ანიელი :”იუვე მუდამ დარჩება იტალიურ კლუბად”

“იტალიური ფეხბურთის ოპოზიციის ლიდერად, ნამდვილად არ მიმაჩნია საკუთარი თავი. არაფერი არ ხორციელდება მანამ სანამ კლუბების პრეზიდენტები არ იკრიბებიან. საერთოდაც სერია ა-ს ლიგა ვერაფერს ვერ წყვიტავს და ეს ეხება, როგორც პირდაპირ ტრანსლიაციებს და ასევე სხვადასხვა სახის დავებს. მოგვიწევს საკუთარი შეხედულებების და მანერების შეცვლა. ელემენტარულად რამდენიმე გამონაკლისის გარდა კლუბებს ჰყავთ 70 წლის პრეზიდენტები. პარმა? სავალალო მდგომარეობაში მყოფი გუნდი, ასეთივე პიროვნებებმა ჩააგდეს. სიმართლე გითხრათ არ მანაღვლებს ის თუ რას ფიქრობენ შიგნით ჩვენს ქვეყანაზე, მაგრამ განვიცდი იმას თუ რას ფიქრობენ ჩვენზე იტალიის ფარგლებს გარეთ. ძველი სტადიონები არის ერთ-ერთი უმთავრესი ფუძემდებელი იმ კრიზისის, რომელშიც ვიმყოფებით. ამაში ვარ 100%-ით დარწმუნებული. აუცილებელია, რომ მომავალმა თაობამ სრულად იგრძნოს საფეხბურთო მშვენიერება, რასაც ჯერჯერობით მოკლებულია”– საუბრობს ბიანკონერის პრეზიდენტი ანდრეა ანიელი.

“პირდაპირ შეგვიძლია იმის თქმა, რომ ჩემსა და დანარჩენ პრეზიდენტებს შორის დიდი სხვაობაა. ჩემი ხედვით, აუცილებელია მივბაძოთ პრემიერ ლიგას, რომელიც წარმოადგენს კარგად შეფუთულ პროდუქტს, რომელშიდაც არ ჩერდება პროგრესირება. მიხარია, რომ ჯეიმს პალოტას (რომას პრეზიდენტი) სახით ვიპოვნეთ თანამოაზრე. უნდა ველოდოთ თუ არა სხვა უცხოელ ინვესტორებს? ნამდვილად არ მაინტერესებს თუ როგორ და საიდან შემოდის ფული, მაგრამ მსურს დაგარწმუნოთ “იუვენტუსი”, ყოველთვის დარჩება იტალიურ კლუბად”.

“კალჩიოპოლი? არ შეიძლება იმის თქმა, რომ თითქოს რეაბილიტირება მოვახდინეთ. იყო სპორტული სასამართლო და მივიღეთ მისი გამოტანილი ვერდიქტი, მაგრამ ეს იყო მანამდე სანამ ახალი დეტალები გახდებოდა ცნობილი, რომელიც სამწუხაროდ არ იქნა გათვალისწინებული. გავიდა დრო და უკვე ჩვენ შევიტანეთ სასამართლოში სარჩელი, რომელიც გულისხმობს ზარალის ანაზღაურებას 443 მილიონი ევროს მოცულობით”.

“ფინანსური ფეირ პლეი? დღეისათვის ოთხ ევროპულ კლუბს არ ჰყავს ბადალი გამომუშავებული ფინანსებით. ესენი არიან: რეალი, ბარსელონა, მანჩესტერ იუნაიტედი და ბაიერნი. მათ შემდეგ არიან სიტი და პსჟ, რომლებიც იყენებენ ფინანსური დოპინგის პრინციპს. სატურნირო ცხრილი, რომ შევქმნათ იუვენტუსი იქნება მერვე პოზიციაზე. ჩემი მიზანია, მეხუთე პოზიციის დაკავება 3-4 წელიწადში”.

“ბორუსია? ჩვენ ვართ იუვენტუსი და ამიტომაც ვალდებულნი ვართ გავიმარჯვოთ ყოველ მატჩში”.

წყარო: Football-Italia