ბარძალი :”ყველაზე ბედნიერი ადამიანი ვარ დედამიწაზე”

საკმაოდ გრძელ ვადიანი იძულებითი შესვენების შემდეგ იუვენტუსს და იტალიის ნაკრებს ანდრეა ბარძალი დაუბრუბდა. ფეხბურთელმა უმძიმესი პერიოდი გამოიარა და ჟურნალისტებს სწორედ ამ თემაზე ესაუბრა. მისი განცხადებით, იყო ისეთი ეპიზოდებიც როდესაც იგი კარიერის დასრულებასაც კი ფიქრობდა…

“საშინელი დღეები იყო. არა მხოლოდ იმიტომ სანაკრებო დონეზე საერთოდაც, როდესაც შენ არ ხარ პარტნიორების გვერდით და ვერ ახერხებთ მათ დახმარებას არის აუტანელი ტანჯვა. ყველაზე ცუდი მომენტი? ოპერაციამ წარმატებით ჩაიარა და თითქოს ყველაფერი გეგმის მიხედვით უნდა განვითარებულიყო. თუმცა, როდესაც შევუდექი ფიზიკურ დატვირთვებს, ვერაფრით მოვახერხე სირბილი. საშინელ ტკივილს ვგრძნობდი, რაც ბუნებრივია საგანაგაშოს ხდიდა სიტუაციას. ასე მეგონა სამყარომ ზურგი მაქცია. აბაზანაშიც კი ვერ შევდიოდი ისე, რომ ტკივილი არ მეგრძნო. ნამდვილად ვფიქრობდი კარიერის დასრულებაზე, მაგრამ ერთ მშვენიერ დღეს დავთანხმდი სარეაბილიტაციო პროგრამის გავლას და თავდაუზოგავი შრომის დამსახურებით დღეს თქვენს წინ ვიმყოფები. იცით, სულ სხვა შეგრძნებაა თვალს ადევნებდე შენს გუნდს სტადიონიდან და სულ სხვაა იყო მათ გვერდით. ბუნებრივია თანაგუნდელებთან ახლო ურთიერთობა მქონდა, მაგრამ თავად მე ვგრძნობდი გაუცხოებულად თავს. ასეთ დროს კი მეუღლის და შვილის მხარდაჭერამ ჩემზე ენით აუღწერელი სტიმული მომანიჭა. თამამად შემიძლია ვთქვა, რომ დღეს ყველაზე ბედნიერი ადამიანი ვარ დედამიწაზე”.

“რა აზრის ვარ ნაკრებში გამოძახებულ ფეხბურთელებზე, რომლებსაც იტალიური ფესვები არ გააჩნიათ? იცით, ეს ადრეც იყო და მომავალშიც იქნება. ვფიქრობ, თუ ფეხბურთელი კარგად წარმოაჩენს თავს და აქვს სურვილი იასპარეზოს ერთი კონკრეტული ნაკრების რიგებში ამაში დასაძრახი არაფერია. ამ ასპექტს სხვა ქვეყნის ნაკრებებიც, საკმაოდ ეფექტურად იყენებენ. ერთი სიტყვით, ისინი ჩვენთვის სასურველი კადრები არიან. კონტე? პიროვნება, რომელიც ყოველთვის ხმამაღლა იძახის ყველაფერს, რასაც ფიქრობს და მიუყვება საკუთარ გზას. ბუნებრივია ესმის თუ რაოდენ დიდი მითქმა მოთქმა მოყვება ამა თუ იმ ნაბიჯს, მაგრამ ნებისმიერი გადაწყვეტილება, რომელიც მან მიიღო და მომავალში მიიღებს, ნაკრებისთვის იქნება სასიკეთო”.

“ვხედავ თუ არა ჩემს თავს ევრო 2016 წლის შემდგომ ნაკრებში? რა თქმა უნდა არა, რადგან მაშინ უკვე გადავაბიჯებ 35 წელს. იმ ფეხბურთელა ტიპს კი ნამდვილად არ განვეკუთვნები, როგორებიც არიან ბუფონი და პირლო – მათ 40 წლამდეც თავისუფლად შეუძლიათ საკუთარი საქმის კეთება. ამიტომ იმედი მაქვს, ახალგაზრდა მცველები, მაგალითად როგორიც არის რომანიოლი, თავს საუკეთესო კუთხით წარმოაჩენენ. გაახალგაზრდავების კურსი ურიგო ნამდვილად არ იქნება”.

“ჩემპიონთა ლიგა? სამწუხაროდ შარშანდელ სეზონში არცთუ წარმატებულად ვიასპარეზეთ ევრო სარბიელზე. თუმცა, მიმდინარე წელს გარკვეულმა ფაქტორებმა და რაც მთავარია ახალმა მწვრთნელმა განახლებული და წარმატებული ეფექტი მოახდინა. საერთოდაც, ეს არის ისეთი ტიპის გათამაშება, რომელშიდაც იღბალი საკუთარ როლს ასრულებს. ფინალი? უნდა გვჯეროდეს და საერთოდაც ოცნების უფლება ნამდვილად გვაქვს. მოედანზე გავდივართ იმედიანად, მაგრამ ამავე დროს ვაცნობიერებთ, რომ არიან კლუბები რომლებიც გარკვეულ ეტაპში ჯერჯერობით გვჯობნიან. არსებობს გარკვეული სახის განსხვავება მენტალიტეტსა და სტაბულურობას შორის. საერთოდ, ორ რაუნდიან დაპირისპირებაში ყველაფერი შეიძლება მოხდეს, ხოლო უკანასკნელ წლებში დავუმტკიცეთ ყველას, რომ იტალიის ჩემპიონატის საუკეთესო გუნდი ვართ. ასევე უნდა შევხედოთ ევროპა ლიგასაც, სადაც ფაქტი სახეზეა – გუნდებმა შეიცვალეს მიდგომა და მენტალიტეტი. იმედს გამოვთქვამ, რომელიმე მათგანი შეძლებს ევროპა ლიგის ფინალში გასვლას, ხოლო ჩვენის მხრივ იგივეს მოვახერხებთ ჩემპიონთა ლიგის გათამაშებაში. სწორედ იქ უნდა მივიყვანოთ იტალიური ფეხბურთი, სადაც იმსახურებს”.

წყარო: Football Italia