რუგანი :”ყოველთვის იუვენტინო ვიყავი”

დანიელ რუგანის თქმით მას ნამდვილად სიამოვნებს არსენალის მხრიდან დაინტერესება, თუმცა ასპარეზობა მხოლოდ ტურინელთა რიგებში სურს. ახალგაზრდა იმედის მომცემი მცველი მიმდინარე სეზონის ბოლოს დაბრუნდება ტურინში. მაროტამ სრულად შეათანხმა ტრანსფერი ჯერ კიდევ იანვრის სატრანსფერო ფანჯრის პერიოდში. დადიოდა ხმები, რომ ლონდონელები სერიოზულად იყვნენ დაინტერესებულნი მოთამაშით, თუმცა რუგანის სურვილი გადამწყვეტი აღმოჩნდა: “ვენგერის ვჭირდებოდი? უდიდესი სიამაყის საბაბია, როდესაც შენით ასეთი გრანდი ინტერესდება. თუმცა, სიმართლე გითხრათ ბედნიერი ვარ ტურინში დარჩენით, რადგან ყოველთვის “იუვენტინო” ვიყავი და იმედი მაქვს მინიმუმ 10 წელი ვითამაშებ აქ”.

20 წლის მცველს იუვე არენაზე არსებული ემოციების გამოცდა, უკვე ხვალვე შეეძლება, როდესაც სერია ა-ს მორიგ ტურში ერთმანეთს იუვენტუსი და ემპოლი დაუპირისპირდებიან:

“ემოციები პირველ რიგში განპირობებული იქნება იმ ფაქტორით, რომ იტალიის საუკეთესო გუნდის წინააღმდეგ მომიწევს ასპარეზობა. სანახაობრივ მატჩს ველი, რადგან ჩემი ამჟამინდელი კლუბი საკმაოდ მოშორდა გასავარდნ ზონას, ამიტომ რაიმე წნეხზე საუბარი უადგილოა. ტურინში საკუთარი თამაშის საჩვენებლად წავალთ და ვეცდებით ერთი ქულით მაინც დავბრუნდეთ შინ. მეორეს მხრივ კარგად ვაცნობიერებ ტურინელთა მიდგომას ნებისმიერ დაპირისპირებასთან. ალეგრის გუნდი არ კარგავს კონცენტრაციას და არ ფიქრობს ნაადრევად არც ჩემპიონთა ლიგაზე და არც იტალიის თასსზე. თითოეულ შეხვედრაში მაქსიმალური კონცენტრაციის დემონსტრირებას ახდენენ. ჩვენთვის ეს შეხვედრა იქნება ყველაზე რთული მიმდინარე სეზონში”.

წყარო: Football-Italia