მარკიზიო უკვე ემპოლისთან შეხვედრისთვის იქნება მზად

წუხანდელი მძიმე დღის შემდეგ, როგორც ჩანს იუვენტუსს იღბალმა კარგი თვალით გადმოხედა. ჯერ კიდევ გუშინ გვიან ღამე გახდა ცნობილი, რომ კლაუდიოს არ ჰქონდა სერიოზული დაზიანება, ხოლო დღევანდელმა სამედიცინო ტესტებმა საერთოდ ყველანაირ მოლოდინს გადააჭარბა. გავლენიანი აპენინური წყაროების მტკიცებით მარკიზიო უკვე ემპოლისთან შეხვედრაში იქნება მასიმილიანო ალეგრის განკარგულებაში. როგორც ჩანს ტურინს და მის გულშემატკივრებს შეუძლიათ მშვიდად იყვნენ, რადგან გუნდის ერთ-ერთი წამყვანი ნახევარმცველი შეძლებს სეზონის გადამწყვეტ ნაწილში კლუბისთვის დახმარების გაწევას. პოლ პოგბას ტრავმის შემდეგ მარკიზიოს დაკარგვა გუნდისთვის უაღრესად პრობლემატურ ხასიათს მიიღებდა, რადგან საკმაო ხანი გაუცდა ანდრეა პირლოსაც და პრინციპული დაპირისპირებების წინ იტალიის მოქმედი ჩემპიონები ფაქტიურად გადახალისებული ნახევარდაცვით წარსდგებოდნენ.

წყარო: tuttojuve