მერიჰ დემირალის ვრცელი ინტერვიუ
მერიჰ დემირალმა იუვენტუსის რიგებში, ჯერჯერობით ერთადერთი მატჩი გამართა, თუმცა მცველი ბედნიერია ტურინში ყოფნით და აღნიშნავს, რომ იუვენტუსს საუკეთესო უკანა ხაზი ყავს:
“იუვენტუსი მსოფლიოს ერთ-ერთი საუკეთესო კლუბია.. ეს არის გუნდი სადაც აქამდეც და მომავალშიც მსოფლიოს საუკეთესო უკანახაზელები ირჯებოდნენ.
ასეთი სიმაღლის დაპყრობა ჩემს გეგმებში უდაოდ შედიოდა, მაგრამ ვერც კი წარმოვიდგენდი რომ ამ მიზანს ასე მალე მივაღწევდი.
ჩემი პრინციპი მდგომარეობს იმაში, რომ საწვრთნელი სესიის და უშუალოდ თამაშისას ყველაფერი გავიღო. ამის შემდგომ მწვრთნელი თავად გადაწყვეტს, ვიმსახურებ თუ არა თამაშს.. მე არ მაქვს უფლება, მისი არჩევანზე კომენტარი გავაკეთო.
მომავალთან დაკავშირებით ვერაფერს გეტყვით, რადგან ამ კუთხით წარმომადგენლები მყავს, რომლებიც საქმეს უჩემოდ მიხედავენ.
როგორც უკვე გითხარით, თუ ყოველდღიურად საკუთარი შესაძლებლობების მაქსიმუმს გავიღებ, მაშინ ყველაფერი კარგად იქნება.
იუვენტუსში გადმოსვლისას ყველაზე მეტად იმ ფაქტმა გამაოცა, რომ ჩემს შესახვედრად და გასაცნობად J Medical -ში გუნდის კაპიტანი ჯორჯო კიელინი მოვიდა.. არადა იტალიელი შვებულებაში იმყოფებოდა.
ტურინში შესაბამისი ადაპტაციის გავლაში ემრე ჯანმა დიდი დახმარება გამიწია.
ფსიქოლოგიურად კრიშტიანო რონალდუ ყოველთვის მზად არის დასახმარებლად მოვიდეს. მან დაინახა თუ როგორ ვესაუბრებოდი ჯერ კიდევ სიტიში გადასვლამდე ჟოაო კანსელუს პორტუგალიურად.. იგი მოვიდა და მითხრა, რომ მოხარულია ამ ფაქტით.
იმ წამიდან მოყოლებული მუდამ პორტუგალიურად ვსაუბრობთ. რონალდუ ძალზედ პოზიტიური და კარგი ადამიანია. სხვებთან ერთად კრიშტიანოც მეხმარება და საჭირო რჩევებს მაძლევს, თუ როგორ უნდა მოვიქცე მოედანზე ყოფნისას.
ყოველთვის მეუბნება თუ რამეს არასწორად ვაკეთებ.. ვფიქრობ, კრიშტიანო პლანეტის საუკეთესო მოთამაშეა და მიხარია, რომ მის გვერდით ყოფნა მიწევს.
იტალიის ნაკრები უდაოდ ძლიერ შთაბეჭდილებას ტოვებს. საკვალიფიკაციოზე მათ ეს თითოეულ დაპირისპირებაში დაამტკიცეს. ტურნირის პირველ მატჩს სწორედ აძურისთან გავმართავთ და ეს ჩემთვის სიურპრიზი აღმოჩნდა. როგორც ყოველთვის, ჩვენ აუცილებლად ვაჩვენებთ საკუთარ შესაძლებლობებს.”
