RMC Sport:”პსჟ-ს დიბალა სურს”

RMC Sport-ის ცნობით პსჟ-ს გენერალურმა დირექტორმა ლეონარდომ იუვენტუსისგან პაულო დიბალას თაობაზე ინფორმაცია გამოითხოვა:

პარიზელები როგორც ჩანს მართლაც განიხილავენ ნეიმარის გუნდიდან წასვლას და შესაბამის მის შემცვლელზე იწყებენ ფიქრს..

ბრაზილიელის ერთ-ერთ შესაძლო კლუბად სწორედ იუვენტუსი სახელდება, თუმცა საქმეში უკვე დიდი ხანია რაც ბარსელონაც ფიგურირებს, რომელიც არ კარგავს იმედს რომ მოახერხებს სამხრეთ ამერიკელის უკან დაბრუნებას.

მეორეს მხრივ ლეონარდო საკმაოდ მცირე თანხის იმედად გეგმავს არგენტინელის გაფორმებას. საუბარი ეხება 50 მილიონ ევროს, რაც ნამდვილად არ დააკმაყოფილებს ტურინულ გრანდს..

ბიანკონერი დიბალას 80 მილიონ ევროდ აფასებს, მაგრამ ისიც უნდა გავითვალისწინოთ, რომ გასულ სეზონში ლა ჯოიას პროგრესმა იკლო და შესაბამისად ფინანსურადაც მისი ფასი შედარებით შემცირდა.

რამდენიმე დღის წინ ესპანური მედია იმასაც კი აცხადებდა, რომ იუვე ნეიმარის დასამატებლად, სწორედ დიბალას გამოიყენებდა, მაგრამ რამდენად რეალურია ეს ყოველივე დრო გვიჩვენებს.