იუვენტუსი 2-1 ლაციო ( მატჩის ტაქტიკური ანალიზი )

გთავაზობთ ტურინის იუვენტუსსა და ლაციოს შორის ჩატარებული შეხვედრის , ტაქტიკურ ანალიზს …

მოტას ნაცვლად სორენსენი თამაშობს  . საერთო ჯამში კი , იუვე სტანდარტული სქემით და შემადგენლობით ასპარეზობს ლაციოს წინააღმდეგ . რომაელები კი პირიქით , სიურპრიზს სთავაზობენ მეტოქეს და 4-2-3-1 სათამაშო მოდულით იწყებენ მატჩს .

ლაციოს ტაქტიკური მონახაზი პრინციპში არ ყოფილა მოულოდნელი . მიუხედავად მოედანზე ოთხი შემტევი ფეხბურთელისა, რომაელები თავს მთელი 11 მოთამაშით იცავდნენ . მათ , შეტევაში სწრაფი კონტრიერიშების იმედი ჰქონდათ და თუ გავითვალისწინებთ ერნანესის , სარატეს , მაურისა და ფლოკარის შესაძლებლობებს , ეს გამართლებული ნაბიჯი იყო . როდესაც ლაციოს არ ჰქონდა შესაძლებლობა სწრაფად გადასულიყო მეტოქის ნახევარზე , ისინი ყველანაირად ცდილობდნენ მატჩის ტემპის მაქსიმალურად დაგდებას . კიდევ ერთი საგულისხმო ფაქტი , გუნდის ორი საყრდენი ნახევარმცველი ბროკი და მათუსალემი , ასპარეზობდნენ ფაქტიურად დაცვის ხაზში , მაშინაც კი როდესაც ლაციო შეტევაში მიდიოდა .

ბურთის ფლობის ფაზაში , ძირითად როლს დაცვიდან ბურთის ამოტანაში თამაშობდა მათუსალემი , რომელიც ჩადიოდა მცველებთან მის მისაღებად .

ტურინელთა , სწორად განლაგებულ დაცვის ხაზთან , ლაციო იყენებს ფლოკარის მანერვებს , რომელიც იწევს ხან ერთი ფლანგისკენ და ხან მეორესკენ , სადაც ასპარეზობენ სარატე და მაური . ბურთის მიღება მათ ზონაში იწვევს , ფლანგელი დამცველის შეტევაში ჩართვას , ამავე დროს კი თავად ფლოკარი , იწყებს მოძრაობას , ტურინელთა დაცვის ცენტრალურ დუეტს შორის . შემდეგ ორ სურათზე თქვენ იხილავთ ამ მანევრს .  ( დააკვირდით რომ შეტევა იწყება მათუსალემის გადაცემით ) …

საინტერესო საყურებელი იყო ლაციოს დაცვის მარცხენა ფლანგი , სადაც ახალგაზრდა კავანდა კრასიჩის წინააღმდეგ ასპარეზობდა . როგორც ჩანს რეიამ აქცენტი არა ზონურ დაცვას არამედ პერსონალურ მეურვეობაზე გააკეთა . როდესაც ბურთთან იმყოფებოდა სორენსენი , კავანდა კრასიჩთან ძალიან ახლოს ასპარეზობდა , რის გამოც მისი მეწყვილე დაცვაში , დიასი – საკმაოდ იყო მოშორებული ამ უკანასკნელს .

ამ მანევრს მოაქვს შედეგი – კრასიჩი ფაქტიურად უბურთოდ არის დარჩენილი . მაგრამ , არის მეორე ფაქტორიც და ფაქტიურად გადამწყვეტიც კი , რომელიც მოუტანს კიდევაც გამარჯვებას იუვეს . შევხედოთ შემდეგ დიაპაზონს – კრასიჩის უკან ძალიან დიდი ცარიელი სივრცეა . ბურთთან კვლავინდებურად სორენსენია  , მილოში მის ფლანგზე ჩაკეტილია კავანდას მიერ , ამიტომ დანიელი ფეხბურთელი ჰორიზონტალურ გადაცემას ასრულებს იაკინტას მიმართულებით . როდესაც ვინჩენცო იღებს ბურთს  , ჩვენ ვხედავთ თუ რამხელა ცარიელი სივრცეა დიასისგან მარცხენა მხარეს .

როგორც უკვე ითქვა , საყრდენების წყვილი , ფაქტიურად დაცვით ხაზში ასპარეზობდნენ , ამით ლაციო მთლიან პერიმეტრს კეტავდა უკან . შემდეგ სურათზე ჩვენ ვხედავთ თუ როგორ იყვანენ დიასი – ბიავას დაცვის დუეტი , იუვეს ფორვარდებს – ამ დროს კავანდა ,  რომელიც იმყოფება იმ მომენტისთვის ” სუსტ ” ფლანგზე , გაცილებით მეტს ფიქრობს კრასიჩზე ვიდრე ზონის გადაკეტვაზე . სწორედაც ამ ცარიელი სივრციდან ექმნება საგოლმე მომენტი კრასიჩს , როდესაც ბურთი ოდნავ სცდება ზედა ძელს .

