ალეგრი :”ეს იყო მამაცი “იუვენტუსი””

მასიმილიანო ალეგრი-ს განცხადებით მისი გუნდი მამაცურად იბრძოდა რეალის წინააღმდეგ და ამიტომაც დაიმსახურა ფინალის საგზური:”ჩემს განკარგულებაში ირიცხებიან ფანტასტიური მოთამაშეები. ეს კი მართლაც რომ გამორჩეული ნახევარფინალური დუელი იყო, რომელშიც შანსები ორივე კლუბს ჰქონდა. ჩვენის მხრივ უნდა აღვნიშნო, რომ მეტად ცივ სისხლიანები უნდა ვყოფილიყავით და პირველ ტაიმში ბოძებული შანსები ჯეროვნად გამოგვეყენებინა. ჩვენ დავიმსახურეთ ფინალი და როდესაც უკვე აქ ვართ, მოგვიწევს გავიღოთ ყველაფერი რაც გვაქვს მიზნის მისაღწევად”..

“მეორე 45 წუთში მათ ისევე როგორც ჩვენ 3-4 მომენტი ჰქონდათ. არაფერი მაქვს ჩემი შეგირდებისადმი სასაყვედურო.. მათ ლიგის ფინალში და იტალიის თასის ფინალში თამაშის უფლება მოიპოვეს. დიახ, ვიცი რომ ამის გამო თასის შეხვედრის თარიღი შეიცვლება. ჯეროვნად მოგვიწევს ლაციოსთან შეხვედრისთვის მომზადება”.

იტალიის თასის ფინალი 7 ივნისის ნაცვლად 20 მაისს გაიმართება..

“ყველას კარგად გვესმოდა, რომ რთული მატჩი გველოდა. საკუთარ შეგირდებს ტაქტიკური და ტექნიკური წინდახედულობისკენ მოვუწოდე. ჩემპიონთა ლიგის ფინალში იტალიური კლუბის დაბრუნება იყო მნიშვნელოვანი შეტყობინება. ისკო და როდრიგესი არცთუ ისე ძლიერები არიან უკანა ხაზში და შესაბამისად ჩემს შეგირდებს ვთხოვე ეს ორი მოთამაშე რაც შეიძლება შორს ყოფილიყვნენ ჩვენი ნახევრიდან”.

ფინალში მაქს ელის ლუის ენრიკეს ბარსელონა..

“მათ წინააღმდეგ პრაქტიკურად შეუძლებელია თამაში. მაგრამ ერთია კატალონიელებს ორ რაუნდიან დაპირისპირებისას შეხვდე და მეორეა როცა შეხვედრა ერთი მატჩისგან შედგება.. იქ კი უკვე ყველაფერი შეიძლება მოხდეს. ჩვენ ვიმყოფებით კარგ ფიზიკურ ფორმაში, ხოლო მათ შემადგენობაში ფანტასტიური სამკუთხედი ჰყავთ. თუმცა, ბერლინში იმ განცდით მივემგზავრებით რომ შევძლებთ ტიტულის აპენინებზე ჩამოტანას”.

ჯანლუიჯი ბუფონი-ს მოსაზრებით ეს არის ბედისწერა, რომ იგი კვლავ მიემგზავრება ბერლინში, სადაც 2006 წელს მსოფლიო ჩემპიონი გახდა სკუადრა აძურის რიგებში :“შესაძლოა ეს ბედისწერა იყო, მაგრამ სიმართლე გითხრათ თითოეული ჩვენთაგანი სწორედ ასეთ სცენარს ნატრობდა. იქონიეთ მხედველობაში, რომ ფინალში ტურისტების რანგში არ გავსულვართ. აქ მოვედით იმისათვის, რომ მონაწილეობა მიგვეღო უმნიშვნელოვანეს დაპირისპირებაში. სიამაყით ვარ სავსე საკუთარი პარტნიორების გამო და იმ გზით რაც ჩვენმა გუნდმა განვლო. ხშირად არ ხდება, რომ ჩემპიონთა ლიგის ფინალში გეძლევა თამაშის საშუალება.. შედეგად სანახევროდ ვერ დავიხარჯებით.. აუცილებელია ყველაფერი გავიღოთ რაც გაგვაჩნია”.

ალვარო მორატა გაანაწყენა იმ ფაქტმა, რომ ბერნაბეუზე შეკრებილმა ესპანურმა ქომაგმა მისი მისამართით სტვენა დაიწყო. თუმცა, ფორვარდი მოხარულია მისი გუნდის წარმატებით :“ბედნიერი ვარ! დიდი მადლობა თითოეულ ტიფოზს, რომელიც ამ მატჩს დაესწრო ბერნაბეუზე. გარწმუნებთ, ყველაფერს გავიღებთ რომ ფინალში წარმატებას მივაღწიოთ. ურთულესი იქნება ბარსელონასთან თამაში, მაგრამ შევეცდებით მათ დაჩოქებას ბერლინში. ამ გუნდს უკვე 12 წელია ლიგის ფინალი არ ენახა, მაგრამ ნამდვილად შეგვიძლია პროგრესირება და ოცნების გაგრძელება”..

