ლუჩიანო მოჯის საკმაოდ ვრცელი ინტერვიუ

რამდენიმე დღის უკან ლუჩიანო მოჯი ესტუმრა რადიო გადაცემა ” Tutti pazzi per la Juve ” – ს , სადაც მან ისაუბრა კალჩიოპოლიზე , აკუილანიზე და სხვა საინტერესო თემებზე …

მოგესალმებით ლუჩიანო , მოხარულნი ვართ თქვენი ვიზიტით ჩვენს გადაცემაში . დავიწყოთ მარტივი შეკითხვით , დაბრუნდებით სეზონის ბოლოს იუვეში ?

” პირადად ჩემგან ამ ეტაპზე არაფერია დამოკიდებულია .ჯერ ჯერობით ვცდილობ გამოვასწორო ჩემი საქმეები და ამის შემდეგ უკვე შევხედოთ მოვლენების განვითარებას ” …

დადიოდა ხმები , რომ თქვენ პალერმოში დაიწყებდით მუშაობას . იყო ამაში სიმართლის მარცვალი ?

” არა რა სისულელეა , ჯერ ჯერობით არ ვაპირებ არანაირი წინადადების განხვილვას . ჩემი უმთავრესი საფიქრალია ნეაპოლში მიმდინარე სასამართლო პროცესი ” .

იუვეს გულშემატკივარს სულს ძველი დიდების და იმ ნაწილის დაბრუნება რაც 2006 წელს წაართვეს . მათ შორის თქვენც იგულისხმებით …

” მოდით თავი შევიკავოთ ამ თემაზე საუბრით ეხლა ” .

რა აკლია იუვეს სკუდეტოსთვის ?

” რამდენიმე რგოლში ჯერ ჯერობით არ არის დაბალანსებული ძალები . მიუხედავად ამისა , მიმდინარე სეზონი მათთვის კარგად ვითარდება , გასულზე გაცილებით უკეთესად . საერტოდ წელს ბევრი გრანდი განიცდის პრობლემას , მაგალითად ინტერი . იუვემ კი კარგად დაიწყო , რაც მთავარია საინტერესო ფეხბურთს გვიჩვენებენ . საერთო ჯამში ანიელის მოსვლამ დადებითად იმოქმედა გუნდზე ” .

ელოდით კრასიჩისგან ასეთ ასპარეზობას სერია ა-ში ?

” კრასიჩი კარგი ფეხბურთელია , შესაძლოა არ არის ჩემპიონი , თუმცა დღითი დღე პროგრესირებს და ეს უმთავრესია ” .

იუვესთვის ერთ ერთი ყველაზე გამორჩეული ფეხბურთელი მიმდინარე სეზონში არის აკუილანი . სიმართლეს შეესაბამება ის ფაქტი თითქოს შეგეძლოთ მისი ხელში ჩაგდება დე როსისთან და დ’აგოსტინოსთან ერთად დავიდსის სანაცვლოდ ?

” დიახ , ეს მართლაც შეიძლებოდა რომ მომხდარიყო . ვაკვირდებოდი მათ ასპარეზობას რომას პრიმავერას რიგებში და შევთავაზე კიდევაც მათ , დავიდსი – სამაგიეროდ 15 მილიონ ევროს და დე როსის ვითხოვდი . თუმცა დედაქალაქელები მხოლოდ 12 – ს იხდიდნენ და მოლაპარაკებებიც ჩაიშალა ” .

არადა საკმაოდ კარგი სატრანსფერო სვლა იქნებოდა …

” მიუხედავად იმისა , რომ მაშინ ისინი ძალიან ახალგაზრდები იყვნენ , დარწმუნებული ვიყავი , მომავალში ორივე დიდ წარმატებას მიაღწევდა ” .

როგორი პოზიცია ჰქონდა ძველ ხელმძღვანელობას თქვენს მიმართ ?

” არანაირი , ისინი არ უსმენდნენ მოჯის და შესაბამისად არც მოჯი უსმენდა მათ ” …

საინტერესოა , არადა იყო პერიოდი როდესაც სეკოსთან გადიოდით კონსულტაციებს . თუმცა დავივიწყოთ ეს უკვე ძველი ისტორიაა . როგორც ჩანს ეს იუვენტუსი ემსგავსება იმ დროინდელ კლუბს , რომელსაც შეეძლო საკუთარი თავის დაცვა, სავარაუდოდ ეს ნეაპოლშიც მოხდება .  იბადება კითხვა , რატომ არ ხდებოდა ეს ოთხი წლის უკან ?

” აქ არ დევს არანაირი საიდუმლო , უბრალოდ მათ სურვილი არ ჰქონდათ ამისი . შეხედეთ თქვენ თვითონ , ადვოკატი რომელიც იუვეს იცავდა თხოვდა მოსამართლეს , რომ მას გაეგდო იუვე სერია ბ-ში . შემდგომ უკვე ჯილის განცხადებებმა ყველაფერი ნათელი გახადა . იყო კიდევ საუბრები , რომ რამდენიმე ხნით იუვენტუსის ინტერესები არ იქნა გათვალისწინებული .სახელდებოდა პროდის გვარიც , მაგრამ მე არ ვაპირებ პოლიტიკაში ჩარევას ” .