შემდეგი დიაპაზონი , ნათლად აჩვენებს განსხვავებას იუვეს ზონურ დაცვასა და ლაციოს ტაქტიკურ ჩანაფიქრს შორის უკანა ხაზში . ტურინელები პირველ რიგში კეტავენ ცარიელ სივრცეებს . ამიტომ მცველები გაცილებით უფრო მჭიდროდ დგანან ერთმანეთთან . სორენსენი კი თავის ” სუსტ ” ფლანგზე , კავანდასგან განსხვავებით არ ასპარეზობს უშუალოდ სარატეს მოძრაობაზე , რომელიც უკიდურეს ფლანგზე იკავებდა ხშირ შემთხვევაში ადგილს , პირიქით , იგი  ბონუჩის მხარეს იწევს .

პირველის გოლის შემდეგ ტურინელები ცვლიან ტაქტიკურ მოდულს , კუალიარელა ფლანგისკენ იწევს , რითაც 4-4-2 ხდება 4-5-1 -ად , ხოლო მელო , ერნანესის ზონაში გადადის .

გაშვებული ბურთის შემდეგ , დელ ნერი აბრუნებს გუნდს 4-4-2 ზე , მაშინაც კი როდესაც ტურინელებს უბურთოდ უწევთ ასპარეზობა .

ბურთის ფლობის ფაზაში , ფეხბურთელების განლაგება მოედანზე არ განსხვავდება წინა მატჩებისგან . კრასიჩი ფაქტიურად აუტის ხაზთან ასპარეზობს , მარკიზიო კი მარცხნიდან ცენტრში იწევს ხოლმე რითაც აძლევს გროსოს შეტევაში ჩართვის საშუალებას .

ძირითადი მანევრები ხორციელდებოდა მარცხენა ფლანგზე სადაც მარკიზიო და გროსო ასპარეზობდნენ , ამასთან ერთად ორი ფორვარდიდან ერთი,  აუცილებლად ჩადიოდა დასახმარებლად . კუალიარელა კი ჩვეულ სამუშაოს ასრულებდა , აკავშირებდა რა ერთმანეთს წინა ხაზს და ნახევარდაცვას – იგი იძვრენდა თავს მუერვისგან , ჩადიოდა მოედნის ცენტრამდე , სადაც იღებდა ბურთს და იწყებდა იერიშს . სწორედ ასეთ მანევრს მოჰყვა საგოლე კუთხური . ბურთთან არის გროსო , კუალიარელა უძვრება მოწინააღმდეგეს და ჩადის ბურთის მისაღებად , შემდეგ ტრიალდება და მიდის მეტოქის კარისკენ , ამ დროს იაკინტა ჩადის მარცხენა ფლანგზე და იღებს ფაბიოსგან ბურთს – თავის მხრივ ვინჩენცომ გუნდს კუთხური მოუტანა , რომელიც კიელინიმ გოლად გარდასახა .

გოლების გაცვლის შემდეგ , მატჩი ერთი ტაქტიკის გარშემო ექცევა . იუვენტუსი აკონტროლებს ბურთს და უტევს , ხოლო ლაციო თავს იცავს და ცდილობს მეტოქის კონტრშეტევაზე დაჭერას . თუმცა უნდა აღინიშნოს , რომ ტურინელები არანაირ შანს არ აძლევენ მეტოქეს გოლის გასატანად  . იყო მხოლოდ ერთი მომენტი როდესაც ბონუჩის ფლოკარი გაექცა . გაცილებით უკეთ ლაციოს , დაცვის გამაგრება გამოსდის . ასეთ მომენტში კი იუვენტუსი ისვენებს და ამსუბუქებს პრესინგს . შესაძლოა ბოლო 30 მეტრში არ ბრწყინავდნენ ბიანკონერები , თუმცა სულ უფრო და უფრო ნათელი ხდებოდა ვინ იყო ამ მატჩის ბატონ პატრონი – რაზეც მეტყველებს უამრავი საგოლე მომენტი ლაციოს კართან . რომაელები სულ უფრო და უფრო უკან იხევდნენ , მაგრამ წარმატების საიდუმლო , წმინდა ტაქტიკურ ჩანაფიქრში იდო . იუვენტუსი იყენებს კავანდას ზურგს უკან მყოფ , ცარიელ სივრცეს და წყვიტავს ფეხში კი არ მიცეს პასი კრასიჩს , არამედ ლაციოს დამცველის ზურგს უკან გადააწოდოს იგი . მითუმეტეს დიასის ფაქტორიც გასათვალისწინებელი იყო , რომელსაც იდეაში კი უნდა დაეზღვია კავანდა , მაგრამ ცენტრალური მცველი ძირითადათ ბიანკონერის ფორვარდების დაკეტვით იყო დაკავებული . ასე  რომ პირველი ტაიმის შემდეგ , როდესაც პრინციპში არცთუ ისე ბევრი გადაცემა გაკეთდა მილოშის მიმართულებით , უკვე მეორეში ის არაერთი იყო .

