მაურისიო სარი კალიარისთან გამართულ შეხვედრაზე საუბრობს

გთავაზობთ მაურისიო სარის მატჩისშემდგომ კომენტარს:

“დაბრუნებას სწორედ ასეთ ნოტაზე ველოდი, რადგან 2019 წელი საუკეთესო კუთხით ნამდვილად არ დაგვიხურავს.

გუნდმა სწორი აგრესია აჩვენა და თან ისე, რომ მთელი 90 წუთის მანძილზე ცივსისხლიანად მოქმედებდა და სადავეებს სრულად აკონტროლებდა.

ფეხბურთელების მოქმედებებით კმაყოფილი ვარ, მაგრამ არის ნიუანსები რის გამოსწორებაზეც ვმუშაობთ.. განსაკუთრებით ნახევარდაცვას ვგულისხმობ, რომელიც ძირითადათ ამა თუ იმ ფეხბურთელის ფიზიკურ კონდიციაზეც არის დამოკიდებული.

ხუან კუადრადოს გარჯით ბუნებრივია კმაყოფილი დავრჩი. ასეთი ტიპის გუნდებთან მისი ინდივიდუალური მოქმედებები, დანარჩენ ზონას დახმარების ხელს უწვდის.. დაცვაშიც მეტი ყურადღება მართებს, მაგრამ საბოლოო ჯამში კოლუმბიელი შესანიშნავ შთაბეჭდილებას ტოვებს.

აარონ რემზის საშემსრულებლო ოსტატობაში ეჭვი არასდროს არ შემიტანია. მას ფიზიკური კონდიციების თვალსაზრისით პრობლემები ქონდა, რაც დროს მოითხოვდა. დღევანდელ შეხვედრაში კარგად ეხმარებოდა შემტევებს, მაგრამ დაცვით ასპექტებში ვფიქრობ მეტის გაღება შეეძლო. 

ფაბიო პარატიჩის კომენტარი სატრანსფერო პოლიტიკაზე? მან ყველაფერი თქვა.. და ჩემგან რაიმეს დამატება უადგილო იქნება. შემადგენლობის მხრივ არანაირი კითხვის ნიშანი არ არის. 

ადრიენ რაბიოს დრო ესაჭიროებოდა.. კალიარისთან მისი ასპარეზობა მაღალ ქულაზე უნდა შეფასდეს. კარგად ორგანიზებული შეხვედრა ჩაატარა.. ეხმარებოდა თანაგუნდელებს როგორც დაცვაში, ასევე შეტევების წამოწყებაში. ქმნიდა კონკრეტულ მონაკვეთში დადებით სხვაობას, რამაც პრობლემები თავიდან აგვაცილა.

მატეის დე ლიხტი? ეჭვიც არ მეპარება, რომ მსოფლიოს ერთ-ერთი საუკეთესო ცენტრალური მცველი გახდება. უბრალოდ მას ადაპტაციისთვის დრო ესაჭიროებოდა.. ახალი ქვეყანა, სათამაშო ფილოსოფია.. ენა.. იგი სწავლობს და ყველაფერი კარგად მიდის.

დღეისათვის მერიჰ დემირალი და მისი საოცარი ენერგია გუნდისთვის მნიშვნელოვანია.. ამიტომაც მიმაჩნია სწორი მისი ძირითად შემადგენლობაში გამწესება.

ვუყურებ თუ არა ინტერი – ნაპოლის დაპირისპირებას? არა, რადგან ჩემი ძაღლი ჩიროს გასეირნებას ვგეგმავ”.