ევრა: ” ვეცდები, სუარესმა მოედანზე ჩემი ყოფნა იგრძნოს “

პატრის ევრასა და ლუის სუარესის დაპირისპირება დღეს ყურადღების ცენტრში იქნება. ფრანგისა და ურუგვაელის კომფლიქტის ამბავი არავისთვისაა ახალი, ევრას  “მანჩესტერში” ასპარეზობის დროს სუარესის რასისტული რეპლიკის გამო დაპირისპირება რამის შეხლა-შემოხლაში გადაიზარდა. დღეს ისინი ისევ ერთმანეთის წინააღმდეგ ითამაშებენ, ტურინელთა მცველი მოტივირებული ჩანს…

” მისგან ბოდიშის მოხდა არ მჭირდება. ამას არ აქვს მნიშნელობა, ჩემთვის ეს პრობლემას არ წარმოადგენს. დიახ, როცა მოედანზე გავალთ, ხელს ჩამოვართმევ. ჩემი საუკეთესო მეგობარი ვერასდროს იქნება, მაგრამ ეს ჩემთვის პრობლემა არაა. წარსული წარსულია. ჩემი კანის ფერის გამო ვამაყობ და ჩამოვართმევ ხელს, როგორც “ლივერპულის” წინააღმდეგ თამაშის დროს. ”

” მე “ბარსელონასთან” ვითამაშებ და არა მის წინააღმდეგ, მაგრამ შევეცდები ჩემი ყოფნა სუარესმა იგრძნოს. სასამართლოზე მოსამართლისთვის არ მითქვამს, რომ სუარესი რასისტია, მხოლოდ ის ვთქვი, რომ იმ კონკრეტულ მომენტში რასისტული განცხადება გააკეთა. არ დამიწყია იმის მტკიცება “დასაჯეთ ეს კაცი, რასისტია -მეთქი”, ეს არ ვიცი, რადგან ასე კარგად არ ვიცნოთ მას და ვერ ვიმსჯელებ. მე ვაკონტროლებდი საკუთარ თავს და ჩემს საქციელს, თითქოს რაღაც შინაგანი ხმა მეუბნებოდა “არაფერი სისულელე არ გააკეთო, არ დაარტყა ან რაიმე სისულელე არ ჩაიდინო,  ამ თამაშს ბევრი ადამიანი უყურებს- მეთქი”.

“ბავშვებს მაგალითს ჩვენება სჭირდებათ. შეცდომა რომ დამეშვა, ალბათ ახლა აქ არ ვიქნებოდი, ალბათ, სამწლიან დისკვალიფიკაციას მომცემდნენ ან რაიმე ამდაგვარი. სერ ალექს ფერგიუსონმა და ყველა ჩემმა თანაგუნდელმა თამაშის მერე ნახა ჩემი სახე. იმ მომენტში სხვა გალაქტიკაში ვიყავი. ბევრი რამ ხდებოდა ჩემს თავში, ძალიან რთული დღე იყო, მაგრამ საბოლოოდ, ამაყი ვარ ჩემი საქციელით. ” -აცხადებს ევრა.

წყარო: football italia