ნედვედი კალენდარზე და სატრანსფერო თემებზე

ლეგა კალჩომ ცოტახნისწინ სერია ა-ს 2019/20 წლის სეზონის კალენდარი გამოაქვეყნა. აღნიშნულ ღონისძიებას ტურინელთაგან პაველ ნედვედი ესწრებოდა:

“დარწმუნებული ვარ წინ დაძაბული ჩემპიონატი გველის, რადგან კონკურენტები ნაყოფიერად გაძლიერდნენ..

ის ფაქტი, რომ უკვე საწყის ტურებში იმართება მნიშვნელოვანი მატჩები, ბუნებრივია მოლოდინს კიდევ უფრო ამძაფრებს..

მაურისიო სარიმ გუნდი არცთუ დიდი ხნის წინ ჩაიბარა.. დიახ, მისი ხელმძღვანელობით გუნდმა უკვე გამართა რამდენიმე მატჩი, მაგრამ ხელწერა ჯერ კიდევ არ იგრძნობა..

ბუნებრივია იგი რადიკალურად განსხვავდება მაქს ალეგრისგან მაგრამ ჩვენ ბედნიერები ვართ მისი აქ ყოფნით.

მატაის დე ლიგტის ტრანსფერი იოლი გასაფორმებელი ნამდვილად არ ყოფილა.. შეგიძლიათ ფაბიო პარატიჩის კითხოთ რა დონის კონკურენცია იყო.. მაგრამ საბედნიეროდ ყველაფერი კარგად დასრულდა და ჩვენს რიგებში დღეისათვის ამ ზონის ერთ-ერთი ყველაზე პრესპექტიული მოთამაშე დავიმატეთ..

რომელუ ლუკაკუ? ფაქტია იუვენტუსი ახლა საკმაოდ ძლიერია, თუმცა ბაზარზე არსებულ ვარიანტებს ყოველთვის განვიხილავთ.. შესაბამისად თუ გვაქვს შანსი უარს ნამდვილად არ ვიტყვით კონკრეტული ფიგურების დამატებაზე.

პაულო დიბალა? სიმართლეს გეტყვით ჩვენს ფეხბურთელებზე მოთხოვნა დიდია.. არაერთი წინადადება მივიღეთ, მაგრამ ჯერ მშვიდ გარემოში მოგვიწევს ყველაფრის აწონ-დაწონვა.. გადაწყვეტილებას კი მხოლოდ ამის შემდგომ მივიღებთ”