ბუფონმა დაახასიათა თანაგუნდელები

უეფას წარმომადგენლებმა ინტერვიუ აიღეს ჯანლუიჯი ბუფონისგან, რომელსაც საკუთარი თანაგუნდელების დახასიათება სთხოვეს..

ჯანლუიჯი ბუფონი, მეკარე

“(იცნის) ჯანლუიჯი.. უსაზღვროდ გამოცდილი”..

ჯორჯო კიელინი, მცველი

“ფიზიკურად ძლიერი ფეხბურთელი, რომელიც არავის და არაფერს არ უშინდება”..

ანდრეა ბარძალი, მცველი

“უდაოდ გამორჩეული ფიგურა. ვფიქრობ, დღეისათვის 3-4 საუკეთესო ცენტრალურ მცველში თავისუფლად შედის”.

ლეონარდო ბონუჩი, მცველი

“თუ მკითხავთ წლევანდელ სეზონში ვინ განიცადა არნახული პროგრესი, გიპასუხებთ რომ ასეთი სწორედ ბონუჩია. მან მნიშვნელოვნად მოუმატა თითოეულ ასპექტში და ეხლა უკვე თამამად დავაყენებ ბარძალის და კიელინის გვერდით”.

სტეფან ლიხტშტაინერი, მცველი

“ჩვენი დაუღალავი ექსპრესი. წინ და უკან მთელი 90 წუთის მანძილზე. გვესაჭიროება შეტევა? იგი უტევს.. გვესაჭიროება დაცვა? იგი იცავს.. საიმედოობის გარანტი!”

პატრის ევრა, მცველი

“ჩემთან ერთად იმ ფეხბურთელთა რიცხვშია, რომლებსაც გაგვაჩნია უდიდესი გამოცდილება ასეთ მაღალ საფეხურზე. ყოველთვის საჭიროა მსგავსი კალიბრის მოთამაშის ყოლა გუნდში”.

პოლ პოგბა, ნახევარმცველი

“დიდი ტალანტი. ისეთი ნიჭი აქვს, რომ მისცეს განვითარების საშუალება ყველაფერს მიაღწევს საფეხბურთო სამყაროში. ეს ყოველივე კი ბუნებრივია მხოლოდ მასსზე და მის სურვილზეა დამოკიდებული”.

კლაუდიო მარკიზიო, ნახევარმცველი

“ტაქტიკურად განსწავლული ფეხბურთელი, რომელიც მოედანზე არ აკეთებს არცერთ ზედმეტ მოძრაობას. მან ზუსტად სად, როდის და როგორ უნდა მოიქცეს რათა გუნდს წარმატება მოუტანოს. ბონუჩისთან ერთად კლაუდიოც დღევანდელი იუვენტუსის განუყოფელი ნაწილია. ნახევარდაცვაში მრავალფუნქციური დავალებები აქვს და თითოეულს ზედმიწევნით კარგად ასრულებს”.

ანდრეა პირლო, ნახევარმცველი

“პირლო იმ იშვიათ მოთამაშეებში შედის, რომლებსაც ფეხბურთის გენიოსებად მიიჩნევენ”.

არტურო ვიდალი, ნახევარმცველი

“ჩვენი დაუღალავი მებრძოლი. არავის არაფერს არ დაუთმობს.. თუნდაც რიცხობრივი უპირატესობა გამაოგნებელი იყოს იგი არ უშინდება ბრძოლას. ფანტასტიური ადამიანი და შესანიშნავი ფეხბურთელი. ომში რომ მივდიოდე მას აუცილებლად წავიყვანდი თან”.

სტეფანო სტურარი, ნახევარმცველი

“იანვარში ჩაირიცხა და მალევე დაიმკვიდრა თავი ახალი გუნდის გასახდელში. იუვენტუსსში ისეთი მენტალიტეტი და ატმოსფერო სუფევს, რომელიც ნებისმიერ ფეხბურთელს განაწყობს დადებითად”.

სიმონე პადოინი, ნახევარმცველი

“ოსტატი, რომელსაც ზუსტად იქ შეუძლია დახმარების აღმოჩენა სადაც გუნდს დასჭირდება. მისი საქმისადმი სერიოზული დამოკიდებულება, თავგანწირვა და შრომისმოყვარულობამ განსაკუთრებული ადგილი მისცა იუვეში”.

რობერტო პერეირა, ნახევარმცველი

“ფეხბურთელი, რომელსაც შეუძლია ძალთა ბალანსის გადმოქაჩვა ჩვენსკენ, როდესაც ამას სიტუაცია მოითხოვს. მისი დრიბლინგით, ტექნიკური არსენალით და კარგი მოედნის ხედვით, გუნდს შეუძლია წარმატების მიღწევა”.

ალვარო მორატა, თავდამსხმელი

“სიურპრიზი. როცა უკვე კარგად გავიცანი შემიძლია თამამად ვთქვა, რომ თუ სწორი გზით წავა და განავითარებს თავის პროფესიონალიზმს, უახლოეს მომავალში ვარსკვლავი გვეყოლება”.

კარლოს ტევესი, თავდამსხმელი

“ჩვენი ენერგიის მუხტია! როდესაც იგი მოდის გუნდში ცეცხლი ინთება! როდესაც მას მისდის თამაში, მთელს გუნდს მისდის თამაში. ის გადამწყვეტი მოთამაშეა ჩვენთვის..”

ფერნანდო ლორენტე, თავდამსხმელი
“ფერნანდო ჩვენი ტარანია.. მსთვის ახლა ცოტა მძიმე პერიოდია. ბოლო სამი-ოთხი თამაშია მას თავისი თამაშით აგრესია მოაქვს. კარგად ხვდება, რას მოითხოვს მისგან კონკრეტული თამაში და კარგ ფორმაშია სულ”.
წყარო: TuttoSport