4 სექტემბერი – მორიგი ისტორიული თარიღი…

12 years ago bbakhvmalnl bbakhvmalnl

თითქმის ყოველი თარიღი, ტურინის “იუვენტუსის” ისტორიაში რაღაც მნიშვნელოვანს უკავშირდება, რაც უდაოდ ამ გუნდის მდიდარ და ხანგრძლივ ტრადიციებზე მეტყველებს. 4 სექტემბერი რამდენიმე მნიშვნელოვანი ფაქტით გახდა დასამახსოვრებელი “ბიანკონერის” ტიფოზებისათვის. ზუსტად ამ დღეს სტარტი აიღო სერია ა-ს გათამაშებამ 1994 წელს. მაშინ გუნდს ლეგენდარული იტალიელი სპეციალისტი მარჩელო ლიპი წვრთნიდა. ვიარეჯოელი მწვრთნელისათვის ის სეზონი წარმატებული აღმოჩნდა და “იუვენტუსმა” სერია ა-ს ტიტული მოიპოვა. თუმცა გათამაშება გამარჯვებით არ დაწყებულა და ტურინელებმა “ბრეშასთან” გასვლითი მატჩი ფრედ 1-1 დაასრულეს. ერთადერთი ტურინული გოლი იმ დღეს ანტონიო კონტემ გაიტანა. ეს მატჩი იმითაც აღმოჩნდა დასამახსოვრებელი, რომ ბრწყინვალე იტალიელმა ნახევარმცველმა ალესიო ტაკინარდიმ სადებიუტო მატჩი გამართა. იმ დროს “შავ-თეთრების” შემადგენლობაში ასევე ირიცხებოდნენ ისეთი ფეხბურთელები, როგორებიცაა: ალესანდრო დელ პიერო, კარერა, რავანელი და სხვები.