ალეგრი : “ჩემს ტაქტიკას ათიანი ნამდვილად სჭირდება”

ტურინის “იუვენტუსის” მთავარმა მწვრთნელმა, მასიმილიანო ალეგრიმ გაზეტა დელო სპორტთან ინტერვიუში საკმაოდ საინტერესო საკითხებზე ისაუბრა : “თუ მორატას გაყიდვა მოგვიწევს, იმედი მაქვს ეს იქნება არანაკლებ 70-80 მილიონად, სწორედ ეს არის მისი ღირებულება.ალვაროს და კინგსლი კომანს განსაკუთრებით უნდა გავუფრთხილდეთ, ისინი ახალგაზრდები არიან და მთელი საფეხბურთო კარიერა წინ აქვთ.დიახ, სიმართლეს შეესაბამება ის ფაქტი, რომ ხელმძღვანელობას გუნდში ათიანის მოყვანა მოვთხოვე, ოსკარი ძალიან მომწონს, პრემიერლიგაში საკმაოდ მაღალ დონეზე ასპარეზობს და ვფიქრობ, ჩვენც გაგვაძლიერებდა.გარდა ბრაზილიელისა, ხავიერ პასტორე, ისკო, ანხელ დი მარია და ტონი კროოსი აღმაფრთოვანებს.რაც შეეხება ფორვარდებს, ჩვენს სიაში მხოლოდ მარიო მანძუკიჩი და გონსალო იგუაინი არიან, ხორვატი შეტევას სერიოზულად გააძლიერებს, თუმცა მთავარი მოლაპარაკებების წამოწყების შემთხვევაში მისი სურვილი იქნება.პოგბა ? – თუ ის დარჩება, ყოველგვარი სინანულის გარეშე უნდა ემსახუროს ბებერ ქალბატონს, რადგან გასული სეზონი მხოლოდ დასაწყისია იმ წარმატებებისა, რომელსაც უნდა მივაღწიოთ.ტევესის გადასაწყვეტია, დარჩება თუ არა, მაგრამ ვიმეორებ, მომავალი სეზონისთვის მზადება მეტად ინტენსიური და რთული იქნება.”

“წინასწარ რთულია სამომავლო შედეგებზე ისაუბრო, მთავარია სწორი გზით განვიცადოთ პროგრესი.მთავარი მიზანი უკვე ვიცით – მეხუთე სკუდეტო, კოპა იტალია და ჩემი ოცნება, ჩემპიონთა ლიგა.ძალიან მინდა, იუვემ ზედიზედ ხუთი სკუდეტო მოიგოს, ეს გუნდმა ბოლოს შორეულ 1930-იან წლებში მოახერხა და მაშინ ფეხბურთი სულ სხვანაირი იყო, ახლა ეს მეტად რთულია.ფინალი ? – ვფიქრობ, ერთ-ერთი საუკეთესო მატჩი იყო ბოლო ევროპულ ფინალებს შორის, დაძაბული და საინტერესო.ბიჭების თვალებზე ცრემლები თავად ამბობდნენ სათქმელს : “ვინ იცის, კიდევ როდის ვითამაშებ ასეთ მატჩს, ახლა მქონდა შანსი და ბარსელონა ვერ დავამარცხე”, ეს სინანულია.”

“კარგი ახალგაზრდა ფეხბურთელები გვყავს, პაულო დიბალა არ დაგავიწყდეთ, იგი ძალიან ნიჭიერია.ევროპაში რომ წარმატებას მიაღწიო, ყველანაირად მზად უნდა შეხვდე სეზონს, კლუბთან ყველაფერი შეთანხმებული გვაქვს, გვჭირდება გამოცდილი მოთამაშეები, რომლებიც ახალგაზრდებს პროგრესში დაეხმარებიან.”

წყარო : Football Italia