ჯიოვინკოს მონტე-კარლოში ელიან

სებასტიან ჯიოვინკოთი ფრანგული კლუბი, “მონაკო” ინტერესდება. იტალიელ ფორვარდს ამჯერად კლუბების საკმაოდ მოზრდილი არჩევანი აქვს, მათ შორის “ტოტენჰემისა” და “არსენალის”, მაგრამ მისი აგენტი სებასტიანის წასვლას იანვარში გამორიცხავს. ის რამდენიმე კლუბის შემდეგ “მონაკოს” ინტერესთა სფეროშიც მოექცა. 2015 წლის ზაფხულში იტალიელს კონტრაქტი უმთავრდება, ასე, რომ მას კლუბის დატოვება თავისუფალი აგენტის სტატუსით შეუძლია. “სიმართლე გითხრათ, “მონაკო” სებასტიანისადმი დიდ ინტერესს იჩენს. მე მათი ერთი შემოთავაზება დავბლოკე, მაგრამ ისინი არ ჩერდებიან. ბევრი კლუბია, რომელიც მზადაა მისი კონტრაქტი ახლავე გამოისყიდოს, ან, ის ზაფხულში გაიფორმონ, მაგრამ ჯერ-ჯერობით “იუვენტუსის” გადაწყვეტილებას ველოდებით. სხვა კლუბებს დაწყნარებისკენ მოვუწოდებ, სება მხოლოდ ტურინში ხედავს მომავალს.”-აცხადებს სებასტიან ჯიოვინკოს აგენტი. “იუვენტუსის” ფორვარდის ფასი 8-10 მილიონი ევროა, მაგრამ მისი კონტრაქტი ამ თანხას 5-6 მილიონ ევრომდე აგდებს, ცნობისთვის მისით “ფიორენტინა”, “ბოლონია”, “პარმა”, “ტოტენჰემი”, “არსენალი” და “მონაკო” ინტერესდებიან.

წყარო : Football Italia, Bleacher Report