ოსკარი თუ იოვეტიჩი – ტურინელები ათიანის ძიებაში

ტურინის “იუვენტუსის” ხელმძღვანელობას როგორც სჩანს, სერიოზულად აქვს გადაწყვეტილი გუნდში ტრეკვარტისტას მოყვანა.გაზეტა დელო სპორტის მიერ გავრცელებული ინფორმაციით, ბიანკონერების მთავარი სამიზნე “ჩელსის” ნახევარმცველი, ოსკარ დოს სანტოსია, ბრაზილიელის ალტერნატივად კი სტეფან იოვეტიჩი რჩება.ჩერნოგორიელი ფეხბურთელის მთავარი უპირატესობა ოსკართან შედარებით მისი სატრანსფერო ფასია, ქალაქელები მზად არიან იო-იო 20 მილიონ ევროდ გაასხვისონ, 23 წლის შემტევის გაყიდვას კი არისტოკრატები 35 მილიონ ევროზე ნაკლებად არ აპირებენ.ზემოთხსენებული წყაროს მტკიცებით, ჯუზეპე მაროტა “ფიორენტინას” ყოფილ შემტევს 5 წლიან კონტრაქტს, 3,5 მილიონ ევროს ანაზღაურების სახით და ათნომრიან მაისურს შესთავაზებს, რომელსაც გასული სეზონების მანძილზე კარლოს ტევესი ატარებდა.

Gazzetta Dello Sport-ის ინფორმაციით ტურინელებსა და ინგლისელებს შორის მომავალ კვირაში შედგება შეხვედრა, რომელიც სტეფან იოვეტიჩის ტრანსფერს ეხება. სიტი არ არის წინააღმდეგი გაასხვისოს ჩერნოგორიელი ფეხბურთელი, რომელმაც ვერაფრით მოიკიდა ფეხი ნისლიან ალბიონზე. თავის მხრივ იუვენტუსი უკვე დიდი ხანია, რაც სტეფანისადმი სერიოზულ ინტერესს იჩენს, მაგრამ ფლორენციულ კლუბთან დაძაბული ურთიერთობის გამო ვერაფრით მოახერხა ტრანსფერის განხორციელება. დღეისათვის კი, როგორც ჩანს მაროტამ იგრძნო გარიგების რეალურობა და მაქსიმალურად ეცდება საქმის ბოლომდე მიყვანას. მოარული ხმების თანახმად იუვესა და სიტის შორის უკვე არსებობს პრინციპული შეთანხმება. ჯერი თავად ფეხბურთელთან პირადი კონტრაქტის შეთანხმებაა. მაროტა ჩერნოგორიელს შესთავაზებს წლიურად 3.5 მილიონ ევროს და პლიუს ბონუსებს.

წყარო : Football italia