ბუფონი :”ბერლინიდან ბერლინამდე..”
ჯანლუიჯი ბუფონის მტკიცებით მისი გუნდი არ აპირებს საკუთარ საჯარიმოში ყოფნას და მხოლოდ კარის დაცვაზე ფიქრს:“როდესაც ასეთ ლეგენდარულ არენაზე გადიხარ ფეხბურთის სათამაშოდ ყველაფერს სხვაგვარად აღიქვამ. სხვათაშორის ეს ატმოსფერო იქნება კიდევ ერთი რამ რაც ეცდება პრობლემების შექმნას ჩვენთვის. არ მსურს აქაურობა დამწუხრებულებმა დავტოვოთ. ვფიქრობ, მადრიდელებს ბედმა არ გაუღიმა უკანასკნელ შეხვედრაში. მათ რომ მომდევნო 9 მატჩი ასეთივე სტილში წარემართათ ყველას მოიგებდნენ. რეალს ამ დაპირისპირებაში გარკვეული სივრცე უნდა მივცეთ, მაგრამ თავადაც უნდა ვეცადოთ გოლის გატანას. სიმართლე ითქვას, ვინმეს თუ ეგონა, რომ აქ მხოლოდ თავდაცვისთვის ვიყავით ჩამოსული მწარედ შემცდარა”.
“გავხდები თუ არა მატჩის მთავარი გმირი? იმედია ყოველი ჩვენთაგანი გახდება გმირი, რადგან ასეთ შეხვედრაში თითოეულის თავგანწირვაა აუცილებელი. ყველაზე მთავარი ბერლინის საგზურია. 2006 წლის პრობლემები? ბედნიერი ვარ, რომ ეს შავი დღეები უკვე გავიარეთ. ვინც ჩემთან ერთად დარჩა მაშინ იუვენტუსის ფეხზე წამოსაყენებლად ნამდვილად არ შემცდარა. წლევანდელ სეზონში საკუთარ თავებს ვაჯობეთ და სამივე ფრონტზე ვაგრძელებთ ბრძოლას.
მატჩი რეალთან იუვენტუსის სამყაროსთვის არის სიამაყის საბაბი: ფეხბურთელებისთვის, ხელმძღვანელობისთვის, პერსონალისთვის და ტიფოზერიისთვის. ეხლა რაიმე ემოციებს არ უნდა ავყვეთ. აუცილებელია სიმშვიდის და ცივ სისხლიანობის შენარჩუნება. კარგად გვესმის, რომ ერთადერთი გზა ბერლინის საგზურის მოსაპოვებლად არის კარგი ფეხბურთის დემონსტრირება.
ისე, უცნაური გზა არის.. ბერლინიდან-ბერლინამდე.. მას შემდეგ მთელმა საფეხბურთო ცხოვრებამ გაიარა. მეტი გამოცდილება დავაგროვე და ის მთელ რიგ ეპიზოდებში მეხმარება.
ტევესი? ძლერი ტემპერამენტი აქვს რისი დახმარებითაც ლიდერობს მინდორზე და გუნდიც ენდობა და მიყვება არგენტინელს. კარგად კითხულობს შეხვედრას და იცის კონკრეტულ მომენტში რა უნდა მოიმოქმედოს. სწორედ ეს არის პროფესიონალისთვის დამახასიათებელი ასპექტები.
პოგბა? იმ შემთხვევაში თუ ვერ შეძლებს მთელი 90 წუთის თამაშს, თუნდაც 60-70 წუთი იასპარეზოს ისე როგორც იცის.
კასილასი? მის მიმართ წარმოთქმული კრიტიკა თუ სტვენა არის უპატივცემლობა და დაუფასებლობა. ეს ბიჭი უკვე 20 წელია რაც რეალის ღირსებას იცავს. დიახ, კლუბის მიმართ ბევრი მართებს, მაგრამ არც თავად გაიღო ცოტა რეალისთვის. არიან ადამიანები, რომლებიც არ იმსახურებენ მსგავს მოპყრობას და იკერი მათ რიცხვში შედის”.
წყარო: Football-Italia
ჯიჯიმ უნდა აიწყვიტოს Dრეს
შენ გენაცვალე ძმაო მაგ იმედიან თვალებში!
არაფრის არ მეშინია როცა ჯიჯი კარშია!
აბა შენ იცი გაგვახარე ჯიჯი! ამ ფინალს 2003 წლიდან მოყოლებული ველოდებით ყველა
თითოეულის თავგანწირვაა აუცილებელი.აუცილებელია სიმშვიდის და ცივ სისხლიანობის შენარჩუნება.ყველაზე მთავარი ბერლინის საგზურია და ჩვენ აუცილებლად მოვიპოვებთ მას. ფორცა იუვე
