მაროტა: ” ჩვენი მიზანი “ბარსას” სტილის “იუვეს” შექმნაა “

დღეს ტურინის “იუვენტუსის” ტელე-არხს ჯიუზეპე მაროტა სტუმრობდა. “ბებერი ქალბატონის” სპორტულმა დირექტორმა კლუბის სამომავლო გეგმებზე ისაუბრა…
” ამ ზაფხულს კარგად ვიმუშავეთ და 12 შენაძენიც გაკეთდა. პრიმავერაზე აღარ ვსაუბრობ, იქ ფეხბურთელები უკვე სერიოზულ განაცხადებს აკეთებენ. მთავარი ამოცანა ამ ხალხის გუნდად ქცევა იყო. “ევროპის ლიგიდან” გამოვარდნა რეალურად წარუმატებელი სტარტის ბრალია. რაც შეეხება შიდა ჩემპიონატს, იქ ყველაფერი სხვაგვარადაა და იმედი მაქვს ეს ასეც გაგრძელდება. ჩვენი მიზანი “ბარსელონას” სტილის “იუვეს” შექმნაა. ეს საუკეთესო ფეხბურთელების გუნდში მოყვანას მოითხოვს, მაგრამ აქ უკვე დიდი კონკურენციაა. ამ წელს ახალი ციკლი დაიწყო. იანვარში დიდი შენაძენები არ იქნება. ამის თქმა გადაჭრით შემიძლია, მაგრამ იმასაც დავამატებ, რომ თუ რაიმე შანსი მოგვეცა, ხელიდან არავითარ შემთხვევაში არ გავუშვებთ. ასე რომ, შესაძლოა ჩვენი ნადავლი ის ფეხბურთელი გახდეს, ვისაც კლუბთან პრობლემები აქვს და სურს საკუთარი შესაძლებლობები სხვაგან გამოსცადოს. ჩვენ შევეცდებით ეს ადგილი “იუვენტუსი” გახდეს. ” -აცხადებს მაროტა.

წყარო: tuttojuve.com ; football italia