ოფიციალური განცხადება: მაროტა და პარატიჩი ტურინში 2018 წლამდე!
ეს ინფორმაცია არაოფიციალურად გაჟღერებული იყო, თუმცა დღეს იგი უკვე ოფიციალურმა ვებ გვერდმაც დააფიქსირა. სიმბოლურია, რომ ეს ინფორმაცია ჩემპიონთა ლიგის ნახევარფინალში გასვლას დაემთხვა. ჯუზეპე მაროტამ და ფაბიო პარატიჩიმ 2018 წლამდე გააფორმეს ხელშეკრულებები ტურინის “იუვენტუსსთან”. ბუნებრივია ეს ორი მაღალჩინოსანი უწინდებური თანამდებობებით, ანუ მაროტა – გენერალური დირექტორის, ხოლო პარატიჩი – სპორტული დირექტორის კუთხით განაგრძობენ მუშაობას. სწორედ მათ და ანდრეა ანიელის მოსვლის შემდეგ დაძლია იუვემ იმ საშინელი პერიოდი, რომელიც სერია ბ-ს შემდეგ დაუდგა იტალიის მოქმედ ჩემპიონს.
წყარო: ტურინის “იუვენტუსის” ოფიციალური ვებ გვერდი
