სატრანსფერო ჭორები და სიახლეები

სატრანსფერო ფანჯრის დახურვამდე 24 საათზე მეტი რჩება, ტურინის “იუვენტუსს” კი რამდენიმე სვლა ჯერ კიდევ გასახორციელებელი აქვს.უპირველეს ყოვლისა, სებასტიან ჯიოვინკოს გუნდიდან წასვლა უნდა აღინიშნოს, რომელიც დიდი ალბათობით, შორეულ კანადას მიაშურებს.კონტრაქტი MLS – ის ბინადარ “ტორონტოსთან” უკვე გაფორმებულია, თუმცა რამდენიმე კვირის წინ გაფორმებული ხელშეკრულება ძალაში სეზონის ბოლოდან შედის, ახლა დამატებითი მოლაპარაკებები ატომური ჭიანჭველას კანადაში იანვარშივე გადაბარგების შესახებ მიმდინარეობს.მასიმილიანო ალეგრის განცხადებით, 27 წლის ფორვარდი გუნდს დატოვებს, მის შემცვლელს კი ბებერი ქალბატონი აუცილებლად დაიმატებს.სამი ვარიანტია : სიმონე ძაძა, პაბლო დანიელ ოსვალდო და ალესანდრო მატრი, ამათგან მაროტა/პარატიჩის რჩეული ტურინს ხვალ მიაშურებს, თუმცა ძაძას ტრანსფერის შანსი თითქმის ნულს უტოლდება.

იტალიის ეროვნული ნაკრებისა და “სასოულოს” ფორვარდმა ნეროვერდისთან კონტრაქტი რამდენიმე დღის წინ 2019 წლამდე გაიხანგრძლივა და ხელშეკრულებაში ჩაურთო პუნქტი, რომლის თანახმად “იუვენტუსს” სეზონის ბოლოს 15 მილიონის გადახდა მოუწევს, თუ ძაძას გამოსყიდვას შეეცდება.ზაფხულში ამ უფლებით ბიანკონერები სავარაუდოდ ისარგებლებენ, თუმცა ივნისამდე ჯერ დროა და ჯუზეპე მაროტას, 23 წლის წინახაზელის დამატება ეხლავე სურს, ეუსებიო დი ფრანჩესკო უარზეა.აქედან გამომდინარე, ბებერი ქალბატონი ძაძას ვერ დაიმატებს, რჩება ორი ვარიანტი : ოსვალდო და მატრი.

ალესანდრო მატრი მასიმილიანო ალეგრის ყოფილი შეგირდი და კარგი ნაცნობია.ისინი ერთად ჯერ “კალიარიში”, შემდეგ კი “მილანში” მუშაობდნენ.სხვათაშორის, როსონერიში მუშაობისას მატრი ალეგრიმ სწორედ “იუვენტუსიდან” გადაიბირა სოლიდურ თანხად, იქედან კი 30 წლის ფორვარდი “ჯენოაში” გადაბარგდა, არენდის წესით.მიმდინარე სეზონში მიტრა-მატრის ანგარიშზე 16 შეხვედრაში 8 გატანილი გოლია, ურიგო შედეგი ნამდვილად არ არის, თუმცა ამ მომენტისთვის, ფეხბურთელი ლაზარეთში იმყოფება.დღეს დილით გავრცელებული ინფორმაციით, ალესანდრომ სპეციალურად ბიანკონერების ხელმძღვანელობის დავალებით სამედიცინო შემოწმება გაიარა და დაადგინა, რამდენ ხანში იქნება მწყობრში.მოკლედ, იმუშავებენ თუ არა კვლავ ერთად ალეგრი და მატრი ეს დღეს გვიან ღამით გადაწყდება, ხვალ კი ოფიციალურად დადასტურდება.

მეორე ვარიანტი პაბლო დანიელ ოსვალდოა, რომელიც “ინტერისგან” მიმავალ გზას კარგა ხანია ადგას.ოფიციალური კონტრაქტის თანახმად, იტალო – არგენტინელი ჯერ “საუთჰემპტონში” დაბრუნდება, შემდეგ კი სურვილის შემთხვევაში “იუვენტუსში” გადაბარგდება არენდით.29 წლის ოსვალდომ მიმდინარე სეზონში 12 მატჩი ჩაატარა და თავი ხუთჯერ გამოიჩინა, ბოლოს იგი მოედანზე სწორედ “იუვენტუს სტედიუმზე” გამოჩნდა, მატჩის ბოლოს მაურო იკარდისთან მოუწია შელაპარაკება და მას შემდეგ, ნერიაძურის ვარჯიშებსაც არ დასწრებია.

ჯანლუკა დი მარციოს მიერ გავრცელებული ინფორმაციის თანახმად, “იუვეს” ხელმძღვანელობა დღეს გვიან ღამით გადაწყვეტს, რომელ ფორვარდს ამჯობინებს და ხვალ დღის განმავლობაში, ერთ-ერთი მათგანი ტურინს ეწვევა, სება ჯიოვინკო კი კანადაში გაფრინდება.აქვე გეტყვით, რომ სატრანსფერო ფანჯრის ბოლო დღესვე იტალიის 32 გზის ჩემპიონებთან კონტრაქტს ხელი სტეფანო სტურარომ უნდა მოაწეროს.