სატრანსფერო სიახლეები

ბოლო რამდენიმე საათის მანძილზე სამი ფეხბურთელის მომავალზე დაიწერა ყველაზე მეტად:

პირველ რიგში საქმე მარიო მანჯუკიჩს ეხება.. ხორვატმა ფორვარდმა კი გაახანგრძლივა კონტრაქტი, მაგრამ როგორც აცხადებენ იგი არ შედის მაურისიო სარის გეგმებში..

ამ ისტორიაში უცნაური ის არის, რომ სარი ჯერ იუვეს თავკაცი ოფიციალურად არ გამხდარა და საერთოდაც, მხარეები ამ საკითხზე კომენტარის გაკეთებისგან თავს მაქსიმალურად იკავებენ..

თუმცა, მედიაში უმალვე გაჩნდა ცნობები, რომ დორტმუნდის ბორუსია მზად არის სუპერ მარიოს დასამატებლად..

ხუან კუადრადოზე ბევრი იწერებოდა, მაგრამ როგორც მისი გარემოცვიდან გამოვიდა ცნობები, კოლუმბიელს ტურინში დარჩენა სურს..

საგულისხმოა, რომ სამხრეთ ამერიკელის თაობაზე გადაჭრით წავიდოდა თუ დარჩებოდა არ იწერებოდა და ვნახოთ მისი სურვილი რამდენად იქონიებს ზეგავლენას კლუბის გადაწყვეტილებაზე.

ამასობაში ესპანურ მედიაში გაჩნდა ცნობები უსმან დემბელესთან დაკავშირებით..

თუ მათ დავუჯერებთ, ბიანკონერის მესვეურებმა კატალონიელებისგან მოთამაშის თაობაზე სრული ინფორმაცია გამოითხოვეს..

როგორც ცნობილი გახდა, ესპანელები მის სანაცვლოდ 105 მილიონ ევროს ითხოვენ..