გიორგი ქასრაშვილის ღია წერილი ForzaJuve.Ge-ს..

სატრანსფერო ციებ-ცხელებები, მოვლენების ეპიცენტრში მყოფი გულშემატკივრები, უამრავი ჭორი თუ სიმართლე და დიდი მოლოდინი. აი სწორედ ამითაა დატვირთული საზაფხულო ფანჯარა, რომელიც სიცხეებთან ერთად აგვისტოს 31 რიცხვამდე იქნება ღიად… ამ თარიღის საქართველოს დროით 02:00-ზე კი ის დაიხურება და თითოეული სერია ა-ში მოასპარეზე კლუბი 2016-2017 წლების სეზონის სრულ განაცხადს წარადგენს და გულშემატკივრებიც სრული სვლით მოემზადებიან თავიანთი საყვარელი/ფავორიტი კლუბის საქომაგოთ…

რა ხდება სერია-აში როგორც იუვენტინოებს რათქმაუნდა გვაინტერესებს და საიტის (ForzaJuve.Ge-ს) წყალობით რუბრიკიდან ,,ფორზაკალჩო” ვგებულობთ კონკურენტი კლუბების შევსება/დანაკლისების, ტრანსფერებისა და მიზნების შესახებ, ასევე რათქმაუნდა დიდი შრომა იდება იუვეს ირგვლივ არსებული სიტუაციის შესახებ:

ვარჯიშების გაშუქება…
ინფორმაციები ტურნეების შესახებ…
სატრანსფერო პერიპეტიები…
კონტრაქტების გახანრგძლივება/გაწყვეტა თუ გაუმჯობესება ამა თუ იმ ფეხბურთელებზე…
იტალიელი სპეციალისტების, მწვრთნელებისა და ცნობილი საფეხბურთო სახეების ინტერვიუები…

დამეთანხმებით ალბათ, რომ ეს ძალიან შრომატევადი საქმეა და ამით ვიყოთ უზრუნველყოფილი ძალიან სასიამოვნო და სასიხარულოა. ამიტომ მინდა თითოეულ სტატუსის ,,მწერალი” მქონე იუზერს მადლობა გადავუხადო ასეთი ნონ-სტოპ რეჟიმში მუშაობისათვის, დიდი მადლობა დავით ჯიშკარიანს, გიორგი დარჯანიას ასეთი ფუნდამენტალური საქმიანობისათვის რასაც ჩვენთვის ქართველი იუვენტინიებისათვის აკეთებენ და რათქმაუნდა თავიანთვის, რადგან თუ ჭეშმარიტად არ შეიგრძნობ თავად შენ ამ ,,კაიფს” ისე ვერ გადასცემ სხვებს და ვერ მიიტან მათთან…

ბევრი იუზერი დღეს მხოლოდ ვირტუალურად აღარ იცნობს ერთმანეთს (ჩემი მაგალითიდან შემიძლია ვთქვა ეს ამაყად, რადგან როდესაც წიგნი გამოვეცი იუვენტუსზე 2014-2015 წლების სეზონი, წიგნი დელპიეროზე სახელწოდებით ,,მწვანე ტილოზე შავ-თეთრი კალმით ნახატი 291 გოლი, უამრავი იუვენტინო გავიცანი, მამატებდნენ და ვამატებდი ფეისბუქზე) საიტზე დებატები უკვე რეალურ სამყაროში გადავიდა, სურვილი გაჩნდა რომ იუვეს თამაშებზე შევკრებილიყავით და ერთად გვეგულშემატკივრა საყვარელი კლუბისათვის. ასე ჩამოყალიბდა დიდი ძმობა და მეგობრობა რომელიც დარწმუნებული ვარ არა თუ თვეებს არამედ წლებს მოითვლის…

და ბოლოს: მადლობა რომ ასეთი კარგები ხართ, ფეხბურთსა და იუვეს სიყვარულში ჩახედილები, ერთად გვტკივა და და ერთად გვიხარია… გვაერთიანებს ერთი გუნდის სიყვარული და ერთი საიტი/სახლი (ასე ვუწოდებ მე ForzaJuve.Ge-ს, რადგან აქ ფეხის შემოდგმა არ ნიშნავს წაიკითხო და გახვიდე, გინდა არ გინდა ემოცია თავად მოდის და ძალაუნებურად წერ კომენტარს, მერე ვიღაც გამოგეხმაურება, დაგეთანხმება ან დებატებს გაგიმართავს, ხოდა როგორც ქართულ სუფრაზე ვერ დალევ ერთ-ორ ჭიქას და ვერ ადგები და ვერ წახვალ, ასევე ვერც აქ დაწერ ერთ-ორ კომენტარს და ვერ გახვალ) ასე რომ ჩვენ ერთი გუნდი ვართ! ფორცა იუვე, ფორცა ჩვენ

კეთილი სურვილებით თქვენი ქასრა :))) რომელიც შემოვიდა, სტატია წაიკითხა და ვეღარ გავიდა :)))

პ.ს. სულ ტრანსფერებზე ხოარ ვისაუბრებთ და დავწერთ განვიმუხტოთ ცოტა