ალეგრი 3-5-2 ტაქტიკურ სქემაზე გეგმავს დაბრუნებას

იუვეს გრაფიკი ნონ-სტოპ რეჟიმში მიმდინარეობს. გუნდს უმძიმესი კალენდარი აქვს წინ. ფაქტიურად შეუსვენებლად დაიწყო მზადება სერია ა-ს მორიგი ტურისთვის, სადაც ალეგრის გუნდს შესანიშნავ ფორმაში მყოფი ლაციო დაუპირისპირდება. ალბათ არავის აქვს იმის ილუზია, რომ იუვეს ვინმე წაართმევს სკუდეტოს, მაგრამ არც ქულების დაკარგვა ივარგებს ამ ეტაპზე. პიოლის გუნდი პირიქით, იმდენად შთამბეჭდავია ბოლო პერიოდში, რომ მეხუთე პოზიციიდან ჯერ მესამეზე აინაცვლა და ნეაპოლიტანელები დატოვა ლიგის ზონის მიღმა, ეხლა კიდევ დედაქალაქელებსაც გადაუსწრო და საერთოდ მეორეა. ბუნებრივია ლაციალე მაქსიმალურად ეცდება პოზიციის შენარჩუნებას, რადგან მეორე ადგილი მომავალ სეზონში კვლაფიკაციის გარეშე ათამაშებს ჩემპიონთა ლიგაზე..

ლაციო თავისი მიზნებით გასაგებია და საკუთარ პოზიციებს თვითონ მიხედავენ, მაგრამ იუვე? ალეგრი არ აპირებს ტემპის დაგდებას, მაგრამ მონაკოსთან შეხვედრამ მას შესაძლოა ტაქტიკური სქემის შეცვლა აიძულოს. გუშინდელ შეხვედრაში 3-5-2 ზე გადაწყობამ დაანახა ყველა თუ რაოდენ ორგანიზებულია გუნდი და უფრო ჩაკეტილი სივრცეების კუთხით. ასეთ მძიმე პერიოდში კი ამ სქემით იუვე ხარისხის და ენერგიის ოდნავ მეტად შენარჩუნებას მოახერხებს. ლაციოს მერე არის მონაკო და იქ 1-0-ით გავემგზავრებით. ეს რა თქმა უნდა კარგია ნებისმიერ შემთხვევაში, რადგან მონაკოს შეტევაში მოუწევს წასვლა, რაც ბიანკონერის კონტრ იერიშებზე თამაშის საშუალებას მიცემს. 3-5-2 ში კი ლიხტშტაინერიც და ევრაც თავს გრძნობენ არაჩვეულებრივად და გუნდს არ გაუჭირდება სწრაფად გადასვლა შეტევაში. მონაკოსთან მაგალითად სწორედ ეს იყო ერთი პრობლემა იუვესი.. ფლანგელებს უჭირდათ სწრაფად დაბრუნებაც და წინ წასვლაც..

მონაკოს შემდეგ ოთხ დღეში კი ტურინული დერბი იმართება და რა ფორმაშიც არის ეხლა ტორინო ყველას კარგად მოგეხსენებათ. ასეთ დროს ყველა ერთისთვის და ერთი ყველასათვის, ხოლო იუვენტუსი ასეთ პრინციპს 3-5-2 ტაქტიკური სქემით თუ გასწვდება..

საბედნიეროდ გუშინდელმა შეხვედრამ ჩვენს ლაზარეთს ფეხბურთელები არ შემატა. მორატა ოდნავ კოჭლობით ტოვებდა მინდორს, მაგრამ საბედნიეროდ არაფერი სერიოზული არ სჭირს და უკვე შაბათის მატჩისთვის იქნება მზად. პირლო ! ანდრეა, მთელი 45 დღე გაუცდა და გუშინდელი 70 წუთი იყო ძალზედ საინტერესო ფიზიკური კონდიციების თვალსაზრისით. შვებით ამოისუნთქა ყველამ, როდესაც მაესტრომ თავი კარგად იგრძნო მძიმე და ინტენსიური დაპირისპირების შემდეგ. ლიხტშტაინერმაც და ტევესმაც წარმატებით გაიარეს სამედიცინო ტესტები. ერთი სიტყვით ფეხბურთელები მზად არიან და ჯერი მწვრთნელზეა..

იტალიელი ჟურნალისტები მიიჩნევენ, რომ ლაციალესთან სასტარტო შემადგენლობაში ბასკი ფორვარდი – ფერნანდო ლორენტე დაბრუნდება. ხოლო მარკიზიო – ვიდალის წყვილიდან ერთ-ერთს დასვენების საშუალება მიეცემა. პირლო და პერეირა კი მატჩს ასევე პირველივე წუთებიდან დაიწყებენ. დაცვის ხაზი კი სამი მცველით გამაგრდება. საერთოდაც, ამ მძიმე მონაკვეთში ბარძალი-ბონუჩი-კიელინის ტრიოზე ძალიან ბევრი რამ იქნება დამოკიდებული..