შევხედოთ შემდეგ დიაპაზონს …

მშვენივრად ჩანს შემდეგ სურათზე თუ რამხელა სივრცეა დარჩენილი დიასის და კავანდას შორის , ამიტომ გადაცემა ლაციოს მარცხენა ფლანგელის ზურგს უკან ყოველთვის არის შესაძლებელი .

სწორედ ასეთ მანევრს მოჰყვა გოლი ლაციოს კარში . სისოკოს გენიალური და ამავე დროს მოულოდნელი პასის შემდეგ კრასიჩის ზურგს უკან აღმოჩნდნენ დიასიც და კავანდაც .

დასასრულს კარგი იქნება განვიხილოთ , იუვეს მცველების მოქმედება მაშინ როდესაც კუთხურს ლაციო აწვდის . დედაქალაქელებმა ამ შეხვედრაში , სულ 5 კუთხური ჩააწოდეს , აქედან ოთხჯერ მარჯვენა ფლანგიდან იუვეს მხარეს  და ერთხელ მარცხნიდან . სტანდარტის დროს მარჯვენა ფლანგზე , ტურინელები აყენებდნენ ერთ ადამიანს 9 მეტრიან რადიუსში – ეს იყო მარკიზიო , ერთ ადამიანს უახლოეს ძელთან – აკუილანის . მეკარის საჯარიმო ზონასთან კი ხუთი ფეხბურთელი მოქმედებდა ( სორენსენი , მელო , ბონუჩი , კიელინი და გროსო ) . მათგან ოდნავ მოშორებით იყვნენ იაკინტა და კრასიჩი , ხოლო კუალიარელა საჯარიმოს ხაზთან იყო .

საგოლე კუთხურის მომენტში კი , ფეხბურთელთა რიცხვი მეკარის საჯარიმოსთან შემცირდა ხუთიდან , ოთხამდე ( მელო , ბონუჩი , კიელინი და სორენსენი ) გროსოსთან ერთად რომელიც ოდნავ იწევს ზემოთ მოწინააღმდეგე მოთამაშისკენ , რომელიც თავის მხრივ ცდილობდა გახსნოდა პარტნიორს კუთხურის ალამთან პასისთვის .

კიდევ ერთი საგულისხმო მომენტი , ლაციალემ მარჯვენა ფლანგიდან ჩამოწოდებული კუთხურის დროს იუვეს საჯარიმოში ხუთი ფეხბურთელი გაუშვა , შექმნა რა მდგომარეობა 5-8 ზე . მაშინ როდესაც მარცხენა ფლანგიდან მათი რიცხვი აღწევდა 6 – ს. შესაბამისად შეიქმნა სიტუაცია 6-7 ზე .

შედეგი :

იუვენტუსმა დამსახურებული სამი ქულა მოიპოვა , მძიმე ბრძოლის ფასად . ლაციომ კი პირდაპირ უნდა ითქვას ვერ გაამართლა ჩვენი იმედები , რადგან გყავდეს შემადგენლობაში ამდენი მაღალი დონის შემტევი ფეხბურთელი და თამაშობდე დაცვიდან , ცოტა გაუგებარია . რეიამ გადაწყვიტა ფსონი გაეკეთებინა იუვენტუსის შემტევით პრობლემებზე ბოლო 30 მეტრში . თავის მხრივ კი კონტრშეტევაზე აწყობილი ტაქტიკა , სასურველ შედეგებს არ იძლევა რადგან იუვე დაცვით ზონაში უშეცდომოდ ასპარეზობდა . სორენსენია გამოსაყოფი რომელიც ასპარეზობდა ძალიან კარგად . ყოველგვარ მოლოდინს გადააჭარბა დანიელმა ფეხბურთელმა . მან სრულად დაკეტა სარატე და პლიუს ეხმარებოდა კიელინი – ბონუჩის დუეტს ფლოკარის განეიტრალებაში . მელომ ცოცხლად შეჭამა ერნანესი , რითაც ლაციალეს ნახევარდაცვა უმოქმედო გახადა .

კიდევ ერთ საინტერესო ფაქტს გაგაცნობთ . მიუხედავად იმისა , რომ თითქოს ყველაზე სახიფათო ფლანგი იუვესი არის მარჯვენა ზონა , ამ პოზიციიდან გაკეთდა შეტევების მხოლოდ და მხოლოდ 12 % – ი .

იუვემ კიდევ ერთხელ აჩვენა ყველას  ძლიერი და სუსტი მხარეები საკუთარ კედლებში თამაშისას . ამჯერად ტურინელებმა შეძლეს სამი ქულის მოპოვება . გუნდის ასპარეზობაში დელ ნერის ხელი  მკაფიოდ ჩანს . სისოკოც კი , რომელსაც წლევანდელ სეზონში ვისაც არ ეზარება ყველა აკრიტიკებს , აკეთებს საოცარ გადაცემას . დელ ნერი ამარცხებს რეიას და ეწევა ლაციოს .

წყარო : uccellinodidelpiero.com