ალეგრი :”წინ გველის მძიმე 95 წუთი”

მასიმილიანო ალეგრის მოსაზრებით პოლ პოგბას ფიზიკური კონდიციები იძლევა იმის რეალურ შანსს, რომ ფრანგმა შეხვედრა სასტარტო შემადგენლობაში დაიწყოს:“პირველ დაპირისპირებაში სწორედ სტურაროს მახასიათებლები მივიჩნიე უპირატესად. რაც შეეხება პოგბას, მისმა ბოლო დროინდელმა პროგრესმა მოგვცა იმედი, რომ იგი მზად არის რეალთან შეხვედრისთვის. ამ ეტაპისთვის თამაშგარე მდგომარეობაში რჩება მხოლოდ მარტინ კასერესი, ეს კი საკმაოდ საგულისხმო ფაქტია. დღეისათვის კარლიტოს ტევესი მხოლოდ იუვენტუსს როდი წარმოადგენს. არგენტინელი მსოფლიო დონის ფორვარდია და მისი თამაშის ყურება ერთი სიამოვნებაა..”


“მიმდინარე სეზონი უდაოდ გამორჩეულია მის საფეხბურთო კარიერაში, რადგან არაერთი მნიშვნელოვანი გოლი გაიტანა და მათ შორის ჩემპიონთა ლიგის გათამაშებაშიც. ხვალ ბენზემას უნდა ველოდოთ? ეს საერთოდ არ ცვლის ჩვენ გეგმებს, რადგან ნაკლებად ვფიქრობ ეს შეხვედრა 0-0 დასრულდეს. ბურთის კონტროლი? მერწმუნეთ რეალის წინააღმდე ეს ფაქტობრივად შეუძლებელია და მითუმეტეს ბერნაბეუზე. თუმცა, საბაბი იმის რომ ყრუ დაცვაში ვითამაშებთ არ გვაქვს. რაც უფრო დიდხანს გვექნება ბურთი, მით უფრო ნაკლებია გოლის გაშვების შესაძლებლობა.

დღეისათვის, 95 წუთი გვაშორებს ფინალს და ვერ ვხედავ მიზეზს, თუ რატომ არ უნდა ვფიქრობდეთ ფინალზე. წინ, გრძელი და დამღლელი 95 წუთი გველის. ბერნაბეუზე პირველად ნამდვილად არ ვარ, აქ უკვე მილანთან ერთად ვიყავი. თამამად შემიძლია ვთქვა, რომ პირად კარიერაში ეს არის უმნიშვნელოვანესი დღე.აქ ვართ და გვწამს, რომ შეგვიძლია ბერლინში თამაში. რეალი კრიზისშია? ეს სისულელეა. მშვენიერი გუნდია არაჩვეულებრივი ტექნიკური არსენალით. შინ უფრო მეტ მომენტს ჰქმნიან ვიდრე სტუმრად და შედეგად სრული კონცენტრირება მოგვიწევს. მსუბუქი თავებით მოგვიწევს ასპარეზობა. რეალურად გვაქვს ყველაფერი რათა მივაღწიოთ სასურველ შედეგს”.

წყარო: Football-Italia