ცოტახნის წინ ჟურნალისტმა ოლივიერო ბეხამ , რომელიც 2006 წელს მოჯიპიოლით მოიხსენიებდა მოვლენებს , დღეს იცვლის საკუთარ პოზიციას . რას იტყვით ამის შესახებ ?

” აპლოდისმენტებს იმსახურებს ეს ადამიანი . როგორც იქნა მან დეტალურად გაიაზრა მომხდარი და შესძლო სწორი დასკვნების გამოტანა ” .

დიახ , კარგად გაერკვა სიტუაციაში . იმდენად კარგად რომ ეხლა აურიკიოპოლიდ მოიხსენიებს ამ საქმეს . პატიოსანია ეს ადამიანი ?

” თავიდანვე ვამბობდი , რომ ცოტა მოთმინება იყო საჭირო . დარწმუნებული ვიყავი, რომ ვიპოვიდი იმას რაც ვიპოვე . ამან კი ყველას დაანახა , რომ იტალიური ჩემპიონატისთვის არავის სცალია . უკლებლივ ყველას საკუთარი კლუბი აინტერესებდა . საინტერესოა ამ ყველაფერზე ბატონი პროდი რა აზრის არის , რომელიც როგორც ჩანს ბოლონიის მერობას აპირებს ” .

ბოლონიაში კი ერთი საკმაოდ საინტერესო პიროვნებაა – ბარალდი , რომელიც ყოველთვის ღიად აფიქსირებს საკუთარ შეხედულებებს ამა თუ იმ საკითხზე …

” მოდით არ გვინდა ეხლა მისი განხილვა . ისედაც თავის კომპანიასთან ერთად ქუჩაში მოხვდა ” .

საინტერესოა , არცერთ ჩანაწერზე თქვენი მონაწილეობით , არ ისმოდა ფრაზა : მსურს ძვირად ღირებული საათი გაჩუქოთ , ან ჩემთან მოდი , სადაც გრანდიოზული საჩუქარი გელოდება – მსაჯის მისამართით … რასაც სხვებზე ვერ ვიტყვით .

” დიახ , არავისთვის არ დამიძალებია არასოდეს რომ ჩემს გუნდს გინდა თუ არა გამარჯვება მოეპოვებინა, რასაც იგივე ფაკეტი აკეთებდა  . რატომ ? იმიტომ რომ ჩვენ ისედაც ძალიან ძლიერი კლუბი გვყავდა , რომელსაც თავისუფლად შეეძლო ნებისმიერი კლუბის დამარცხება . გული დამწყვიტა მილანიდან მეანის სატელეფონო ჩანაწერებმა ” .

ყველაზე მეტად რა გწყვიტავთ გულს ?

” ის რომ იუვეს გამო სისხლი დავღვარე , ხოლო მათი ადვოკატი ჯიუტად უარობდა ჩემს დაცვას ” .

გახსოვთ თუ არა ბონიპერტის მადლობები ძაკონეს მისამართით , რომ მან გუნდი სერია ც-ში არ გააგდო ? ”

” სამწუხაროდ ბონიპერტი იმ ადამიანთა რიცხვში შედიოდა , რომლებიც ანგრევდნენ იუვენტუსს ” .

პრესაში იუვეს ხშირად იცავენ , თუმცა ტელევიზიაში იგივე არ ხორციელდება …

” სიმართლე გითხრათ საერთოდ არ მაინტერესებს რას წერენ ჩემზე ან იუვეზე . ერთადერთი ვისიც მჯერა ეს გახლავთ Tuttosport – ი ” .

კიელინი მონტეროზე უკეთესია ?

დიახ , შესაძლოა ჯორჯო არარის სამაგალითო მცველი , მაგრამ მასში დევს იუვენტუსის სული და რაც ყველაზე მთავარია იგი მუდამ პროგრესირებს ” .

სორენსენზე რას იტყოდით ?

” ახალგაზრდა და ძალიან საინტერესო ფეხბურთელია ” .

მორატიზე რას იტყოდით ?

” როდესაც მივხვდი რას წარმოადგენდა , გადავწყვიტე მისგან თავი შორს დამეჭირა . თუმცა , ჩემი სიტყვა ძალაში რჩება , მას ნებისმიერ დროს შეუძლია მეწვიოს გადაცემაში , სადაც საკმაოდ საინტერესო თემებზე ვისაუბრებდით ” .

დიდი მადლობა ძალზედ საინტერესო ინტერვიუსთვის . გულშემატკივრებს დღემდე სწამთ , რომ თქვენ დაბრუნდებით იუვეში . როგორ ფიქრობთ შესძლებდით მაროტასთან ერთად მუშაობას ?

” თქვენ თვითონ დაფიქირდით , რატომ უნდა შეუშალო ხელი ისეთ მანქანას რომელიც კარგად დადის ? ”

მიუხედავად ყველაფრისა ტიფოზები , მადლიერნი არიან თქვენი იმ 12 წლისთვის რაც გუნდში გაატარეთ და ასევე იმისთვის თუ როგორ იბრძვით ნეაპოლში …

” დასაწყისშივე შემეძლო იტალიის დატოვება , მაგრამ დარჩენა ვამჯობინე  , რატომ ? იმიტომ რომ უდანაშაულო ვარ ” .

წყარო : TuttoJuve

“