კამორანეზი :”კავანი კი კარგია, მაგრამ ჩემპიონთა ლიგას მხოლოდ იგი არ ეყოფა”

Tuttosport-თან საუბარში ბიანკონერის ექს ნახევარმცველმა მაურო კამორანეზიმ გუნდის სამომავლო სატრანსფერო პოლიტიკა მიმოიხილა…

“კავანი დიდი ნიჭის პატრონია და იგი ფანტასტიურ ტანდემს შექმნიდა ტევესთან ერთად. თუმცა, ჩემპიონთა ლიგა ისეთი გათამაშებაა მარტო ურუგვაელი შესაძლოა არ გახდეს საკმარისი, მაგრამ ხარისხს რომ შემატებს ტურინს ეს ფაქტია. ტოპ გუნდისთვის საერთოდ აუცილებელია ტოპ-ტრანსფერები, რადგან საშუალო ფეხბურთელების შეძენის შემთხვევაში, დროთა განმავლობაში გიწევს 5 მოთამაშის გასხვისება სადმე. დიბალა? მას შეუძლია ცხელი ამინდის შექმნა მეტოქისთვის მინდორზე, მაგრამ ერთია აკეთებდე ამას სიცილიაში და მეორეა სადმე სხვაგან. სხვათაშორის როდესაც კაპელოს ეკითხებოდნენ ასეთ თემებზე და კერძოდ ტალანტებზე, ის პასუხობდა, რომ საჭირო იყო ასეთი ფეხბურთელის ხილვა სადმე სხვა ატმოსფეროში და თუ იქაც წარმოაჩენდა თავს, მხოლოდ ამის შემდეგ დავიმატებდით”.

“დორტმუნდი? რთულია ფავორიტის დასახელება, რადგან თანაბარი დონის მეტოქეებზე ვსაუბრობთ. პრობლემატური ანგარიში არის ტურინში დაფიქსირებული და მიუხედავად იმისა, რომ იუვეს შესანიშნავი გუნდი ჰყავს, ბორუსია იოლად არაფერს დათმობს. ნამდვილად არ შევხედავდი იმ პრობლემებს, რასაც გუნდი შიდა პირველობაზე გადააწყდა. ატმოსფერო გულშემატკივრების დახმარებით უაღრესად იქნება დამძიმებული, მაგრამ მატჩებს ფეხბურთელები იგებენ”.

“ანდრეა? თუ ის გერმანელებთან შეხვედრაში მოედანზე დაბრუნდა, მისი ყოფნა ძალთა ბალანს აუცილებლად შეცვლის. ზოგჯერ კრიტიკა მესმის მისი მისამართით, რაზეც გულიანად ვიცინი. პირლო განა პრობლემებს ჰქმნის, ის მისი გადაწყვეტით არის დაკავებული. დარწმუნებული ვარ ანდრეა 40 წლამდე თავისუფლად ითამაშებდა და საერთოდაც, აპენინური ფეხბურთის დონიდან გამომდინარე ალბათ 53-მდეც არ გაუჭირდება. არავინ ვიცი დღესდღეისობით ასეთი ჭკვიანი ფეხბურთელი”.

“ალეგრი? ყოველთვის მომწონდა იგი. პრინციპში ეხლა შედეგებიდან გამომდინარე ადვილია ამის თქმა. საშუალო სტატისტიკის მქონე სპეციალისტებიდან მისი სქემები გაცილებით უფრო მარტივია. არ გამოიყენებს ბევრ ჩახლართულ მანევრირებებს და ამით ფეხბურთელისგან შეუძლია მაქსიმუმი ინდივიდუალიზმის ამოღება”.

წყარო: Football-Italia