სტურარო სტუმრად გადაცემა “პირდაპირ ხაზში”

სტეფანო სტურარო მიწვეული იყო ბიანკონერის ოფიციალურ არხ JTV-ზე სადაც გადაცემა “პირდაპირ ხაზში” მიიღო მონაწილეობა. მან გულშემატკივრების რამდენიმე შეკითხვას გასცა პასუხი.

როგორ გრძნობ ტურინში თავს?

“გამომდინარე იქიდან, რომ ჩინებული პარტნიორების გარშემო ვიმყოფები და საჭირო რჩევებს ხშირად მაძლევენ ვიტყვი, რომ თავს იდეალურად ვგრძნობ. საერთოდაც დე ჩელიესთან და მატრისთან ერთად ადრეც მითამაშია ახლაც ჩემს გვერდით იმყოფებიან”.

რას ელი ბორუსიასთან მატჩში?

“მძიმე მატჩს ველი ორი დიდი გუნდის მონაწილეობით. დორტმუნდმა გადალახა მძიმე კრიზისი და ეხლა აღმავლობის პროცეს განიცდის. პრინციპში ვინც არ უნდა შეგხვდეს ჩემპიონთა ლიგის გათამაშებაში, მინდორზე გასვლისას მონაწილეებს განსხვავებული ატმოსფერო ეუფლებათ და მაქსიმალურად ცდილობენ წარმატების მიღწევას. ყველაფერი უნდა ვაჩვენოთ და გავაკეთოთ რაც ვიცით საუკეთესო კუთხით”.

უყურებდი მიმდინარე სეზონში იუვეს ასპარეზობას?

“დიახ, ევრო თასებზე საერთოდ ყველა იტალიურ კლუბს ვქომაგობ”.

როგორი იყო ალეგრისთან შეხვედრა?

“ფანტასტიური სპეციალისტია, რომელსაც არ ეზარება არც საუბარი და რა თქმა უნდა რჩევების მიცემაც. იგი ისეთ მიკროსკოპულ დეტალებზეც კი ამახვილებს ყურადღებას რაზეც სხვას შეიძლება უბრალოდ გაეღიმოს”.

თუმცა, შენთვის ეს არ იქნებოდა სიურპრიზი?

“როდესაც ჯერ მილანს თავკაცობ და მერე უკვე იუვეს, ბუნებრივია ყველაფერი ცხადი ხდება”.

მოგწონს ტურინი?

“დიახ, მშვიდი და წყნარი ქალაქია”.

როგორი შეგრძნება დაგეუფლა, როდესაც იუვემ გიხმო?

“საოცარი, მაგრამ სიმართლე გითხრათ ამას ველოდი. ტრანსფერამდე სამი კვირით ადრე ვიცოდი, რომ ტურინში ამოვყოფდი თავს. თუმცა, გუნდებმა შეთანხმებას უშუალოდ ბოლო დღეს მიაღწიეს. დიდი სურვილი მქონდა ახალი თავგდასავალი რაც შეიძლება მალე დაწყებულიყო”.

იფიქრებდი ბავშობაში, რომ იუვეს მაისურს ჩაიცვამდი?

“არა რა თქმა უნდა. მაგრამ ისევე როგორც ყველა პატარას ისევე მსურდა და ვოცნებობდი ამაზე. იუვე ხომ იტალიის საუკეთესო კლუბია”.

როგორია მარკიზიოსთან, ბუფონთან, პირლოსთან, პოგბასთან და ტევესთან ერთად თამაში?

“გულახდილად გეტყვით თავდაპირველად მათ წინააღმდეგ მოედანზე გასვლა შიშს მგვრიდა. ლეგენდების ოპონენტი რომ ხარ მინდორზე უცნაურ გრძნობას იწვევს, მაგრამ ერთ დღეს მათთან ერთად მიდიხარ სავარჯიშო მოედანზე და ხვდები რომ ისინი არიან ბრწყინვალე ბიჭები და მათთან ურთიერთობა უდიდესი სიამოვნებაა. ეს ბიჭები ბევრად უფრო გახსნილი და მხიარულები არიან ვიდრე ბევრი დანარჩენი სხვა კლუბებში”.

რომელი ფეხით უფრო უკეთ თამაშობ და შენი საყვარელი პოზიცია?

“მარჯვენა ფეხს, მაგრამ არც მარცხენას ვიყენებ ურიგოდ. რაც შეეხება პოზიციას მე ისეთივე ტექნიკური როგორიც პირლო არ ვარ და ეგეთი საერთოდ ალბათ არავინ არის. მიყვარს პარტნიორებისთვის ბრძოლა და მათ დასახმარებლად ყველაფერს გავიღებ მინდორზე. არ მიძნელდება და რაც მთავარია არ მეზარება სირბილი მთელს მოედანზე საკუთარი ფიზიკური კონდიციების დამსახურებით. ამის გამო გასპერინი სხვადასხვა პოზიციაზე მამწესებდა და ვფიქრობ ეს სტურაროსთვის დამატებითი პლიუსია”.

რას ფიქრობ ჩემპიონატზე?

“კლასიკური იტალიური ჩემპიონატი, სადაც პირველი ორი გუნდი ერთი თავით მაღლა დგანან სხვებზე. შემდგომ რამდენიმე გუნდი ევროპის საგზურისთვის ბრძოლაში და წელს ისინი საკმაოდ ბევრნი არიან. შუა ცხრილი და გადარჩენისთვის ბრძოლა კი როგორც ყოველთვის დაუნდობელია. სწორედ ამითაა კალჩო მიმზიდველი, რომ არასოდეს იცი რა მოხდება”.

რომელ ფეხბურთელს გამოარჩევდი შენი პოზიციიდან? ვინ იყო შენი კუმირი?

“რთულია ამის თქმა, რადგან პირადად მე გამოკვეთილი პოზიცია მინდორზე არ მაქვს. შედეგად ბევრი ფეხბურთელი იყო ჩემი კუმირი და გამიჭირდება, რომელიმე გამორჩევა”.

მიზანი მიმდინარე სეზონში?

“წარმატებულად შევერწყა კოლექტივს, რადგან მომავალ წელს რაც შეიძლება პროდუქტიულად ვიასპარეზო იუვეს მაისურით”.

წყარო: ტურინის “იუვენტუსის” ოფიციალური ვებ გვერდი