კიელინი : “განსაკუთრებულად მოტივირებულნი ვართ”

გათამაშების ლიდერი – სეზონის უმნიშვნელოვანეს პერიოდში.ტურინის “იუვენტუსისთვის” როსონერისთან მატჩი განსაკუთრებულად მნიშვნელოვანია, ამ გამარჯვებას შეუძლია ბიანკონერებს ჩემპიონთა ლიგის უკანასკნელი იმედი ჩაუსახოს.Sky Sport – თან ინტერვიუში ჯორჯო კიელინი საუბრობს : “წინა ორ შეხვედრასთან შედარებით, ეს მატჩი განსაკუთრებულად მნიშვნელოვანია.ჩვენ ვეთამაშებით ლიდერს, სკუდეტოსთვის ბრძოლის კანდიდატს ინტერთან ერთად.რა თქმა უნდა, სხვა თამაშების მსგავსად მოტივირებულნი ვართ, მაგრამ ეს, საოცარი მატჩია.”

როსონერისთან შეხვედრა ტურინელებისთვის საკმაოდ წარუმატებელ პერიოდს დაემთხვა : “დიახ, გუნდს რთული პერიოდი უდგას, მაგრამ იმედი მაქვს, იანვრისა და თებერვლის წარუმატებლობები წარსულს ჩაბარდა.დარწმუნებულები ვიყავით, რომ ჩვენთვის მისაღები რეზულტატების სერიას განვაგრძობდით, მაგრამ სამწუხაროდ დავუშვით შეცდომები, რომლებმაც სწორ გზას აგვაცდინა.ამ მარცხებმა მოტივაცია უნდა შეგვმატოს – ეს გუნდისთვის აუცილებელია.”

ასეთ მნიშვნელოვან შეხვედრებში, გამოცდილი მოთამაშეების გამოცდილება ხშირ შემთხვევაში გადამწყვეტ როლს თამაშობს : “რა თქმა უნდა, გამოცდილ ფეხბურთელებს საოცარი სიმშვიდე და საკუთარ თავში რწმენა ახასიათებთ, რთულ მომენტებში მათგან მაგალითის აღება აუცილებელია.ამ სეზონში გაცილებით დიდ მიზნებისკენ მივისწრაფოდით, მაგრამ სამწუხაროდ ყველაფერი ისე არ მოხდა, როგორც გვსურდა.ამ მხრივ, ნამდვილად იმედგაცრუებულნი ვართ.შაბათს, მე და ჩემი თანაგუნდელები, მაქსიმუმს გავიღებთ და ჩვენს შესაძლებლობებს ვაჩვენებთ.”

მიუხედავათ, წარუმატებელი პერიოდისა, ბიანკონერები გასული სეზონისგან მიმდინარე წელს განასხვავებენ : “მე ვფიქრობ, რომ გასახლდელშიც, მოედანზეც – ერთი მიზანია.საკუთარი თავის რწმენა სწორედ აქედან წარმოიშვება.შინაგანი თავდაჯერებულობა ჩვენს გუნდში ნამდვილად არსებობს, მაგრამ სტატისტიკა სხვას აჩვენებს.”

“იუვენტუსი” მაქსიმალურად შეეცდება პირველი წრის მატჩის მსგავსი თამაში აჩვენოს, რომელშიც ბიანკონერებმა როსონერი სან სიროზე დაამარცხეს : “ახლა სხვა შემსრულებლები გვყავს, სიტუაცია შეცვლილია ნახევარდაცვაშიც და დაცვაშიც, მაგრამ მატჩის სტატუსი უცვლელია.ჩვენ შეგვიძლია დავამარცხოთ ნებისმიერი მეტოქე, სამწუხაროდ ნებისმიერთან შესაძლოა მარცხი განვიცადოთ.კონცენტრაცია და წარმატებისკენ სწრაფვა – ასე შეგვიძლია მოვიპოვოთ გამარჯვება.”

მორატი “იუვენტუსს” უგულშემატკივრებს : “ლოგიკურია, ნერიაძური როსონერის პირველი კონკურენტია.გამარჯვების შემთხვევაში, ინტერს დიდ სამსახურს გავუწევთ.საერთო ჯამში, ეს მატჩი იუვენტუსისთვისაა მნიშვნელოვანი და არა სხვა ფიგურებისთვის, გამარჯვებას შეუძლია მოგვიტანოს 3 ქულა, დიდი მოტივაცია და თავდაჯერებულობა, რომელიც კვირის მატჩში ნამდვილად გვაკლდა.”

სატურნირო ცხრილი : “ბოლო ორი მარცხის შემდეგ, ამას ჩვენთვის დიდი მნიშვნელობა არ აქვს.ჩემპიონთა ლიგა ? – დიახ, ეს ჩვენი მიზანია, მაგრამ ჯერ-ჯერობით ხმამაღალი განცხადებები ნაადრევია, მატჩიდან მატჩამდე ყველაფერი იცვლება.”

წყარო : Tuttojuve