ტურინული სატრანსფერო ციებ ცხელება

ბოლო დროინდელი წარმატებები კლუბის ფინანსურ მხარეზე დადებითად აისახა. ერთია სპორტული მიღწევები და მეორეა ფინანსური მხარე. წლევანდელი სეზონი ამ მხრივ უდაოდ წარმატებულია როგორც ერთი ასევე მეორე მიმართულებითაც. შედეგად მაროტას და პარატიჩის გარკვეული სვლები აქვთ სატრანსფერო ბაზარზე გათვლილი. ფალკაოდან-ვა პერსიმდე, ოსკარიდან-რამირესამდე, ვიტსელიდან-ვერატამდე, ძაძადან-ბერარდიმდე, კავანიდან-იგუაინამდე.. ერთი სიტყვით ტურინი მრავალ გეგმაზე ფიქრობს და პარალელურად არც პაულო დიბალას ივიწყებს. მაგრამ, რა სვლაც არ უნდა დაგეგმოს მაროტამ აუცილებელია იმის გარკვევა თუ რა ბედი ელით დღევანდელ იუვენტინოებს.. მაგალითად ტევეს, პოგბას და არც მეტი არც ნაკლები პირლოს..

ძალიან მალე ანდრეას 36 წელი შეუსრულდება, ხოლო მიმდინარე სეზონში მან საკმაოდ მცირე რაოდენობის მატჩში მიიღო მონაწილეობა სხვადასხვა სახის დაზიანებების გამო. კონტრაქტი მაესტროსთან 2016 წელს იწურება და შესაძლოა მანამდე ბეპემ არაფერი მოიმოქმედოს და შეხედოს სიტუაციის განვითარებას. არავინ დაობს რომ პირლო გენიალურია, უბრალოდ კლუბმა ეტაპობრივად უნდა დაიწყოს ფიქრი შემცვლელზე. ასეთად ბუნებრივია როგორც იუვე, ისევე მთელი იტალია ვერატის მიიჩნევს, რომელიც პსჟ-ს რიგებს იცავს..

პოგბას შემთხვევაში თითქოს გადაწყვეტილია ვიტსელის მოყვანა, მაგრამ ფრანგის გაშვება იუვეს არ სურს. ეს ჩანს მათ თითოეულ განცხადებაშიც. დღეისათვის გუნდმა ნამდვლად კარგი თანხა გამოიმუშავა და შეუძლია ინვესტიციის განხორციელება. პარალელურად მას შენარჩუნება აქვს გადაწყვეტილი, მაგრამ როგორც მაროტა იძახის რთულია წინ აღუდგე იმ ზღაპრულ ხელფასს რასაც პოგბას სთავაზობენ. აქ უკვე გადაწყვეტილება ფეხბურთელმა უნდა მიიღოს. ერთია შეელიო მას დიდ თანხად და მეორეა შეიძინო ისეთი, რომელიც პოგბას ჩაანაცვლებს. ეს საკმაოდ რთულია და ნებისმიერ შემთხვევაში მაროტას დიდი თანხის გადახდა მოუწევს და არავინ იცის როგორ შეეწყობა გუნდს ახალწვეული.. ამ მხრივ ტურინში, გალილეო ფერარის ქუჩაზე მდებარე ოფისში ბევრს ფიქრობენ. სხვათაშორის ბოლო დღეებში რაჯა ნაინგოლანის სახელმაც გაიჟღერა. არარის გამორიცხული რომაელმა ალეგრის გუნდის ნახევარდაცვა გააძლიეროს.