კიელინიმ ვარჯიში წვივის არეში დისკომფორტის გამო ნაადრევად დატოვა

ჯიორჯიო კიელინიმ ვარჯიში დღეს კუნთში დისკომფორტის გამო დროზე ადრე დატოვა.  ნიშნავს თუ არა ეს, რომ იტალიის ნაკრების მცველი “ბარსელონასთან” ფინალს გამოტოვებს, ჯერჯერობით უცნობია. “იუვენტუსის” ოფიციალური განცხადებაში ნათქვამია: “კიელინის სავარჯიშო სესიის დროზე ადრე დატოვება მარცხენა წვივის არეში დისკომფორტის გამო მოუწია. მისი მდგომარეობა ხვალ შეფასდება. ” -აღსანიშნავია, რომ ანდრეა ბარძალი თავს კარგად გრძნობს და სავარაუდოდ, ფინალს ფორმაში შესული შეხვდება. დღეს თანაგუნდელებთან ერთად ანდრეამ სრული სესია ჩაატარა.

წყარო: იუვენტუსის ოფიციალური ვებ-გვერდი