ტურინული დერბის წინასამატჩო ციებ-ცხელება

ტურინული დერბი ყოველთვის განსაკუთრებული მოვლენაა ამ ქალაქისთვის, მაგრამ ეხლა მას დამატებითი ელფერი ორივე კლუბის საკმაოდ კარგმა სათამაშო ფორმამ შესძინა. ვენტურას გუნდი იტალიაში ერთ-ერთ ყველაზე სანახაობრივ ფეხბურთს გვაჩვენებს და ნამდვილად დასანანია მათი მარცხი ევროპა ლიგაზე ზენიტის წინააღმდეგ. ოდნავ მაღალი საშემსრულებლო კლასი და იღბალი, რომ ჰქონოდათ ალბათ სწორედ ისინი დაუპირისპირდებოდნენ სევილიას და ვინ იცის, როგორ განვითარდებოდა 1/4 ფინალი.. თუმცა, დავუბრუნდეთ დერბის და ჩვენს “იუვენტუსს”, რომელიც ამ მატჩს ერთიორად გადაღლილი ხვდება.. ეს როგორც ფიზიკურ ასევე ფსქოლოგიურ მხარესაც გულისხმობ..

ალეგრის გუნდი განაგრძობს სამივე ფრონტზე ბრძოლას.. იტალიის მოქმედმა ჩემპიონებმა ფაქტიურად მეოთხე სკუდეტო გაიფორმეს ზედიზედ, გავიდნენ იტალიის თასის ფინალში, ხოლო მიმდინარე კვირაში ჩემპიონთა ლიგის 1/2 ფინალში თამაშის უფლებაც მოიპოვეს სადაც არც მეტი არც ნაკლები თვით მადრიდის რეალს შეხვდებიან. მაშინ როცა ყველა 5 მაისის დაპირისპირებაზე საუბრობს, ხვალ მეტად პრინციპული ტურინული დერბია, რომელიც ყველანაირი სხვა შეხვედრის და აზრის გადადებას მოითხოვს, რადგან წინააღმდეგ შემთხვევაში არასრული კონცენტრაცია ნეგატიურ შედეგს მოგვიტანს. ეს კი ალეგრისთვისაც ცხადზე ცხადია და ამიტომაც გეგმავს 3-5-2 ტაქტიკური სქემის არჩევას..

კარს ბუნებრივია კაპიტანი დაიცავს, ხოლო დაცვის ხაზში განიხილება ანდრეა ბარძალის დასვენება და მის ნაცვლად სასტარტოში ტორინოს ყოფილი ცენტრალური მცველის ანჟელო ოგბონას გამწესება. მისი პარტნიორები ბონუჩი და კიელინი იქნებიან. ნახევარდაცვაშიც ცვლილებებია, რომელიც უფრო იძულებით ხასიათს ატარებს. მარკიზიო მატჩს ყვითელები ბარათების გამო ტოვებს და მის ნაცვლად ძირითადში რობერტო პერეირას უნდა ველოდოთ. პირლო და ვიდალი, როგორც იტალიელი ჟურნალისტები გვიმტკიცებენ, მატჩს აუცილებლად პირველივე წუთებიდან დაიწყებენ. ფლანგებზე სავარაუდოდ ლიხტშტაინერს და პადოინს ვიხილავთ.. ეს უკანასკნელი ტრავმირებულ პატრის ევრას ჩაანაცვლებს..

საინტერესოა რა სურათი დაგვხდება თავდასხმის ხაზში. აპენინელი ჟურნალისტები აქაც ცვლილებებს ელიან და კარლიტოს ტევესის ნაცვლად ალესანდრო მატრის ხილვას წინასწარმეტყველობენ.. მას კი პარტნიორობას ალვარო მორატა გაუწევს, რომელიც თავს კარგად გრძნობს და მზად ამ შეხვედრისთვის.

ყველას კარგად, რომ გუნდი 15 ქულით უსწრებს უახლეოს მდევარს, თუმცა ტურინულ დერბიში და თან ასეთ კარგ ფორმაში მყოფ ტორინოს დამარცხება უდაოდ სასიკეთოდ წაადგება ბიანკონერის, რომელიც სულ მალე უმძიმეს ორ რაუნდიან მატჩში მიიღებს მონაწილეობას მადრიდელთა წინააღმდეგ. და სწორედ ასეთ შეხვედრებში მოპოვებული წარმატება აორმაგებს თვითდაჯერებულობას და აქრობს ყოველგვარ შიშს მეტოქის მიმართ.