ახალი დეტალები სალაჰის ირგვლივ

ჩვენი ვებ-გვერდის მეშვეობით ცოტა ხნის წინ შეიტყობდით, რომ “იუვენტუსი” მოჰამედ სალაჰით ინტერესდება, დღეს კი tuttosport -ი ამ თემაზე ახალ დეტალებს აქვეყნებს…

იტალიური გამოცემის მტკიცებით, “იუვე” და “ინტერი” ეგვიპტელის გადმობირებით სერიოზულად არიან დაინტერესებულნი. გუშინ სალაჰი თავის აგენტთან ერთად “ფიორენტინას” ხელმძღვანელობას შეხვდა და ნათლად განუცხადა, რომ მხოლოდ იმ შემთხვევაში დარჩება “ვიოლებთან”, თუ მასთან ახალ კონტრაქტს დადებენ და ხელფასიც გაეზრდება.

ამჟამად ნახევარმცველი ტოსკანაში წელიწადში 2 მილიონ ევროს იღებს, ბონუსებთან ერთად, საშუალოდ, 2.5 მილიონს, როცა “ინტერმა” უკვე შესთავაზა წელიწადში 2.7 მილიონი, “იუვენტუსმა” კი 3 მილიონი ევრო. როგორც მოგეხსენებათ, სალაჰი “ჩელსის” მფლობელობაშია და მხოლოდ განათხოვრების წესით ასპარეზობს “ფიორენტინაში”. “ვიოლებს” უფლება აქვთ კიდევ ერთი წლით გაახანგრძლივონ არენდა, მაგრამ კონტრაქტის მიხედვით, ნახევარმცველს შეუძლია ფლორენციელთა ამ გადაწყვეტილებას ვეტო დაადოს და, შესაბამისად, “ჩელსის” განკარგულებაში დაბრუნდეს. ცხადია, ლონდონელები მაშინვე ეცდებიან მის ისევ განათხოვრებას და იტალიურ კლუბებსაც გაეხნებათ გზა. თავის მომავალთან დაკავშირებით გადაწყვეტილება ეგვიპტელმა 30 ივნისამდე უნდა მიიღოს. “იები” ყველანაირად ცდილობენ ნახევარმცველის დაყოლიებას. გავრცელებული ინფორმაციით, ისინი მზად არიან წელიწადში 2.5 მილიონი ევროს გადახდას დასთანხმდნენ, მაგრამ სალაჰმა გუშინ სამი მილიონი ევრო და პლიუს 500.000 -ის ბონუსები მოითხოვა. როგორც ჩანს, აუქციონი უკვე დაწყებულია.

წყარო: tuttosport