კრასიჩი : "ახლა აქ ვარ და ბავშვობის ოცნებებს რეალობად ვაქცევ" •

ბავშვობაში იგი უფრო მოცეკვავეს ჰგავდა, ვიდრე ფეხბურთელს.მისი პირველი საფეხბურთო გამოწვევა “ცვერნა ზვეზდა” იყო, რომელშიც მილოში დაბრაკეს და არ მიიღეს.ამის შემდეგ იგი გაიზარდა რუსეთში, 6 წელი გაატარა მოსკოვის “ცსკაში” და აწ უკვე გასულ ზაფხულს ტურინის გზად დაადგა…

– მილოშ კრასიჩ, როგორ შეგიძლიათ დაახასიათოთ თქვენი პირველი თვე იტალიაში ?

“შესანიშნავად.სიყვარულით შემხვდნენ კლუბში, ქალაქში.თითქმის ვიშოვე სახლი, 1 კვირის შემდეგ სწორედ იქ ვაპირებ ახალი ცხოვრების დაწყებას.”

– ალბათ ძალიან გენატრებათ ბავშვი, რომელიც სულ რაღაც 2 კვირის წინ დაიბადა…

“დიახ, მის ნახვას მოუთმენლად ველი.სერბეთში სულ რამოდენიმე დღეში, სანაკრებო გამოძახებების დროს მოვხვდები და ოჯახს ვინახულებ.შეუსრულდება თუ არა მილას რამოდენიმე თვე, ჩემი ოჯახი საცხოვრებლად ტურინში გადმოვა.”

– იუვენტუსის სანაცვლოდ თქვენ უარი თქვით მაღალ ხელფასზე…

“როცა კონკრეტული წინადადება მივიღე, უკვე ვიცოდი რა ისტორიის მქონე კლუბში შემეძლო მეთამაშა, წუთიც კი არ მიყოყმანია.”

– რა გითხრათ დეიან სტანკოვიჩმა, სერბეთის ნაკრების კაპიტანმა და თქვენმა მეგობარმა ?

“რომ გადავსულიყავი იტალიაში, მათ ძალიან მაღალი დონის ჩემპიონატი აქვთ და აქ პრობლემები არ შეგექმნება.”

– როცა არჩევანის წინ დადექით, მას სურდა თქვენ “ინტერში” მისულიყავით…

(იცინის) – “ვიცი რომ ისინი ჩემით დაინტერესებულ იყვნენ და დეიანიც მეუბნებოდა – წამოდი ჩვენთან.იუვენტუსისგან წინადადება მივიღე თუ არა, ამ გუნდში თამაში გადავწყვიტე.”

– ბოლო დღეების აჟიოტაჟი.ინტერი – იუვე, იცით რას ნიშნავს ?

“უკვე ვიცი, რომ ეს დერბი უბრალო მატჩი არ არის, ეს სეზონის საუკეთესო შეხვედრაა.მიხარია მონაწილეობას რომ ვიღებ.”

– ასეთ მატჩებში ოდესმე გითამაშიათ ?

“ეს მატჩი ცსკას შემადგენლობაში ჩატარებულ უეფას თასის ფინალს შემიძლია შევადარო.”

– ისინი ფავორიტები არიან.რა შეგიძლიათ დაუპირისპიროთ მათ ?

“გუნდურობა.ჩვენ ერთ დიდ გუნდად ვყალიბდებით და ერთმანეთის ძალებში დარწმუნებულნი ვართ.”

– გული დაგწყვიტათ მანჩესტერში ნათამაშევმა ფრემ ?

“არა, ეს მატჩი ბევრ რამეში დაგვეხმარა.ასეთი დონის მატჩები საკუთარ თავში რწმენას აღრმავებენ.”

– ინტერიდან ვინმეს გამოჰყობდით ?

“სამუელ ეტო’ოს, ის საოცარ ფიზიკურ ფორმაში იმყოფება.”

– რას ფიქრობთ იმაზე, როცა ნედვედს გადარებენ ?

“ვფიქრობ, რომ ჩვენში საერთო ჯერ მხოლოდ თმის ფერია.ნედვედის დონემდე ჯერ კიდევ შორს ვარ.ბევრი შრომაა საჭირო – ნედვედის მსგავს კარიერაზე ნებისმიერი ფეხბურთელი ოცნებობს.”

– გილაპარაკიათ მასთან ?

“არა, ბედნიერი ვიქნები თუ მისი გაცნობის საშუალება მომეცემა.”

– ის ტიფოზების იდეალი იყო – ახლა მათ თქვენ მიგიღეს…

“მიხარია რომ გულშემატკივრების გვერდით დგომას აქედანვე ვგრძნობ.მათ უნდა მივუძღვნათ ის ლამაზი მატჩები, რომლებსაც ჩავატარებთ.”

– თქვენ ჯეკსონს გიწოდებდნენ, რატომ ?

“ჯეკსონი როგორც მაიკლი.ეს ზედმეტსახელი 7-8 წლის ასაკში მივიღე, უფროსები ჩემი თამაშის სტილს მისი ცეკვის სტილს ადარებდნენ.”

– თქვენი კუმირი ?

“პრედრაგ მიატოვიჩი.ასევე მომწონდა დელ პიეროსა და ზიდანის თამაში.”

– ძალიან ცუდი სტარტი ჰქონდათ კარიერისა, “ცვერნა ზვეზდაში” არ მიგიღეს…

“დიახ, მაგრამ 19 წლის ასაკში ცსკაში გადასვლით დიდი ნაბიჯი გადავდგი.ახლა კი აქ ვარ და ბავშვობის ოცნებებს რეალობად ვაქცევ.”

– თქვენი სამშობლო, მიტროვიცა კოსოვოში…

“მის შესახებ ყოველთვის მემახსოვრება.თითოეულ ჩემს გოლს მას ვუძღვნი, ჩემს ხალხს, ჩემს მშობლებს, რომლებმაც იქ დარჩება გადაწყვიტეს.”