არის, შეიძლება ყველაფერი დაიწყოს სხვანარად და დასრულდეს ისე, როგორც ვერავინ ივარაუდებდა.იმ სეზონში პირლო ძირითადი შემადგენლობის ფეხბურთელი იყო, თუმცა არ გაუმართლა, ტრავმა მიიღო და ლაზარეთში დიდხანს მოუწია ყოფნა, მთელი ის პერიოდი კი სხვა თერთმეტეულით ვასპარეზობდით.ამის შემდეგ გუნდმა აქცენტი ფინანსურ მხარეზე გააკეთა, ბევრი რამ შეიცვალა და ანდრეამ გუნდი დატოვა.ტექნიკური თვალსაზრისით, პირლო ერთადერთი და განუმეორებელია, ფიზიკურად კი იგი ზუსტად ისეა მომზადებული, როგორც ათი წლის წინ.ვინ შეცვლის მას, როცა საჭირო გახდება ? – მარკიზიო, ძალიან ჭკვიანი მოთამაშეა.”

“როცა გუნდში ახალი მწვრთნელი მოდის, ყველაფერი ახლიდან იწყება.თითოეული ნაბიჯი გუნდს უნდა მოარგო, მის ხასიათსა და მენტალიტეტს.სხვადასხვა მიდგომა აქვს ყველა მწვრთნელს, ალეგრისაც, კონტესაც, მაურინიოსაც, ანჩელოტისაც, გვარდიოლასაც და კლოპსაც, მაგრამ შენი იდეები რომ განახორციელო, მაღალი დონის ფეხბურთელები და შეკრული გუნდი გჭირდება.დამრიგებლის გვერდით უნდა იდგეს ფსიქოლიურად ძლიერი კოლექტივი, მონდომებული და გამარჯვებას მოწყურებული შეგირდები.”იუვენტუსში” ეს ვიპოვე, ასე იყო “მილანშიც”, მთელი სამი წლის განმავლობაში.102 ქულიანი რეკორდის გამეორება ? – ამ მიღწევაში ყველას შეუძლია შეიტანოს საკუთარი წვლილი, განსაკუთრებით იმ ადამიანებს, რომლებიც ვინოვოზე ყოველდღიურად მუშაობენ, გასულ სეზონში დამყარებული მიღწევის გამეორება რთულია, მზად ვარ გუნდს 84-85 ქულა ჰქონდეს, ოღონდ ჩვენი შედეგი იყოს უფრო მეტი, ვიდრე მეორე ადგილი.”

ჩემპიონთა ლიგაზე : “გასულ წლებში, ჯგუფურ ეტაპს წარმატებით გავდიოდი და ერთხელ ჩემმა გუნდმა 1/4 ფინალშიც ითამაშა.ჩემპიონთა ლიგა განუმეორებელი და უნიკალური მოვლენაა, ჩვენი მიზანი ნებისმიერ ფრონტზე წარმატებით გამოსვლა იქნება.ერთადერთს ვიტყვი, უნდა გვჯეროდეს, თუმცა უნდა ვიყოთ რეალისტები.ტურნირის ფავორიტად “რეალს”, “ბარსელონას”, “ბავარიას” მივიჩნევ, არ დავივიწყოთ არც “ბორუსია” და “ატლეტიკო”, ბევრი უნდა ვისწალოთ, ამ გუნდებისგანაც, მათ შორის.”იუვენტუსი” არასდროს იფიქრებს იმას, რომ ვინმეს კონკურენციას ვერ გაუწევს, ჩვენ ძლიერი გუნდი გვყავს.განსაკუთრებით იმ ინდივიდუალისტებს გამოვყოფდი, რომელთაც აქვთ შესაძლებლობები, კიდევ განვითარდნენ, მაგალითად ვიდალს, პოგბას, კომანს, მარკიზიოს, ლიორენტეს, ასამოასა და მორატას.სკუდეტო თუ ჩემპიონთა ლიგა ? – ორივე, რატომაც არა.”

სატრანსფერო ფანჯარაზე და არტურო ვიდალზე : “ჩილელი ვეფხვია, რომელიც გალიაში გვყავს გამოკეტილი.ვერ აგიღწერთ, როგორ სურს თამაში, თუმცა ცოტა უნდა მოითმინოს.არტურო მოედანზე პრიმავერასთან შეხვედრაში და ტროფეო ტიმზე გამოვა, ანუ უახლოეს დღეებში.გასაგებია, რომ მის წასვლაზე უამრავი ჭორი დაიწერა, თუმცა რამდენიც არ უნდა ილაპარაკონ, ჩილელი “იუვენტუსში” რჩება, ის ჩვენი უდიდესი ოჯახის წევრია.”

“კლუბთან ერთად ანალიზი უნდა ჩავატაროთ, შეცდომების დაშვების უფლება არ გვაქვს.8 ტრანსფერიდან ორმა რომ არ გაამართლოს, არავინ არაფერს იტყვის, თუმცა ორი ახალწვეულიდან ორივემ უნდა გაამართლოს, სხვანაირად კრიტიკის ქარცეცხლში მოგვიწევს გავლა.მცველები მშვენივრად ასპარეზობენ, ოგბონა ძალიან კარგადაა მომზადებული, თუმცა მას პროგრესი სჭირდება.პირველ ორ ტურში ავარიულ სიტუაციაში ვიქნებით, ტრავმირებული ბარძალი, დისკვალიფიცირებული კიელინი, ჩემს განკარგულებაში მხოლოდ ბონუჩი, კასერესი და ოგბონა არიან, პლიუს მარონე, რომელმაც სხვათაშორის მშვენივრად წარმოაჩინა თავი მცველის პოზიციაზე, თუმცა არ ვიცი, დარჩება თუ არა იგი გუნდში.შეტევა ? – მორატა დავიმატეთ, ვნახავთ, დაგვჭირდება თუ არა ტრანსფერი კიდევ.მხიბლავს ისეთი მოთამაშეები, რომელთაც რამდენიმე პოზიციაზე შეუძლიათ თამაში, იგივე ალვარო, რომელიც ცენტრფორვარდთან ერთად, მეორე ფორვარდიცაა, მშვენივრად გრძნობს თავს ფლანგზეც.ნებისმიერ შემთხვევაში, თუ კიდევ დაგვემატება ვინმე, ნამდვილად გამოგვადგება, მჯერა, იგი ბევრ სარგებელს მოგვიტანს.”

წყარო : Football Italia