მოჯი :”იუვეს კარგი შანსი აქვს მომდევნო ეტაპზე გასასვლელად”

ლუჩიანო მოჯი იმ ადამიანთა რიცხვში შედის, რომლის კომენტარი ამა თუ იმ თემაზე ყოველთვის სასიამოვნო მოსასმენია. ბიანკონერის ექს სპორტულ დირექტორს ზურგს დიდი გამოცდილება უმაგრებს, რომელიც მან საფეხბურთო სამყაროში დააგროვა. საგულისხმოა ის ფაქტიც, რომ საფეხბურთო სამყაროს ყველაზე იდუმალებით მოცულ საქმეებში.. ამჯერად ლუჩანონემ სერია ა-ს მიმდინარე მდგომარეობაზე და იუვეს ევროპულ თავგადასავალზე ისაუბრა:

“მაშინ, როდესაც იუვე ერთი მეორეს მიყოლებით ანადგურებს მეტოქეს, რომა ეტაპობრივად შორდება მაღალ პოზიციებს. ტიფოზებიც კი, რომლებიც სიყვარულს ეფიცებოდნენ გარსიას და მის კოლექტივს, ეტაპობრივად ზურგს აქცევენ არსებულ მდგომარეობას. შეხედეთ მათ შედეგებს: 13 ფრე და მეცხრე შემტევი გუნდი კალჩოში! ეს კი ვფიქრობ მეტ ნაკლებად ასახავს კრიზისის მიზეზს და მის სერიოზულობას. სხვათაშორის ამას ვწინასწარმეტყველებდი მაშინ როცა სხვები რომას იუვენტუსის მთავარ კონკურენტად მიიჩნევდნენ. ეს ადამიანები უფრო შორსაც წავიდნენ და სატრანსფერო საქმიანობის შემდგომ ხმამაღლა აღნიშნეს იმ ჩამორჩენის აღმოფხვრაზე რაც იყო იუვეს და დედაქალაქელებს შორის. რატომღაც იტურბე ყველას ახალი მესია ეგონა.. არადა სრულიად გაუგებარია რატომ უნდა მოიყვანო ფეხბურთელი, რომელიც იდეალურია კონტრ იერიშებზე და თან მაშინ როდესაც უკვე გყავს ასეთი ჟერვინიო? ასევე გაუგებარი იყო ბენატიას გასხვისება, რადგან კლუბმა ვერაფრით მოახერხა მისი ჯეროვნად შეცვლა. ერთია გოლების გატანა, მაგრამ სერია ა-ში დაცვაც საიმედო უნდა გყავდეს. მათ კი სამწუხაროდ ვერცერთ მხარეს ვერ მოუარეს ნორმალურად. ცენტრ ფორვარდი? დესტრო.. აქაც ხარვეზი.. მას არა აქვს ის მახასიათებლები, რომლებიც მისცემდა ფორვარდს საშუალებას სეზონში 15-20 ბურთი მაინც მოეტანა ჩემპიონობისთვის მაძიებელი კლუბისთვის. ზამთრის სატრანსფერო ფანჯარა კიდევ უფრო დიდი კრახით დასრულდა. მათ მოიყვანეს იბარბო, რომელიც ასევე კონტრ იერიშების ოსტატია, ხოლო დუმბიაზე არც კი ვიცი რა ვთქვა, უბრალოდ თავს შევიკავებ კომენტარისგან..”

ეს გახდა მათი კოშმარის თავი და თავი. ამის გამო გააჩუმა ენა გარსიამ, რომელიც სეზონის საწყის ეტაპზე ლამის ჩემპიონობას ზეიმობდა.. დიდი ტანჯვა იყო ატალანტასთან მატჩში დედაქალაქელებისთვის და დაასრულა თუ არა იგი მასჯმა, მომენტალურად გაისმა ტრიბუნებიდან გამაყრუებელი სტვენა ფეხბურთელების და მწვრთნელის მისამართით..

სასიამოვნოა ნეაპოლიტანელთა გაღვიძება. როგორც ჩანს დახურულმა სამწვრთნელო სესიამ სასურველი შედეგი გამოიღო. გამოცოცხლდნენ მათი ვარსვკვლავები და შედეგიც სახეზეა: ვოლფსბურგი, ფიორენტინა და კალიარი. მათ დაამტკიცეს, რომ აქვთ პოტენციალი და თავისუფლად შეუძლიათ ლიდერებთან ახლოს ყოფნა. ისე კი კალიარის დამარცხება დიდ სირთულეს არ წარმოადგენდა, რადგან ზემანის გუნდს უსაშინლესი დაცვის ხაზი ჰყავს, რომელსაც უკვე 61 ბურთი აქვს გაშვებული. რაც დრო გადის ზემანი უფრო აქტიურად მიუყვება იმ სქემას რასაც მომგებიანად მიიჩნევს.. ამიტომაც არის გოლების მთა მის გუნდებში, თუმცა ცდილობს საკუთარ შეგირდებს ერთი ბურთით მეტი გაატანინოს ხოლმე. რა შედეგით მთავრდება ეს ყველაფერი თქვენც კარგად იცით.. ზემანის კლუბები ძირითადათ სატურნირო ცხრილის ფსკერზე ცურავენ.

დერბი დელა მადონინაზე უკვე ვამბობდით, რომ მოიგებდა ის კლუბი ვინც უფრო მეტად მოინდომებდა. ანგარიში კი ასახავს იმ მდგომარეობას რაშიც ორივე კლუბი არის დღეისათვის. სხვათაშორის ამ მატჩის ერთადერთი ნათელი მხარე ალბათ თავად არენა იყო, რომელიც გვახსენებს იმ ოქროს ხანას, როდესაც კლუბები სკუდეტოსთვის იბრძოდნენ ან ჩემპიონთა ლიგისთვის. საკმარისია გადავხედოთ მათ სათადარიგოთა სკამებს და მივხვდებით თუ რა შეცდომები დაუშვეს ორივემ. ის მოთამაშეები ვინც მოიყვანეს ფაქტობრივად ყველა სკამზე ჰყავთ გამწესებული. ინტერიდან გამოსარჩევია მხოლოდ ჰანდანოვიჩი, მედელი და ვიდიჩი, ხოლო როსონერიდან დავიდ ლოპესი და დე იონგი. მენეზზე კი რა უნდა ითქვას.. თუ მას გოლი არ გააქვს კაპიკია მისი ფასი. არანაირი გუნდური თამაში, უფრო მეტად ხელის მუხრუჭის როლშია.

გასავარდნ ზონას რაც შეეხება, პრინციპში აქ ყველაფერი გარკვეულია.. ჩეზენა, კალიარი და პარმა.. მიუხედავად იმისა, რომ დი კარლოს გუნდმა სამპდორიას ერთი ქულა წაართვა..

მოდით მცირე მოქმედ ჩემპიონსაც დავუთმოთ, რომელმაც ყოველგვარი დაძაბვის გარეშე სძლია ლაციოს 3-0 და ეხლა ჩემპიონთა ლიგისთვის ემზადება. მათ კარგი უპირატესობა აქვთ და თუ ისევე საიმედოდ იასპარეზებენ მონაკოში, როგორც ეს ლაციოსთან შეხვედრაში მოხდა, მაშინ იუვე აუცილებლად ითამაშებს  1/2 ფინალში”.

წყარო: Libero