ხუანფრანი : ” აუცილებლად უნდა გავიმარჯვოთ “
მადრიდის ატლეტიკოს ფეხბურთელის ხუანფრანის განცხადებით მიუხედავად იმისა, რომ “იუვენტუსი” დიდი გუნდია ატლეტიკომ აუცილებლად უნდა დაამარცხოს იგი : ” უბრალოდ არ გვაქვს უფლება კიდევ ერთხელ წავბორძიკდეთ, რადგან ერთხელ ეს უკვე მოხდა და ამ ტურნირში ზედიზედ მეორედ უკვე სიკვდილის ტოლფასი იქნება. ან ჩავჩრებით ჯგუფში ან კიდევ უკიდურესად გავირთულებთ საქმეს. კარგად გვესმის, რომ ევროპაში ერთ-ერთი საუკეთესი კლუბი გვყავს და ამ განწყობით იერიშს იერიშზე მივიტანთ მეტოქის კართან და დარწმუნებული ვარ მივაღწევთ საწადელს. იუვენტუსი დიდი და რთული გუნდია, მაგრამ ჩემპიონთა ლიგა გასაოცარი რამ არის. ვუდგებით მას გამარჯვებულის ფსიქოლოგიით და თუ ზედმიწევნით ზუსტად შევასრულებთ მწვრთნელის მითითებებს, როგორც ეს ლა ლიგას უკანასკნელ ტურში მოხდა, მაშინ სამი ქულა ჩვენი იქნება ” .
მიუხედავად ამბიციური განცხადებებისა, ესპანეთის ნაკრების მოთამაშე პატივისცემას გამოხატავს ბებერი ქალბატონის მიმართ :
” მათ რიგებში უამრავი ისეთი ფეხბურთელი ირიცხება, რომლებიც იდეალურად აკმაყოფილებენ ჩემპიონთა ლიგის დონეს. განსაკუთრებულად ძლიერი და გამოცდილი კარის დარაჯი კი დამატებით რწმენას მატებს გუნდს. ისინი იყენებენ სამ მცველიან ტაქტიკას და ფლანგებზე ძლიერი შემტევი მოთამაშეები ჰყავთ. თავდასხმაში კი სუპერ ფორმაში მყოფი კარლოს ტევესი ასპარეზობს, რომელიც ზედმეტ შექებას და რეკლამას ნამდვილად არ საჭიროებს, თან არგენტინელმა უკვე მოასწრო თავის გამოჩენა პირველ ტურში. არ მინდა განსაკუთრებულად ძლიერი ესპანელები დავივიწყო, რომლებიც იტალიურ გუნდში ირიცხებიან. იმ გულშემატკივრებს, რომელთაც გაუმართლათ და მატჩზე დასასწრები ბილეთი უკვე შეიძინეს, ნამდვილად დიდ სანახაობას იხილავენ “.
წყარო: Football Italia
