“იუვენტუსი” ძაძას დაბრუნებას გეგმავს

ტურინის “იუვენტუსის” გენერალური დირექტორი, ჯუზეპე მაროტა “სასოულოს” ფორვარდს, სიმონე ძაძას აკვირდება და ზაფხულში მის დაბრუნებას აპირებს.გაზეტა დელო სპორტის მიერ გავრცელებული ინფორმაციით, ბიანკონერები სიმონე ძაძასა და დომენიკო ბერარდის თამაშით კმაყოფილნი არიან და სეზონის დასრულებისთანავე, მოთამაშეების გამოსყიდვის უფლებით ისარგებლებენ.23 წლის ცენტრალური ფორვარდი დიდი ალბათობით, მომავალ სეზონში შავ-თეთრი მაისურით ითამაშებს, 21 წლის ბერარდის საკითხი კი ჯერ კიდევ გადასაწყვეტია, დარჩება ტურინში თუ შეუერთდება რომელიმე კლუბს არენდით.შეგახსენებთ, რომ 10 ივნისამდე დომენიკოს გამოსყიდვა 15 მილიონი ევრო ღირს, ამ თარიღის შემდეგ კი ეს ფასი ხუთი მილიონით ძვირდება.ძაძას დაბრუნების იდეას ის გარემოებაც ემატება, რომ მასიმილიანო ალეგრი ფერნანდო ლიორენტეს გასხვისების წინააღმდეგი არაა, გუნდი შესაძლოა დატოვოს კარლოს ტევესმაც, პაულო დიბალასთან მოლაპარაკებებს რაც შეეხება, ყველასთვის კარგადაა ცნობილი.

ტურინის “იუვენტუსის” მფლობელობაში მყოფი ფორვარდის, დომენიკო ბერარდის აგენტმა იტალიურ პრესასთან საუბარში განაცხადა, რომ მისი კლიენტი ბიანკონერებში სათამაშოდ მზადაა : “თანამფლობელობასთან დაკავშირებული საკითხი სეზონის დასრულებისთანავე უნდა გადაწყდეს, კლუბებს შორის ურთიერთობა იდეალურია და ვფიქრობ, ისინი მარტივად გამონახავენ საერთო ენას.მართალია, სასოულოს დომენიკოს შენარჩუნება სურს, თუმცა იუვენტუსს ფეხბურთელის სჯერა და მზადაა, იგი ტურინში დააბრუნოს.ბერარდი მხოლოდ 21 წლისაა, ჯერ კიდევ ვითარდება და ახლა მისთვის უმნიშვნელოვანესია სათამაშო პრაქტიკა, იმედი მაქვს, ბებერ ქალბატონში მას ეს დრო მიეცემა.იუვეში ბოლო ოცი წლის განმავლობაში უდიდესი ფეხბურთელები თამაშობდნენ, უპირველეს ყოვლისა ალესანდრო დელ პიერო, მისი მიღწევების გამეორება ვერავინ შეძლო.იტალიაში ახალგაზრდა ფეხბურთელებს ნაკლებად აფასებენ, გაცილებით ენდობიან უცხოელებს, ვფიქრობ, ეს არასწორია.დიბალა ? – ნიჭიერი მოთამაშეა, სერია B – ში მისი თვისებები ბოლომდე ვერ გამოავლინა, თუმცა უმაღლეს ჩემპიონატში საუცხოო შედეგი აქვს.”

წყარო : Football Italia