სატრანსფერო ჭორები და სიახლეები

ნეტო ტურინის “იუვენტუსს” უახლოვდება, მარკო სტორარი ფლორენციულ “ფიორენტინას”. ტუტოსპორტის მიერ გავრცელებული ინფორმაციის თანახმად, 38 წლის მეკარე იებთან მოლაპარაკებებს აწარმოებს და დიდი ალბათობით, სულ მალე მხარეებმა ოფიციალურ კონტრაქტს უნდა მოაწერონ ხელი.პაულო სოუზას გუნდი ვეტერან ფეხბურთელს ძირითად შემადგენლობაში თამაშს სთავაზობს, აღსანიშნავია ისიც, რომ “ფიორენტინა” მომავალ სეზონში ევროპის ლიგაზეც იასპარეზებს.რაც შეეხება ნეტოს, ჯუზეპე მაროტას მასთან პირადი კონტრაქტის დეტალები შეთანხმებული აქვს და სტორარის წასვლისთავე ვიცე-ბუფონის სტატუსს სწორედ ბრაზილიელი მიიღებს.25 წლის ფეხბურთელი კოპა ამერიკიდან სულ ახლახან დაბრუნდა და ივლისის დასაწყისში, იგი სავარაუდოდ ტურინს უნდა ეწვიოს.

ანჯელო ოგბონა სულ უფროდაუფრო უახლოვდება პრემიერ ლიგას.კორიერე დელო სპორტის ცნობით, “საუთჰემპტონის” ხელმძღვანელები ყველაზე დიდ ინტერესს იჩენენ იტალიელის მიმართ,  წმინდანები მზად არიან ფეხბურთელში 10 მილიონი ევრო გადაიხადონ.27 წლის მცველის გაყიდვის წინააღმდეგნი არც ტურინელები არიან და დიდი ალბათობით, მოლაპარაკებები მხარეებს შორის წარმატებით უნდა დასრულდეს.

“ბოლონია” კინგსლი კომანის არენდით აყვანითაა დაინტერესებული.იტალიური პრესის მტკიცებით, სერია ა – ში ახლახანს გადმოსული კლუბი ახალგაზრდა ფრანგის ნიჭით აღფრთოვანებულია და სურს, მომავალ სეზონში იგი საკუთარ შემადგენლობაში იხილოს.18 წლის ფეხბურთელის იჯარით გაშვება ტურინელებისთვის მომგებიანია, რადგან კინგსლის სათამაშო დრო და გამოცდილება ნამდვილად სჭირდება.მოთამაშის მიმართ ინტერესს “სასოულოც” იჩენდა, თუმცა ვინ მიაღწევს ბიანკონერებთან შეთანხმებას, ჯერ-ჯერობით უცნობია.

ბებერი ქალბატონის რადარზე იტალიის ახალგაზრდული ნაკრების მცველი, ალესიო რომანიოლი გამოჩნდა.”სამპდორიადან” “რომაში” ახლახანს დაბრუნებულ ფეხბურთელის შეძენა “მილანსაც” სურს, თუმცა მისი აგენტის განცხადებით, იტალიელის პრიორიტეტი ჩემპიონთა ლიგაზე თამაშია : “მილანთან რომანიოლის დაკავშირება ჭორია, გამომდინარე იქედან, რომ როსონერი ჩემპიონთა ლიგაზე არ ასპარეზობს.თუ იუვე ალესიოთი დაინტერესდება და რომაელებთან მოლაპარაკებებს წამოიწყებს, თავად ფეხბურთელი წინააღმდეგი ნამდვილად არ იქნება.”

წყარო : Tuttojuve