საგულისხმოა ის ფაქტი, რომ მორატამ ნახევარფინალის ორივე დაპირისპირებაში შესძლო თავის გამოჩენა:

“რთულ მდგომარეობაში ვიყავი. უმნიშვნელოვანეს მატჩებში გამქონდა გოლები და მათ ვერ აღვნიშნავდი. მე-იუვენტუსის ფეხბურთელი ვარ და ასეთ მოპყრობას არ ვიმსახურებ. გოლს ვუძღვნი ჩემს ოჯახს, მეგობარ გოგონას და ტიფოზებს, რომლებიც მუდამ იდგნენ ჩემს გვერდით. ასევე ჩემს აგენტს, რომელმაც გასულ სატრანსფერო ბაზარზე გამოხატა რადიკალური და მიზანმიმართული პოზიცია”.

გასულ ზაფხულს ბიანკონერიმ მანჩესტერ იუნაიტედის მარცხენა მცველი პატრის ევრა შეიძინა. 33 წლის ფრანგის ტრანსფერს დიდი აჟიოტაჟი არ გამოუწვევია. უფრო მეტად ნეგატივი ისმოდა ვიდრე დადებითი. დაიწყო სეზონი და ევრა რიგ ეპიზოდებში არ გამოიყურებოდა სათანადო დონეზე, თუმცა ეტაპობრივად იგი გუნდისთვის შეუცვლელ ფიგურად ჩამოყალიბდა. უდაოა, რომ ჩემპიონთა ლიგაში მან საკუთარი გამოცდილებით დიდი დახმარება გაუწია პარტნიორებს :“ვფიქრობ ორი მატჩის ჯამიდან გამომდინარე ლოგიკური შედეგი მივიღეთ. ყოველთვის როდესაც ამ ტურნირში ვიღებ მონაწილეობას, სწორედ ფინალში თამაშზე ვარ ორიენტირებული. ყველაფერს ვიღებ სანუკვარი მიზნის მისაღწევად. სიმართლე გითხრათ შიშს არასოდეს დავუტყვევებივართ. 1-0-ის შემდეგ ბიჭებს ვუთხარი, რომ გაგვიჭირდებოდა მაგრამ ჩვენ ამას შევძლებდით”..

“უსამართლობა იქნებოდა მადრიდის დატოვება ისე, რომ გოლი არ გაგვეტანა. შესაძლოა ჩემმა სიტყვებმა პარტნიორებზე პოზიტიურად იმოქმედა. ცალკე აღნიშვნის ღირსია მასიმილიანო ალეგრი და მისი უსაზღვროდ დიდი მენიუ.. მწვრთნელს ვარირებისთვის უამრავი ჯანსაღი იდეა ჰქონდა და შედეგად ჩვენ მისი დახმარებით მოვიპოვეთ ბერლინის საგზური”.

ტურინელები ჩემპიონთა ლიგის ფინალში კატალონიურ ბარსელონას დაუპირისპირდებიან, რომელიც 6 ივნისს ბერლინში გაიმართება:

“ეხლა კი ჩვენ შევხედავთ თუ როგორი იდეების არსენალი აქვს მომზადებული ალეგრის ბარსასთვის”.

2003 წლის შემდეგ იუვე უბრუნდება ჩემპიონთა ლიგის ფინალს. მას შემდეგ რაც გუნდმა 3-2 დაამარცხა სამეფო კლუბი ალეგრის შეგირდებმა ბერლინის საგზური მოიპოვეს. არტურო ვიდალი სავსე იყო ემოციებისგან და განაცხადა, რომ მათთვის ეს მატჩი სასიცოცხლოდ მნიშვნელოვანია :“ბარსას რიგებში ფანტასტიური მოთამაშეები ასპარეზობენ, მაგრამ არც ჩვენ გვყავს ნაკლები. ბერლინში ცხოვრების მატჩი გველის! იუვენტუსი არის ძლიერი ერთიანობით, რომელიც გაგვაჩნია. ფეხბურთელები უკვე წლებია ერთმანეთს ვიცნობთ, რაც გვიადვილებს მიზნის მიღწევას. ჩვენი იუვენტუსი არის დიადი”.

“ჯერჯერობით ჩვენთვის ნომერ პირველი მიზანი იტალიის თასის მოპოვება არის და უკვე ამის შემდეგ დავიწყებთ ჩემპიონთა ლიგის ფინალზე ფიქრს”– საუბრობს მატჩის დასრულების შემდეგ ბიანკონერის შუახაზელი კლაუდიო მარკიზიო. გულშემატკივრები ოპტიმისტურად არიან განწყობილნი და იმედს გამოთქვამენ, რომ მათი გუნდი ბერლინშიც მიაღწევს წარმატებას:“უმჯობესია დღევანდელით ვიცხოვროთ. რა თქმა უნდა კარგია ტიფოზების მხრიდან ასეთი ოპტიმისტური განწყობა, თუმცა მოვლენებს არ უნდა გავასწროთ. წინ კიდევ გვექნება იმის დრო, რომ კარგად დავფიქრდეთ ფინალზე. რწმენა საკუთარ ძალებში, რომელსაც ეხლა ხედავთ დაგროვება ეტაპობრივად დაიწყო ჯგუფური ეტაპიდან. დიახ, ქვე ჯგუფში ორჯერ დავმარცხდით, მაგრამ დორტმუნდის წინააღმდეგ ვაჩვენეთ ყველას თუ რას წარმოვადგენთ რეალურად. დღეს, კი უკვე ასეთი დიდი გამარჯვებაც მოვიპოვეთ. საკმაოდ გვაქვს მომატებული რასაც მოწმობს კიდევაც წლევანდელი სეზონი”.

წყარო: Football-Italia