გაძეტა სავარაუდო სასტარტოს აქვეყნებს

გაძეტა დელო სპორტმა დღევანდელ ამხანაგური დაპირისპირებაში იუვენტუსი საორიენტაციო სასტარტო შემადგენლობას გვთავაზობს:

კარს დიდი ალბათობით პოლონელი ვოიცეხ შესნი დაიცავს..

დაცვის მარჯვენა ფლანგზე ჟოაო კანსელუს წასვლის შემდეგ, ამ ეტაპზე მატია დე შილიოს უნდა ველოდოთ.. დანილო განაცხადშია, თუმცა ნაკლებად მოსალოდნელია იგი პირველსავე წუთებში გამოჩნდეს..

ცენტრალურ ზონაში გაძეტა ლეონარდო ბონუჩის და მატაის დე ლიგტის დუეტს პროგნოზირებს..

მარცხენა ფლანგზე წესით და რიგით ალექს სანდრო იქნება, რომელიც კოპა ამერიკის გამო გუნდს მოგვიანებით შეუერთდა.

ნახევარდაცვა ის ზონაა სადაც, კონკურენცია საგრძნობლად დიდია და ამ ეტაპზე, შემდეგ სამეულს უნდა ველოდოთ – ადრიენ რაბიო, მირალემ პიანიჩი და ემრე ჯანი.

რაც შეეხება შემტევ ტრიოს მას ფედერიკო ბერნარდესკი, გონსალო იგუაინი და კრიშტიანო რონალდუ შეადგენენ.

მატჩი თბილისის დროით 20:00-ზე დაიწყება.