ლიპი :”ალეგრიში საკუთარ თავს ვხედავ”

ჟურნალისტებთან საუბარში მარჩელო ლიპიმ ბევრ საინტერესო თემაზე ისაუბრა და ბუნებრივია გვერდი ვერ უარა ბიანკონერის მიმდინარე შედეგებს. გამორჩეულად აღნიშნა ალეგრის მიღწევები და არც კონტეს დაუვიწყა გაწეული ჯაფა. გულშემატკივრობის უმრავლესობა ნეგატიურად შეხვდა მასიმილიანოს ტურინში მოსვლას, მაგრამ შედეგებიდან გამომდინარე სიტუაცია თანდათანობით დასტაბილურდა. თავის მხრივ გენიალური სპეციალისტი სრულ მხარდაჭერას უცხადებს როსონერის ექს თავკაცს და უფრო მეტიც, გარკვეულ საკითხებში საკუთარ თავსაც კი ხედავს მასიმილიანოაში…

“როდესაც ალეგრის ვუყურებ, მასში ჩემს თავს ვხედავ. “იუვენტუსში” დაახლოებით იმავე ასაკში ჩავიბარე და კონკრეტული მიზნით! გამეხადა იგი რაც შეიძლება თანამედროვე. შედეგად ჩვენ საერთო შეხედულებები გვაქვს. იგი მოკრძალებულად მოვიდა იქ, სადაც გუნდური სულისკვეთება არ ბადებდა არანაირ ეჭვებს. შემდგომ კი ეტაპობრივად იწყება ალეგრის ტაქტიკური ნიუანსების მორგება და უკვე მალევე ჩვენს წინაში მეტად პროგრესიული და ხარისხიანი გუნდი წარსდგა. ადრე გავაკეთე კომენტარი, რომ ალეგრი ვერ გაუწევდა ემოციური ჟესტებით კონკურენციას კონტეს, თუმცა ეს სრულებითაც არ ნიშნავს ყურადღების გამახვილებას ხარისხზე. უბრალოდ, ის განსხვავება აღვნიშნე რაც მათ შორის არსებობს”.

“კენჭყისრა შეიძლება იყოს იღბლიანი და უიღბლოც. ამაზე ადრე უკვე ვისაუბრე და ისევ დავუბრუნდები აზრს. კონტეს იუვეს თავის დროზე არ გაუმართლა, როდესაც ადრეულ ეტაპზე ბაიერნს შეხვდნენ. ეხლა კი სიტუაცია ოდნავ განსხვავებულია. დიახ, მონაკოსთან გუნდს ფრთხილად და ფხიზლად მოუწევს ყოფნა, მაგრამ ბოლოს და ბოლოს ეს ხომ ბარსელონა არ არის. აი როდესაც აღწევ ნახევარფინალს… მახსენდება ჩემი აძური, როდესაც ფავორიტად არავის მივაჩნდით, მაგრამ ეტაპობრივად მოპოვებულმა გამარჯვებებმა ოცნება რეალობად აქცია. ფაქტია, რომ უკანასკნელ ხანებში იტალიაში აღორძინების მსგავსი შეიმჩნევა. ბიანკონერი ბრწყინვალედ ვითარდება და იტალიაში მოპოვებული დომინირება უეჭველად უნდა აისახოს ევროპულ სარბიელზეც. უკომპრომისოდ და გამარჯვების დაუფარავი წყურვილით არის მოძრაობა საჭირო”.

“პოგბა? ვფიქრობ, მისი შესაძლებლობები შეუზღუდავია. უბრალოდ უმჯობესია თუ თავის შემქნელობით მახასიათებლებს ოდნავ შეკვეცავს, ან უფრო მეტად მეტოქის საჯარიმოს მისადგომებთან გამოიყენებს”.

“კონტე? ანტონიოსთან ხშირად ვსაუბრობ და საერთოდაც, 20-მდე იმ ფეხბურთელს, რომლებსაც ვწვრთნიდი თავის დროზე და დღეს უკვე ჩემი კოლეგები გახდნენ, ხშირად ვმართავ დისკუსიებს. თითოეული იმას მეუბნება, რომ ჩემგან რაღაც კონკრეტული მახასიათებელი წაიღეს. ჩვენ ერთად შესანიშნავი წლები გავატარეთ, არამარტო შიდა სარბიელზე არამედ ევროპაშიც. არცერთი უიკ ენდი არ მავიწყდება, როდესაც ვეხუტებოდით და სიხარულს ვუზიარებდით ერთმანეთს. ბუნებრივია, იყო განსხვავებული აზრები, მაგრამ ეს უფრო წააგავდა ცოლს და ქმარს შორის არსებულ უთანხმოებას, რომელიც მალევე სრულდებოდა. ამასთან ერთად როდესაც იქ ფიგურირებს დიდი მეგობრობა არც კი ღირს რაიმეზე ყურადღების გამახვილება. არ არის გამორიცხული სანაკრებო საქმიანობის გამო კონტე თავს გარიყულად გრძნობდეს, მაგრამ იფფ-ში საკმაოდ ჭკვიანი ადამიანები არიან შეკრებილნი, რომლებიც არ დატოვებენ მას მარტო. რამდენიმე მათგანთან თავადაც მიმუშავია და ისინი უდაოდ არიან დიდი პროფესიონალები”.

წყარო: Football Italia