მაროტა :”ხარისხს აუცილებლად გავაუმჯობესებთ”
ბიანკონერის გენერალური დირექტორის განცხადებით, შემდეგ სატრანსფერო ფანჯრის პერიოდში ის კვლავინდებურად შეეცდება გუნდის საერთო ხარისხის მეტად ამაღლებას. ჟურნალისტებს არც პოლ პოგბასთან დაკავშირებულ თემაზე დავიწყებიათ კითხვის დასმა. პარალელურად გუნდი სპორტულ შედეგებზეა ორიენტირებული და ჩემპიონთა ლიგის 1/4 ფინალურ სტადიაზე სადაც მეტოქე ფრანგული მონაკოა. მაროტას თქმით, ეს ჯერ კიდევ დასაწყისია.
“კიდევ უფრო მაღლა შეგვიძლია ასვლა და გაცილებით გრანდიოზული მიზნების მიღწევა. ამის თქმის საფუძველს მაძლევს კლუბი, რომელიც წლიდან წლამდე პროგრესირებს და ძლიერდება. შემდგომ წელს ჩვენ კიდევ უფრო მეტად ავამაღლებთ ხარისხს, მაგრამ ჯერჯერობით თავს შევიკავებ კონკრეტული გვარების დასახელებისგან. საიმედოა ის, რომ რამდენიმე მათგანმა გარკვეული გარანტია უკვე მოგვცა. საერთოდაც, პოგბა და ტევესი არის ნათელი მაგალითი იმისა, თუ როგორი წარმატებით მუშაობს მსოფლიო მაშტაბით გუნდი. ეს ასევე მიუთითებს იმ დადებით მხარეზე, რომლის დახმარებითაც შეგვიძლია ფეხბურთელებთან დადებითი ურთიერთობის ჩამოყალიბება და სურვილისამებრ მათთვის ადგილის შეცვლა და საკუთარი გუნდის შეთავაზება მეტი კომფორტისთვის. სხვათაშორის ბოლო პერიოდში ჩვენს მიმართ მიდგომა რადიკალურად არის შეცვლილი. თუ თავის დროზე ვეხვეწებოდით და უბრალოდ ვცდილობდით მათ დარწმუნებას, როგორც ეს დი ნატალეს შემთხვევაში იყო, რომელმაც საბოლოო ჯამში უარყო იუვენტუსის არა ერთი წინადადება, დღეისათვის ტურინში ჩამომსვლელებს შორის გარკვეული სახის კონკურენციაც კი წარმოიშვა. ვგულისხმობ მსოფლიო დონის მოთამაშეებს, როგორც თქვენ ამას ტოპ-ფეხბურთელებს ეძახით”.
მაროტა პოგბას საკითხსაც შეეხო…
“პოლი არის საკუთარი ბედის და მომავლის ბატონ-პატრონი და იმ შემთხვევაში თუ მას წასვლა სურს, იუვენტუსი დაუჭერს მხარს. მაგრამ პირადად მე არც კი შემიმჩნევია, რომ ფრანგს ამისი სურვილი გააჩნდეს. პრობლემა წარმოიშვება იმ შემთხვევაში თუ მას შესთავაზებენ ისეთ ზღაპრულ ანაზღაურებას, რომელიც ორჯერ ან სამჯერ მეტი იქნება დღევანდელზე. ჩვენ ვსაუბრობთ სუფთა 10 მილიონ ევროზე ერთი წლის მანძილზე”.
წყარო: Football-Italia
კაროჩეეე სულ რაღაც რამდენიმე კარგი ტრანსფერია საჭირო და თამამად შეიძლება ლიგის მოგებაზე ფიქრიც) არ არის 100 ნილიონიანი ტრანსფერების კეთება აუცილებელი უბრალოდ უფრო უნდა დაბალანსდეს გუნდი. რამდენიმე კარგი ახალგაზრდა მაგალითად ბერარდი დებალა იქნებოდა ძაან მაგარი. ჩემი აზრით ყველაფერი უნდა გააკეთონ პოგბას შესანარჩუნებლად! ჭირდება დღეს პოგბა გუნდს რასაც მაინცდამაინც ვერ ვიტყვი ვიდალზე… აიი წელს სანჩესი არ უნდა გაგვეშვა ხელიდან არავითარ შემთხვევაში. მოკლედ ნამდვილად შეიძლება ძველი დიდების დაბრუნება ოღონდ ცოტა ფულები უნდა გაისროლონ რაა თორე ისე არ გამოვა არაფერი))