პირლო :”დასაკარგი არაფერია”

ანდრეა პირლოს მოსაზრებით იუვე მინდორზე თავდაჯერებული უნდა გავიდეს რაც მთავარია გაითავისოს, რომ მას ყველაფერი აქვს წარმატებისთვის. ბიანკონერის ნახევარმცველმა საკუთარი მოსაზრებები გაანდო მასმედიის წარმომადგენლებს ჩემპიონთა ლიგის მოახლოებული დაპირისპირების შესახებ:

როგორ აპირებთ მადრიდელთა წინააღმდეგ ასპარეზობას?

“პირველ მატჩს უდიდესი მნიშვნელობა აქვს და მოგვიწევს გონების მაქსიმალური კონცენტრირება.. იმავე სტილში როგორც გასული წლების მანძილზე. ვიქნებით საკმაოდ ფრთხილნი, თუმცა არ მოვერიდებით შეტევაში აგრესიულ ქმედებებს, რადგან გვაქვს ოცნება და დასაკარგი არაფერია. ამასთანავე არ დავივიწყებთ, რომ წინ მეორე მატჩიც გველის”.

ოვაციები ბერნაბეუზე..

“ძალზედ ამაღელვებელია, როდესაც მეტოქის არენაზე ასე თბილად გეგებებიან. იმედი მაქვს ისეთივე წარმატებას მივაღწევთ იქ ერთ კვირაში”.

შეხვედრა ანჩელოტისთან..

“ის მამასავით არის ჩემთვის. დიდი ხნის მანძილზე ვთანამშრომლობდით და სწორედ კარლომ მომცა შანსი გავმხდარიყავი რეალურად დიდი ფეხბურთელი. ბევრი რამ მოვიგეთ ერთად და დაუვიწყარი წუთები გვაქვს გამოცდილი”.

რატომ იუვე?

“ახალი გამოწვევები მესაჭიროებოდა. ხოლო ტურინში კარგი და მოტივირებული გუნდი ვიპოვნე, რომელიც ზუსტად შეესაბამებოდა ჩემსას”.

რა შეიცვალა?

“გავიზარდეთ და მეტი გამოცდილება დავაგროვეთ. გასულ წლებში სწორედ ეს გვიშლიდა ხელს ევროპაში, მაგრამ წელს.. გავითავისეთ, რომ უფრო მეტი შეგვეძლო. არ გვეშინია და მზად ვართ ბოლომდე გავიაროთ გზა”.

მოულოდნელი შედეგი..

“არ ვფიქრობ ასე. როდესაც სეზონი დაიწყო, მივხვდით რომ რაღაც განსაკუთრებული უნდა გაგვეკეთებინა. საკუთარ თავს ვეუბნებოდით, რომ წინ დიდი სეზონი გველოდა. გვსურდა დაგვენახებინა ყველასთვის, რომ ნამდვილი ჩემპიონები ვართ და კლუბმა სწორ მწვრთნელზე შეაჩერა არჩევანი”.

ალეგრი?

“თავადვე გადაწყვიტე მილანიდან წამოსვლა, რადგან იქ ამოვწურე საკუთარი თავი. მასთან ნამდვილად არ მქონია აზრთა სხვადასხვაობა ან რაიმე სახის დაპირისპირება, როგორც ამას პრესაში წერდნენ. ფაქტიურად სულ გუნდთთან ერთად ვიყავი, ტრავმის დროსაც კი”.

ჩემპიონთა ლიგის მოგება..

“ეს იქნება არაჩვეულებრივი კარიერის დასასრული. თამამად შემიძლია ვთქვა, რომ იუვე იქნება ჩემი უკანასკნელი კლუბი სერია ა-ში”.

მორატა..

“პირველი ექვსი თვე იყო რთული, როგორც ეს ესპანელებს ჩვევიათ. მათ გარკვეული დრო სჭირდებათ რათა შეეგუონ აქაურ ვარჯიშს და დატვირთვებს. თუმცა, ეტაპობრივად მან ალღო აუღო ყველაფერს და გოლებიც სახეზე იყო. ვფიქრობ, საწყის წუთებზე აღელვებული იქნება ყოფილი პარტნიორების წინააღმდეგ ასპარეზობის გამო, თუმცა ეს დროებითი იქნება”.

პირლო რეალში..

“2006 წელს ეს თითქმის რეალობად იქცა. მაშინ მადრიდელებს სათავეში კაპელო ედგათ. ხელშეკრულება თითქმის მზად იყო, თუმცა ბოლო წამს მაინც როსონერიში დარჩენა და კონტრაქტის გახანგრძლივება გადავწყვიტე. შედეგად იმავე პერიოდში ჩემპიონთა ლიგის მორიგი თასი მოვიგე. როგორც ხედავთ სწორი გადაწყვეტილება მივიღე”.

ტევესის მნიშვნელობა

“კარლიტოსი რომ დიდი ფეხბურთელი ეს აქ არავის აღმოუჩენია. ძალზედ გაგვიმართლა, რომ იგი აქ არის ჩვენს გვერდით და იმედი მაქვს რეალთან ორივე დაპირისპირებაში მაქსიმალურად დაგვეხმარება წარმატების მიღწევაში”.