პორინი : ” პირლო თუ აკუილანი ? პირლო ! ”

Radio Sportiva – სთან საუბარში , ბიანკონერის ექს მცევლმა სერჟიო პორინიმ საკმაოდ საინტერესო თემებზე ისაუბრა , რომელიც რათქმაუნდა ტურინის იუვენტუსს შეეხო …

” თუ გავითვალისწინებთ დარჩენილ შეხვედრებს , მაშინ საკმაოდ რეალურად გამოიყურება იუვენტუსის შანსები ჩემპიონთა ლიგის ზონაში მოსახვედრად . ლაციოსთან მატჩში ტურინელები საკმაოდ თავდაჯერებულად გამოიყურებოდნენ , რამაც სასურველი შედეგი მოუტანა გუნდს . მაგრამ მათ ჯერ კიდევ არა აქვთ გამარჯვებულის მენტალიტეტი , რაც არ აძლევთ საშუალებას კონკურენცია გაუწიონ ისეთ გუნდებს როგორებიც არიან მილანი და ინტერი . დელ ნერი ? ვფიქრობ ფეხბურთელები არამარტო მორალური თვალსაზრისით უჭერენ მას მხარს . სისულელეა ყოველ წელს მწვრთნელის ცვლა , ეს სასურველ შედეგს არ მოიტანს . აიღეთ მაგალითად ფერგიუსონის სიტუაცია . ხმაურიანი ტრანსფერები ? თუ იუვე ვერ მოახერხებს ლიგის ზონაში მოხვედრას , ვარსვკვლავების მოყვანა წარმოუდგენლად რთული იქნება , რადგან მათი უმთავრესი სურვილი ამ ტურნირზე ასპარეზობაა . თუმცა ნებისმიერ შემთხვევაში , კლუბს მტკიცედ აქვს გადაწყვეტილი სერიოზული გაძლიერება . ისე კი დამაფიქრებელი მომენტია , როდესაც დი ნატალე იძახის საჯაროდ , რომ არ სურს იუვეში ასპარეზობა .  პირლო თუ აკუილანი ? მშვენიერი იქნებოდა , თუ მაროტა ორივეს გაფორმებას მოახერხებდა . პირლოს ზედმეტი რეკლამირება არ ესაჭიროება , რაც შეეხება აკუილანის , კარგი და ნიჭიერი ფეხბურთელი რომ არის ამას წყალი არ გაუვა , მაგრამ არჩევანის შემთხვევაში მე ანდრეას მივანიჭებდი უპირატესობას . მასში განხორციელებული ინვესტიციები , გაცილებით საიმედო მეჩვენება ” .

წყარო : TuttoJuve