მონტერო : ” განვიცდი გულშემატკივრებთან ერთად ”

ტურინის იუვენტუსის გულშემატკივრებისთვის , ერთ ერთმა ყველაზე გამორჩეულმა ფიგურამ , პაოლო მონტერომ ინტერვიუ მისცა ინტერნეტ გამომცემლობა Tuttojuve – ს …

მოედანზე ჩვენ ვხედავდით განსხვავებულ მონტეროს , გაცილებით აგრესიულს , მის გარეთ კი საკმაოდ თბილს . საინტერესოა , როგორია ნამდვილი პაოლო მონტერო ?

” ისეთი , რომელიც ყველაფერს იღებდა მოედანზე საკუთარი კლუბისთვის , რომ მას გამარჯვება ნებისმიერ ფასად , ნებისმიერ მეტოქესთან მიეღწია , რათა გულშემატკივარი გაეხარებინა . როდესაც ტურინში ვიმყოფები  ხოლმე , საკმაოდ დიდი სითბო და სიყვარული მხვდება გულშემატკივრებისგან . მიხარია ეს ყველაფერი , რადგან ეს ნიშნავს , რომ კარგი რამ გავაკეთე ჩემი ცხოვრების მანძილზე . სწორედ ეს გახლავთ , მონტეროს ყველაზე დიდი გამარჯვება . არასოდეს მიპოზიორია ჟურნალისტებთან , მატჩის შემდეგ , ქულების მოსამატებლად ” .

გულშემატკივრებს კარგად ახსოვთ ასევე შენს მიერ , მუშტით განხორციელებული დარტყმა დი ბიაჯოზე …

” ასეთი რამ ხშირად ხდება  მოედანზე ბრძოლის დროს . თან მეორე დღეს , ვარჯიშზე ადვოკატი ანიელი მოვიდა ჩემთან და მითხრა : ” პაოლო , შენგან ნამდვილად არ დადგება დიდი ბოქსიორი . ამ დარტყმით შენ შეგეძლო ის ნოკაუტში გაგეგზავნა ” . არაჩვეულებრივი პიროვნება იყო ადვოკატი , ის მე ძალზედ მაკლია . ყველას ესაუბრებოდა , დაწყებული დირექტორებიდან , დამთავრებული უბრალო  მუშამდე  ” .

გახსოვს ერთხელ , თავიდან რომ მოიშორე ?

” დიახ . დილის ექვს საათზე დამირეკა და ვიფიქრე რომ ვიღაც მეხუმრებოდა და ამიტომ გავუთიშე . შემდეგ გადმომირეკა და მითხრა , რომ ნამდვილად ის იყო . ხმა ვერ ამოვიღე და საერთოდაც მას ახასიათებდა დილით ადრე დარეკვები , მაგრამ ასე ადრიანად თუ დამიკავშირდებოდა არ მეგონა ” .

შენი კარიერის მანძილზე , იყო ეპიზოდი , როდესაც კინაღამ ინტერში აღმოჩნდი …

” დიახ . ბერგამოდან მილანში მივემგზავრებოდი , სანდრო მაცოლასთან შესახვედრად . ავტომობილს ჩემი ძმა ატარებდა . ნახევარი გზის გავლის შემდეგ , დამირეკა მარჩელო ლიპიმ , რომელიც ჩემი პირველი მწვრთნელი იყო , პირველ იტალიურ სეზონში ატალანტაში . მან მითხრა , რომ დაუყონებლივ დავბრუნებულიყავი ბერგამოში , ამეღო ნივთები და ტურინში ჩავსულიყავი , რადგან იუვენტუსი იმ დღესვე აპირებდა ჩემთან კონტრაქტის გაფორმებას . ყველაფერი ისე განვითარდა , რომ უკვე ღამის 11-ის ნახევარზე სასტუმროში , გავაფორმე ხელშეკრულება დირექტორ მოჯისთან და ალესიო სეკოს მამასთან .  ენით აუღწერელი ემოციები იყო ” .

შენი პერიოდის იუვენტუსი , მოედანზე 100 % – ით იხარჯებოდა . რატომ ხდება დღეს საწინააღმდეგო რამ ? გუნდი ამარცხებს ინტერს , თუმცა დაბალი დონის გუნდებთან თამაშობს საშინლად ?

” პირადად ჩემთვის , ისევე როგორც ყველა გულშემატკივრისთვის , ძალზედ მტკივნეულია ასეთ დღეში მყოფი გუნდის ყურება . უზომოდ განვიცდი ამ ყოველივეს . როდესაც გუნდი მარცხდება , მასში წვლილი ყველას მიუძღვის , არამარტო ფეხბურთელებს . თუმცა , ეხლა ყველაზე მთავრია რაც შეიძლება მალე დაიწყოს გამარჯვებათა სერია . დამარცხება ფეხბურთის განუყოფელი ნაწილია , თუმცა მატჩის ბოლოს უნდა ფიქრობდე , რომ 100 % -ით დაიხარჯე ” .

რამდენიმე დღის წინ , ლუჩიანო მოჯიმ განაცხადა , რომ კლუბს აკლია პიროვნება , რომელიც შესძლებდა ფეხბურთელების მობილიზებას გაცილებით სუსტ მეტოქესთან . იქნებ ზუსტად მონტერო აკლია ამ სიტუაციას ?

” დირექტორი საუკუეთესი იყო . იგი სპორტულ დირექტორებს შორის ” ზიდანი ” იყო . არაჩვეულებრივად ახერხებდა გუნდის ერთ მუშტად შეკვრას , საკმაოდ დელიკატურ მომენტებში . მახსოვს , ვენეცია დავამარცხეთ ანგარიშით 4-0 . მეორე დღეს , ის გვესტუმრა გასახდელში და დაგვადანაშაულა , რომ ძალზედ გამოვირჩეოდით მოედანზე . იყო შემთხვევები როდესაც კარგად ჩატარებული , თუმცა წაგებული მატჩის შემდეგ , ის კომპლიმენტებით გვავსებდა . ასეთი იყო მოჯი … ”

ამ ეტაპზე მუშაობ , ახალგაზრდა ტალანტების აგენტად . შენი ოცნებაა იუვეს ახალი კავანი უპოვნო ?

” ვმუშაობ ამ მიმართულებით .თუმცა , არ ვიქნებოდი წინააღმდეგ თუ მეორე აბელ ერნანდეს ვიპოვნიდი . როდესაც კავანი და ის ჯერ კიდევ პატარები იყვნენ , მე მათ დიდ მომავალს ვუწინასწარმეტყველებდი ” .

შენი პროგნოზი მიმდინარე სეზონზე …

” არ მსურს , შევიყვანო ვინმე შეცდომაში . გუნდებს შორის ქულათა სხვაობა იზრდება , ასე რომ მიზნის მიღწევა რთული იქნება . ვშიშობ , იუვენტუსს ეს არ გამოუვა ” .

წყარო : Tuttojuve