ტევესი :”იუვეს ნებისმიერი გუნდის დამარცხება შეუძლია”
კარლიტოს ტევესი აქებს მასიმილიანო ალეგრის, რომელმაც მისი სიტყვებით გუნდს სიმშვიდე შემატა :“დღეისათვის ჩვენი გუნდი სასიამოვნოდ გრძნობს თავს და ეს პირველ რიგში იმ სიმშვიდის დამსახურებაა, რომელიც მთავარმა მწვრთნელმა მოგვიტანა. მან მშვენივრად აგვიხსნა და გადმოგვცა იგი, თუმცა უმჯობესი იქნება თუ არ შემადარებინებთ მას კონტესთან. მაქსის სიტყვებით, უმჯობესია მშვიდ ტემპში ასპარეზობა და შედეგის ეტაპობრივად მიღწევა”.
კარლოს აქვს მოპოვებული გამარჯვება მანჩესტერ იუნაიტედთან ერთად 2008 წელს. მას კარგად ესმის თუ რა არის საჭირო გამარჯვებისთვის და მიაჩნია, რომ იუვეს შეუძლია წარმატების მიღწევა:
“დიახ, თუმცა სიტუაცია მაინც ოდნავ განსხვავებული იყო. მაშინ მანჩესტერელთა რიგებში ასპარეზობდნენ პოლ სქოულზი, უეინ რუნი, კრისტიანო რონალდო, რაიან გიგზი და რიო ფერდინანდი. დღეს, კი განსხვავება სუფევს უშუალოდ კლუბში. ანუ ჩვენ ერთიანი მექანიზმი ვართ და ამას ვთვლი მთავარ იარაღად. ისეთივე რთულად დასალაშქრი გუნდი ვართ როგორც შარშანდელი მადრიდის ატლეტიკო”.
“დორტმუნდთან მატჩში დავუმტკიცეთ ყველას, რომ შეგვწევს უფრო შორს გასვლის საშუალება. საერთოდაც, დღეს ნებისმიერი მეტოქის დამარცხება შეგვიძლია, რადგან ყველაფერი ჩვენს ხელთაა. კლუბი, რომელიც შორს იმყოფება იუვენტუსისგან სათამაშო მახასიათებლებით ფაქტობრივად არ არსებობს. შეგვიძლია თუ არა ვიოცნებოთ თასსზე? რატომაც არა, ოცნებას ჯერ არავინ უმსხვერპლია”.
საუბრის მიწურულს კარლოსმა ბოკაში დაბრუნებაზეც ისაუბრა:
“საერთოდ, თავადაც და სრულიად ჩემი ოჯახი ვართ ბოკას გულშემატკივრები. ამიტომ იქ, აუცილებლად დავბრუნდები. ზუსტად თარიღს ვერ გეტყვით, მაგრამ ეს რომ მოხდება წყალი არ გაუვა. ევროპაში საკმაო დრო დავყავი და დროა ეტაპობრივად შინ დაბრუნებაზე ვიფიქრო, რადგან ოჯახი საოცრად მომენატრა”.
“ხალხში სუფევს აზრი, რომ კარლიტოს ოჯახის ჩამოყვანა და მათთან ყოფნა ტურინშიც შეუძლია – ადგილი, რომელიც ძალზედ მესიმპატიურება, მაგრამ ბუენოს აირესი ჩემი სახლია და როგორც მეოჯახე ადამიანს საკუთარი მიზნები მაქვს ცხოვრებაში”.
წყარო: football-italia
