მოჯი :”ცოტაოდენი იღბალი და ყველაფერი შეიძლება მოხდეს”

ბიანკონერი ჩემპიონთა ლიგის 1/2 ფინალშია და ბუნებრივია მის გარშემო ყურადღებაც მაქსიმალურად არის გაზრდილი. და თან ეს მაშინ როდესაც იტალიური ფეხბურთი გარკვეულ კრიზის განიცდის. შესაძლოა სწორედ ეს სეზონი და აპენინური კლუბების წარმატება გახდეს კალჩოს დაბრუნების დასაწყისი.. ამჯერად ჟურნალისტების წინაშე გენიალური ლუჩიანო მოჯი წარსდგა..

იუვე შემდეგ ეტაპზეა, თუმცა ფრანგული ბარიერის გადალახვა ერთი-ორად გაუჭირდა. თქვენი აზრით ეს მათი მაქსიმუმია?

“ჩემი აზრით ტურინელებმა საკუთარი მიზანს ევროპაში ჯერ კიდევ 1/4 ფინალში გასვლით მიაღწიეს. დიახ, მათ ჰქონდათ გარკვეული პრობლემები, მაგრამ საბოლოო ჯამში შეაჩერეს მეტოქე, არ შეაქმნევინეს არაფერი საგანგაშო საკუთარ კართან და მშვიდ ტემპში განაგრძეს ასპარეზობა მომდევნო ეტაპზე. ამიტომ, ვფიქრობ ალეგრიმ სრულიად სამართლიანად მოიპოვა 1/2 ფინალის საგზური. ცოტა იღბალი, საჭირო ფეხბურთელების იდეალური კონდიციები და ვინ იცის რა მოხდება მადრიდელთა წინააღმდეგ..”

ბოლო პერიოდში აქტუალური არის ტევესის დაბრუნება არგენტინაში. თქვენი აზრით ეს 2016 წლამდე მოხდება? და ვინ შეცვლის მას?

“არავინ. ტევესი არაფრის დიდებით არ დატოვებს კლუბს, რადგან იგი პატივს სცემს პროფესიონალურ კონტრაქტს. თუმცა, 2016 წლის ივნისში იუვეს მოუწევს მისი შემცვლელის მოძებნა”.

რას ფიქრობთ იტალიურ ფეხბურთის დონეზე, მართლაც ასეთი დიდი განსხვავებაა ჩვენსა და ევროპულს შორის?

“პრობლემა იმაშია, რომ კლუბები უფრო დიდ უპირატესობას ანიჭებენ უცხოელ ფეხბურთელებს, ხოლო ახალგაზრდა იტალიელებს აღარავინ ენდობა. ცალკე საკითხია ლიდერი, რომელიც 15 ქულით უსწრებს მეორე ადგილოსანს.. მასაც კი არ შეუძლია მეტოქეს საკუთარი ფეხბურთი მოახვიოს თავს”.

და ბოლოს პირადი ხასიათის შეკითხვა. ანიელიმ, რომ დაგირეკოთ დაბრუნდებით იუვეში?

“ერთადერთი ამ ეტაპზე რაზეც ვარ კონცენტრირებული არის სასამართლო პროცესი, რომელიც სტრასბურგშია დანიშნული. საბედნიეროდ კალჩიოპოლი დასრულებულია, მაგრამ ბოლომდე ისე როგორც ეს მე და პარტნიორებს გვსურდა. ამიტომაც ვაგრძელებ ბრძოლას. ხოლო მას შემდეგ რაც ეს საქმე საბოლოოდ დასრულდება, ყველანაირი წინადადებისთვის ვარ მზად”.

წყარო: Tuttosport