26 აგვისტოს ბუფონმა და ნედვედმა პირველად ითამაშეს “იუვენტუსში”

ზუსტად ათი წლის წინ, “იუვენტუსში” ახალი ერა დაიწყო. 2001 წლის 26 აგვისტოს “ბიანკონერი” გულშემატკივრების წინაშე სახეშეცვლილი წარსდგა. ზაფხულის რევოლუციის შემდეგ, როდესაც მწვრთნელად მარჩელო ლიპი მოვიდა, ხოლო გუნდის შემადგენლობაში ჩემპიონები, დაიწყო ყველაზე საინტერესო.

2001/02 წლების სერია A უკვე დაწყებული იყო, “იუვენტუსი” “დელე ალპიზე” “ვენეციას” მასპინძლობდა. შეხვედრა “ბიანკონერის” გამარჯვებით 4-0 დასრულდა. ორ-ორი გოლი დავიდ ტრეზეგემ და ალესანდრო დელ პიერომ გაიტანეს. მაგრამ ყველაზე მთავარი იყო ის რომ, თავისი გრძელი ტურინული გზა დაიწყეს ორმა აწ უკვე ლეგენდად ქცეულმა ფეხბურთელმა, ჯანლუიჯი ბუფონმა და პაველ ნედვედმა.

საერთო ჯამში ჯიჯის “იუვენტუსის” მაისურით 361 მატჩი აქვს დაგროვილი. ხოლო ჩეხმა ლეგენდამ კი 326 მატჩში დაიცვა ტურინელთა ღირსება.

წყარო: juventus.com